Hăm tơ drong jang pơ gang, Thủ tướng athei lăng hơkâu jăn, jơ hngơ̆m pran bơ ngai jĭ păng tơ drong đei yua đơ̆ng kon pơ lei 'noh kăl hloh; ư̆h kơ lê̆ anih jang pơ gang ư̆h kơ măh bơ̆n tơmam kơ măy kơ mŏk, kon pơ lei ư̆h kơ măh pơ gang yua đơ̆ng tơ hlăk găh trong jang.

Thủ tướng athei dăr hơlen, hơmet ming dôm tơdrong hơgăt ƀơm truh tơdrong vei lăng tơmam kơmăy kơmŏk pơgang, pơgang hơmet jĭ; kăt tơjur tơdrong pơgăn, tơjur jên tơmơ̆t jang, kơjă pơgang păng tơmam kơmăy kơmŏk pơgang, hơdai hăm vei sơđơ̆ng tơdrong 'lơ̆ng păng đei yua răt iŏk. Thủ tướng kŭm athei pơjing tơdrong hiôk hian, rơđăh rơđong, vei lăng đei yua, ưh kơ lê̆ kăn ƀô̆ hli kơ hơnăp jang, ưh kơ pơ̆n tơchơ̆t, hơdai hăm tang găn tơdrong iŏk yua tơdrong tơgŭm vă iŏk yua ăn kơdih. Tơdrong tơm 'noh jĭ vei sơđơ̆ng kon pơlei đei iŏk yua pơgang păng tơmam kơmăy kơmŏk pơgang 'lơ̆ng, hăm kơjă lăp, tơgop hơtŏk 'lơ̆ng tơdrong khăm, hơmet jĭ.