Bơngai jĭ ou 'noh yă H.B.K., 58 sơnăm, oei tơ̆ pơlei Ea Mắp, xah Quảng Phú, dêh char Đăk Lăk. Tơ̆ Hnam pơgang tơm tơring Tây Nguyên bơngai jĭ đei khăm păng pơkăp ƀơm pơlŏ tŏ lĕch đe Dengue ah năr mă 6, păng đei ƀôh tuh pham hlŭng, lĕch pham lin hơnĕnh, păng tuh pham lơ̆m klak. Atŭm hăm noh bơngai jĭ đei tơdrong jĭ gah huyêt ap păng jĭ đak 'nôm kul type 2.

Hơdrol kơ noh, minh 'nu drŏnglo 'lŏ sơnăm, oei tơ̆ phương Tân An, dêh char Đăk Lăk, hlôi lôch hơchăng kơyuơ đơ̆ng pơlŏ tŏ lĕch đe tơ̆ Hnam pơgang tơm tơring Tây Nguyên ah năr 30/7. Thoi noh, đơ̆ng blŭng sơnăm truh dang ei, jơ̆p dêh char Đăk Lăk băt đei 6.012 'nu bơngai ƀơm pơlŏ tŏ lĕch đe tơ̆ 252 hơnih hơbuh jĭ lơ̆m 24 xah, phương lơ̆m jơ̆p dêh char, tŏk jê̆ 30% pơtêng hăm khei năr ou kơ sơnăm 2025.