VOV.Bahnar - Oei pă 3 năr dơ̆ng, Lêh akŏm Sầu riêng dêh char Đăk Lăk sơnăm 2026 gô đei pơgơ̆r tơ̆ lơ tơring lơ̆m dêh char. Vă vei rơgoh 'lơ̆ng tơmam drăm xa lơ̆m lêh akŏm, hơnih jang pơgang hơmet Jĭ jăn Đăk Lăk tĕnh kuăng tơlĕch lơ trong jang, kơchăng tang găn păng hơmet 'lơ̆ng dôm tơdrong đei ƀôh.

VOV.Bahnar - Đơ̆ng blŭng sơnăm 2026 truh dang ei, Đắk Lắk đei vă jê̆ 2.500 ‘nu bơngai pơlŏ lĕch đe tơ̆ 102 tơring, phương, tŏk dang 10% pơting hăm dôm khei âu sơnăm sơ̆. Lơ̆m mă kơsô̆ bơngai jĭ roi năr roi lơ, lơ kon pơlei oei đei jơhngơ̆m đon pơhơi, dang yơ jĭ dêh ‘noh mă chơ ba tơ̆ hnam pơgang. Hơdai hăm tơdrong tơnap tap găh bơngai jang, kơmăi kơmŏk păng kon jên jang tang găn hơlou tơ̆ tơring, hơmơt pơrang lang să rŏ năng kơtang hloh. 

VOV.Bahnar - Tơlĕch jang kiơ̆ Tơdrong tơchơ̆t kơsô̆ 72 đơ̆ng Hơnih tơm Chinh trĭ “Găh mĭnh trong jang kăl, atŏk kơtang vei lăng năng tông păng pơm hơtŏk pran jăng ăn kon pơlei”, dêh char Đăk Lắk hlôi tơlĕch 400 ti hlak jên vă klăh asong ăn rim tơring tơlĕch jang kiơ̆ khăm đĕch ăn kon pơlei sơnăm 2026.  

VOV.Bahnar - “Dŏng 1 ‘nu bơngai hloh kơ man 7 tŏ hnam hơkŭm” ‘noh jĭ đon tơchĕng ƀlŏk đơ̆ng dôm bơngai jang lơ̆m Kâu lak ƀô̆ Grŭp pham khăi Rh- dêh char Đắk Lắk. Yua thoi noh, ƀơ̆t mưh đei ‘măng krao kơ̆p kư̆u kăl kơ pham khăi, đe sư ưh kơ jô̆ kơnăr kơmăng, jê̆ hơtăih đei măt hloi tơ̆ hnam pơgang, hơnhăk ba tơdrong hơmĕng hơrih ăn kơ dôm bơngai tam mă đei joăt. Tơdrong jang ‘lơ̆ng ‘noh đơ̆ng đe sư ưh khan lăp dŏng lơ bơngai hơrih mă oei păr ang jơhngơ̆m ‘mêm mơnat, ‘mêm kơ eng păng jang tơnăp hăm tơpôl, tơgop pơjing 1 tơpôl ‘mêm mơnat, mĭnh jơhngơ̆m đon păng hơtŏk tơiung.

VOV.Bahnar - Tơ̆ hơnăp hơmơt kơsô̆ bơngai jĭ pơlŏ lĕch đe tŏk lơ, hơmơt đei ƀôh jing jĭ hơbuh tih, anih jang pơgang dôm dêh char Tây Nguyên tŏk bŏk tơlĕch jang hrơ̆ch dôm trong jang vă tang găn kơsô̆ bơngai jĭ ‘nao, kiơ̆ đơ̆ng noh tang găn jĭ đei ƀôh, mă loi ‘noh lơ̆m khei ‘năr tơring tŏk bŏk yak mơ̆t lơ̆m pơyan ‘mi.

VOV.Bahnar - Kŭm hăm đon hli pơngơ̆t găh ‘mi kial hơbŭt, ‘nŏh mưh Tây Nguyên mât lơ̆m pơyan ‘mi kŭm jing dôm tơdrong jĭ krê hơmơt pơtơm đei ‘năi. Tơdrong krê hơmơt đei jĭ tơpoh roi tŏk ƀât đơ̆ng blŭng sơnăm truh dang ei, dêh char Đắk Lắk hlôi đei truh 1.518 ‘nu bơngai jĭ pơlŏ lĕch đe tơ̆ 14 anih jĭ, tŏk truh 154% pơting hăm khei âu sơnăm sơ̆.

VOV.Bahnar - Ưh jăh gơ̆h pơma đa đei tơ̆ đe hơioh đơ̆ng 6 khei truh 3 sơnăm, roi đunh roi đei lơ, pơm ăn lơ mĕ ƀă pơngơ̆t. Ưh jăh gơ̆h pơma tơ̆ hơioh yoa lơ tơdrong, ƀât yoa đơ̆ng jĭ jăn lơ̆m jơhngâm đon păng anih arih xa. Yoa thoi noh, mĕ ƀă athei hơlen năng mă ‘lơ̆ng kiơ̆ khei ‘năr pơhrăm pơma vă gơ̆h băt hrôih păng hơmet tơtom, pơm ‘lơ̆ng ăn tơdrong tih vơ̆ tơ̆ đe hơioh.

VOV.Bahnar - Hơven hơvo jo jăn ‘noh 1 tơdrong jĭ tơpoh dei dei krê hơmơt yua đơ̆ng yŏng jĭ pơm ăn, gô pơm ăn tơdrong jĭ jo po ưh kơ gơh hơmet, mă loi ‘noh tơ̆ hơioh. Tơ̆ dêh char Đắk Lắk, dôm sơnăm âu ki, gơnang đơ̆ng hơtŏk tơiung đei yua Tơdrong jang ƀet bơ̆ng pơih să, jĭ jo jăn hlôi gơh vei lăng ‘lơ̆ng, tơgop vei lăng jơhngơ̆m pran hơioh lơ̆m tơring. Mă lei, khei ‘năr tơjê̆ âu vắc xin OPV tang găn jĭ hơven hơvo jo jăn tŏk bŏk đei hơmơt hŭt hiơt, tơdrong tơm pơm ăn găh lơ ‘noh yua đơ̆ng hlôh vao tam mă tôm đơ̆ng kon pơlei.

VOV.Bahnar - Jĭ pơlŏ lĕch đe oei hơnơ̆ng jing 1 lơ̆m dôm tơdrong jĭ tơpoh tôch hơmơt hrei ‘nâu tơ̆ lơ tơring lơ̆m teh đak. Kiơ̆ Anih tơm vei lăng jang pơgang, đơ̆ng blŭng sơnăm 2026 truh dang ei, lơ̆m teh đak đei hlŏh 50 rơbâu ‘nu bơngai jĭ pơlŏ lĕch đe, lơ̆m noh đei 5 ‘nu bơngai lôch. Kăl pơma, tơdrong jĭ oei tơpŏh roi dêh păng hơnat vă gơ̆h tang găn pơting hăm adrol sơ̆.

VOV.Bahnar - Tŏk bŏk đak dơsĭ hơtăih kơ groi teh dôm jĭt hải lý, tơdrong jang khăm hơmet jĭ tơ̆ tơring gĭt kăl Phú Quý ling lang tơ jră hăm lơ mơmat tat yua đơ̆ng ưh kơmăh bơngai joăt jang hơgei, tơdrong chơ bơngai jĭ pơmơ̆ng lơ̆m tŏ ‘mi kial păng ƀato thŏng nan trong đak dơsĭ, Tơ̆ hơnăp ‘meh vă kơ̆p kư̆u roi ‘năr roi lơ, mă loi ‘noh jĭ đơ̆ng rŏng 1,2 ‘nu bơngai jĭ krê hơmơt măh chơ hăm gre vơ vêl tŏk tơ̆ groi teh, anih jang pơgang dêh char Lâm Đồng tŏk bŏk akŏm hơtŏk ‘lơ̆ng tơdrong hơmet, kơ̆p kư̆u, pơtho hŏk jrŭ dơ̆ng păng tơmơ̆t jên jang răt kơmăy kơmŏk, tơmam ăn jang pơgang tơ̆ đak dơsĭ, achon đak dơsĭ.