Hơvơn kơ mih ma duch nă păng bôl buăl atŭm chă hơlen băt gah tơchơ̆t tơgŭm ƀao hiêm hơmet jĭ jăn kơ unh hnam. Tơdrong kăl băt kơyuơ hơnih jang Ƀao hiêm tơpôl dêh char Đăk Lăk pơtruh.

- Ƀao hiêm hơmet jĭ jăn jĭ tơdrong tơchơ̆t tơgŭm đơ̆ng Đảng păng Teh đak, kơyuơ tơdrong pơyua ăn bơngai jang păng kon pơlei, đei teh đak vei vêr, kơyuơ hơnih jang Ƀao hiêm tơpôl iŏk jang:

- Grŭp bơngai kơdih răt ƀao hiêm hơmet jĭ jăn đei:

- Bơngai oei lơ̆m unh hnam răt ƀao hiêm hơmet jĭ jăn atŭm kiơ̆ kơ unh hnam.

- Bơngai oei hơrih păng pơm jang, bơngai đei rong ‘me, vei lăng lơ̆m dôm hơnih jang ‘mêm bơnat, hơnih pơgơ̆r lui khop:

- Bơngai pơm jang oei lơ̆m khei năr pơdơh ưh đei xa jên khei dah mă pơdơh tơdăng kơ tơdrong pơm jang:

- Bơngai ưh đei oei lơ̆m dôm tơdrong pơkăp tơroi tơ̆ kơpal hei.

- Lơ̆m noh, unh hnam răt ƀao hiêm hơmet jĭ jăn jĭ dôm bơngai đei atŭm hơnih chih măt oei jang xa dah mă chih măt atŭm oei jang xa trŏ ƀlep kiơ̆ tơchơ̆t đơ̆ng khôi luơ̆t pơkăp gah oei xa.

- Jên đŏng ƀao hiêm hơmet jĭ jăn kơ unh hnam ăn rim bơngai lơ̆m unh hnam đei pơkăp nhen tơ̆ hơla: bơngai mă blŭng đŏng hơtŏ 4,5% jên khei jang tơ̆ tơring, bơngai mă ƀar, mă pêng, mă puăn đŏng kiơ̆ tur hơtŏ 70%, 60%, 50% jên đŏng kơ bơngai mă blŭng; đơ̆ng bơngai mă pơđăm tŏk tơ̆ kơpal đŏng hơtŏ 40% jên đŏng kơ bơngai mă mônh.

- Mă kăl unh hnam tơjê̆ hin dơnuh đei tơgŭm 100% jên răt ƀao hiêm hơmet jĭ jăn, lơ̆m noh: jên mong Trung ương tơgŭm 70%, jên mong dêh char Đăk Lăk tơgŭm 30%;

- Unh hnam jang chŭn mir, jang gah bri, jang ka hơdang, jang ƀoh đei tơdrong hơrih da ƀiơ̆ đei tơgŭm 60%, lơ̆m noh: jên mong Trung ương tơgŭm 30%, jên mong dêh char Đăk Lăk tơgŭm 30%.

- Bơngai kon kông tŏk bŏk oei hơrih jang xa tơ̆ dôm tơring đei sơkơ̆t pă đei oei lơ̆m tơdrong jang mŭk drăm – tơpôl tơnap tap, tơnap tap kơdêh kiơ̆ tơchơ̆t đơ̆ng Jơnŭm pơgơ̆r teh đak đei tơgŭm 85%, lơ̆m noh: jên mong Trung ương tơgŭm 70%, jên mong kơ dêh char Đăk Lăk tơgŭm 15% (đei tơgŭm ăn lơ̆m 36 khei jô̆ đơ̆ng khei năr tơring oei hơrih jang xa pă đei oei lơ̆m tơring jang mŭk drăm – tơpôl tơnap tap, tơnap tap kơdêh kiơ̆ tơchơ̆t đơ̆ng Jơnŭm pơgơ̆r teh đak).

- Tơgŭm jên răt ƀao hiêm hơmet jĭ jăn ăn khul jang vei sơđơ̆ng tơpôl tơ̆ tơring kiơ̆ tơdrong chih ah pơkăp b chăl  2 Tơdrong 4 Tơchơ̆t kơsô̆ 04/2024/NQ-HĐND năr 20/6/2024 kơ Jơnŭm vei lăng kon pơlei dêh char Đăk Lăk: 60% jên đŏng ƀao hiêm hơmet jĭ jăn kơ grŭp bơngai vang răt ƀao hiêm hơmet jĭ jăn kiơ̆ tơdrong chih ah pơkăp  i chăl 1 Tơdrong 13 Luơ̆t Ƀao hiêm hơmet jĭ jăn kơsô̆ 25/2008/QH12 (đei chih hơmet ah sơnăm 2014).

- Răt ƀao hiêm hơmet jĭ jăn kơ unh hnam, buăl gô đei xa yua dôm tơdrong tơ̆ hơla:

- Đei tơjur jên đŏng ăn ‘nhŏng oh lơ̆m unh hnam mă atŭm vang răt ƀao hiêm hơmet jĭ jăn.

- Đei asong ăn the ƀao hiêm hơmet jĭ jăn điê̆n tư.

- Đei kla ăn jên khăm hơmet jĭ lơ̆m pơkăp pơyua păng xa yua đei tơchơ̆t lơ̆m the ƀao hiêm hơmet jĭ jăn.

- Gơh chă rơih păng tơplih hơmet chih măt khăm hơmet jĭ mă blŭng lơ̆m 15 năr blŭng kơ rim jăl.

- Đei hơnih jang Ƀao hiêm tơpôl, hơnih khăm hơmet jĭ kiơ̆ ƀao hiêm hơmet jĭ jăn păng hơnih jang đei tơrĕk tơroi tơbăt hơdah gah tơdrong xa tơgŭm ƀao hiêm hơmet jĭ jăn.

- Gơh chă pơtruh nơ̆r tơkêng, tơhlou tơdrong pơm glăi luơ̆t gah ƀao hiêm hơmet jĭ jăn.

- Răt ƀao hiêm hơmet jĭ jăn kơ unh hnam vă vei lăng jơhngơ̆m jăn ăn rim bơngai lơ̆m unh hnam.

- Tơdah kăl băt atăm, pơtruh nơ̆r hăm Ƀao hiêm tơpôl dêh char Đăk Lăk dah mă Ƀao hiêm tơpôl tơ̆ tơring, rim hơnih jang đei asong kơ Ƀao hiêm tơpôl, Ƀao hiêm hơmet jĭ jăn lơ̆m tơring gô tơgŭm pơtho păng sek pơm pơkeh.

- Kơsô̆ điê̆n thuăi kăl tơgŭm kơ Ƀao hiêm tơpôl dêh char Đăk Lăk ‘noh: 0262 222 9799.

Kơsô̆ điê̆n thuăi hơnih jang Ƀao hiêm tơpôl dêh char păng ƀao hiêm tơpôl tơ̆ tơring

Kơsô̆ điê̆n thuăi kăl tơgŭm kơ Ƀao hiêm tơpôl dêh char Đăk Lăk:  0262 2229799

Kơsô̆ kiơ̆ kơ trong                                                   Hơnih jang                                      Kơsô̆ điê̆n thuăi

             01                                                                Ƀao hiêm tơpôl tơring Lăk                          0262.3586214

             02                                                           Ƀao hiêm tơpôl tơring Krông Pắc                    0262.3528049

             03                                                          Ƀao hiêm tơpôl tơring Krông Bông                  0262.3732259

             04                                                            Ƀao hiêm tơpôl tơring Cư M'gar                     0262.3834198

             05                                                            Ƀao hiêm tơpôl tơring Buôn Đôn                    0262.3789478

             06                                                             Ƀao hiêm tơpôl tơring Ea Súp                        0262.3688174

             07                                                            Ƀao hiêm tơpôl tơring Krông Năng                 0262.3675479

             08                                                                Ƀao hiêm tơpôl tơring Ea H'Leo                  0262.3777309

             09                                                                 Ƀao hiêm tơpôl tơring Cư Kuin                  0262.3633939

            10                                                                   Ƀao hiêm tơpôl tơring Ea Kar                   0262.3626703

            11                                                                     Ƀao hiêm tơpôl tơring M’Drắk               0262.3731396

            12                                                                    Ƀao hiêm tơpôl tơring Tuy Hòa               0257.3843936

            13                                                                     Ƀao hiêm tơpôl tơring Sông Cầu            0257.3692125

            14                                                                     Ƀao hiêm tơpôl tơring Tuy An                0257.3778789

            15                                                                    Ƀao hiêm tơpôl tơring Phú Hòa               0257.3881179

            16                                                                  Ƀao hiêm tơpôl tơring Sông Hinh             0257.3858259

            17                                                                     Ƀao hiêm tơpôl tơring Sơn Hòa             0257.3861630