Truh dang ei, tơring hlôi khăm ăn kơ hloh 2,5 triệu ‘nu kon pơlei, iŏk đei hlŏk 82% kơsô̆ kon pơlei. Dêh char Đắk Lắk tơlĕch trong jang khăm jơhngơ̆m pran, khăm hơlen tơdrong jĭ đĕch ăn kon pơlei đơ̆ng khei 6/2026. Dêh char jô̆ hơlen ăn dang 400 ti hlak jên đơ̆ng jên hơtŏk thu pơting hăm jô̆ hơlen hơdrol păng jô̆ hơlen hơdrol tơlĕch jên jang kơ dêh char sơnăm 2025 oei đei, klăih song ăn kơ dôm tơring pơgơ̆r bơ̆jang kiơ̆, hăm kơsô̆ jên kla 350.000 hlak jên 1 ‘nu 1 ‘măng khăm.

Ƀok Phạm Minh Hữu, Phŏ Kơdră Anih vei lăng găh tơdrong jang pơgang dêh char Đắk Lắk, tơbăt, lăp đơ̆ng rŏng kơ Tơdrong tơchơ̆t kơsô̆ 72 đei tơlĕch ăn, bơ̆jang kiơ̆ athei đơ̆ng Anih jang Đảng dêh char, Anih jang hlôi pơjing trong tơlĕch jang khăm jơhngơ̆m pran hơnơ̆ng ăn kon pơlei. Kiơ̆ kơ ƀok Phạm Minh Hữu, tơchĕng hơdrol, tơdrong jang âu gô pơtôch lơ̆m tŏk bŏk khei 12 sơnăm ‘nâu.