VOV4.Bahnar - Tơgơ̆ kơting tơm blu ‘noh jĭ tơdrong tơgơ̆ đơ̆ng kơting iĕ  truh tơ̆ tơting tih ƀơ̆t tơm blu. Tơdrong ‘nâu đa tơƀơ̆p tơ̆ bơngai kră ƀơ̆t kơting ưh pă pran kơjăp, mă lei oei đei bơngai mơlôh yua đơ̆ng gre tơ̆m preh băl dăh mă pơ̆k. Tơgơ̆ kơting tơm blu gô hơnhăk truh lơ tơdrong jĭ krê hơmơt, tơhli kơtă truh jơhngơ̆m pran tơdăh ưh kơ đei hơlen băt păng hơmet tơtom.

BAHNAR.VOV.VN - Mă đơ̆ng đĭ hơtuch pơyan ‘mi bơih ră mă lei tơ̆ dêh char Đắk Lắk, jĭ pơlŏ lĕch đe oei hơnơ̆ng đei chih iŏk, lơ̆m lơ bơngai jĭ ƀĭch tơ̆ hnam pơgang ƀơ̆t hơkâu jĭ dêh nhen blơ̆, tơ jur pham, lĕch pham... pơm krê hơmơt truh hơkâu jăn.

BAHNAR.VOV.VN – Kiơ̆ Anih jang Hơlen pơrang jĭ jăn (CDC) dêh char Đak Lăk, lơ̆m tơring kơ dêh char ‘nao ƀôh đei bơngai mă 3 lôch kơyuơ đơ̆ng pơlŏ tŏ lĕch đe.

VOV4.Bahnar - Dôm sơnăm vih tơ̆ âu, kơsô̆ bơngai jĭ găh plei lĕn, athei hlŏng hơmet pham hăm kơmăy tơ̆ Đắk Lắk roi tŏk lơ, kơplăh ‘nŏh kơmăy kơmŏk, bơngai pơvih oei ưh kơmăh kơna jing hrăt hrot bơngai tơ̆ hnam pơgang. Lơ bơngai jĭ athei năm tơ̆ hnam pơgang kơdih mă ưh ‘nŏh năm tơ̆ dêh char nai vă hlŏng pham kiơ̆ khei ‘năr, ƀơm ưh ‘lơ̆ng truh jơhngâm pran păng hiong huach jên lơ.

VOV4.Bahnar - Tơlĕch jang 4 tơdrong tơgŭm ăn drŏ kăn kon kông rơnĕh kon hơ ‘lơ̆p sơđơ̆ng ‘lơ̆ng păng vei lăng jơhngâm pran ăn đe hơioh, rim Khul drŏ kăn dêh char Gia Lai kơchăng jang hơdoi hăm Hnam pơgang, kăn ƀô̆ jang pơgang tơ̆ tơring pơgơ̆r lơ ‘măng roi tơƀôh ƀơm truh tơdrong gĭt kăl găh pơm mĕ sơđơ̆ng ‘lơ̆ng păng vei lăng jơhngâm pran ăn bơngai mĕ păng đe hơioh. Gơnơm thoi noh, mă kơsô̆ drŏ kăn rơnĕh kon tơ̆ hnam tơ̆ tơring kon kông jur kiơ̆ sơnăm; pơm tơjur ƀiơ̆ tơdrong lôch răm hăm bơngai mĕ păng kon nge păng pơm tơjur ƀiơ̆ kơsô̆ hơioh hơkĕ hơkong.

VOV4.Bahnar - Hăm hơnăp jang đei pơjao ‘nŏh jĭ Anih pơgơ̆r bơ̆ jang Tơdrong jang 8 “Pơm hơtŏ băl kơplăh drŏ kăn hăm drŏ nglo păng sek tơlang dôm tơdrong gĭt kăl hăm đe drŏ kăn păng hơioh”, Khul drŏ kăn dêh char Tuyên Quang akŏm jơhngâm chĕp kơ̆l pơgơ̆r bơ̆ jang lơ tơdrong tôch đei yoa. Gơnơm thoi noh, vang tơgop pơm tơplih ‘lơ̆ng mưh vă sut pơđĭ dôm tơdrong ưh hơiă, đon tơchĕng ưh kơ lăp găh drŏ kăn hăm drŏ nglo, pơm ‘lơ̆ng ăn tơdrong hơtŏ băl kơplăh drŏ kăn hăm drŏ nglo ăn đe drŏ kăn păng đe hơioh tơ̆ tơring kon kông lơ̆m dêh char, mă loi ‘nŏh tơ̆ 2 apŭng Hàm Yên păng Sơn Dương.

VOV4.Bahnar - Tơlĕch jang Tơdrong jang 8 “Pơm kiơ̆ hơtŏ băl đơ̆ng drŏ nglo hăm drŏ kăn păng hơmet pơ ‘lơ̆ng dôm tơdrong kăl hăm drŏ kăn păng hơioh” găh Tơdrong jang tơm teh đak hơtŏk tơiung mŭk drăm - tơpô tơring kon pơlei kon kông păng tơring groi kông, Khŭl vei lăng Drŏ kăn dêh char Quảng Ninh hlôi păng tŏk bŏk tơlĕch lơ tơdrong jang hơdăh ‘lơ̆ng hăm tơdrong hơgăt kơ jung hloh pơtrŭt vei lăng drŏ kăn păng hơioh tơring kon kông păng groi kông.

VOV4.Bahnar - Lơ̆m 2 khei kơ âu dêh char Đak Lăk pơtoi ƀôh băt đei 2 ‘nu lôch kơyuơ pơlŏ tŏ lĕch đe.

VOV4.Bahnar - Lăp lơ̆m 1 khei âu ki, dêh char Đắk Lắk đĭ đei hlŏh 100 ‘nu bơngai jĭ grŏnh. Tơ̆ hơnăp tơdrong krê hơmơt đơ̆ng jĭ grŏnh ƀât mă kơsô̆ bơngai jĭ oei tŏk hơnơ̆ng, anih jang pơgang dêh char Đắk Lắk oei hơtŏk lơ trong jang vă tang găn jĭ, ưh ăn jĭ tơpoh xă.

VOV4.Bahnar - Khei ‘năr âu ki, tơ̆ dêh char Đắk Lắk, jĭ grŏnh oei tơpŏh tôch hơmơt, kơsô̆ bơngai jĭ tŏk hơnơ̆ng. Hăm trong jang “tang găn, ‘lơ̆ng ƀiơ̆ kơ hơmet”, anih jang pơgang dêh char kơchăng tơlĕch lơ trong tang găn jĭ vă găn tôch ai jĭ tơpŏh, vei lăng ‘lơ̆ng jơhngâm pran ăn kon pơlei.