‘Nâu jĭ kơmăy tơgŭm răih măt ưh kơ gan bang AI tŏk bŏk đei tơlĕch iŏk yua jơ̆p jang lơ̆m apŭng plĕnh teh păng tơ̆ dôm anih tơm tih tơ̆ Việt Nam; mă lei jĭ ‘măng mă blŭng đei tơmơ̆t yua tơ̆ tơring Tây Nguyên. Kơmăy mă Hnam pơgang hơmet jĭ Măt Tây Nguyên iŏk yua ‘noh VisuMax 800, kơmăy răih jĭ măt ‘nao, iŏk yua kơmăy laser hrĕnh păng trŏ ƀlep. Hăm jơ răih kơđeh, tơdrong ƀơm tơ̆ nai tŏ sĕt, iŏk yua kơmăy âu tơgŭm hơtŏk ‘lơ̆ng sơđơ̆ng păng pơm kơđeh jơ prăih đơ̆ng rŏng kơ răih.

Tơdrong tơmơ̆t yua kơ măy VisuMax 800 lơ̆m hơmet jĭ tơƀôh hơyak năm gĭt kăl lơ̆m tơdrong răih dôm tơdrong jĭ găh măt tơ̆ Đắk Lắk, pơm tơdrong hiôk vă kon pơlei tơring Tây Nguyên đei hơmet jĭ găh măt ‘nao kơtă hloi tơ̆ tơring. Ƀak si Trần Đình Tuấn, Kơdră vei lăng Hnam pơgang hơmet jĭ Măt Tây Nguyên tơbăt kơmăy âu tơgŭm hơmet jĭ măt ưh kơ gan bang ăl lăp hơla kơ 10 giây lơ̆m 1 păh măt, kơna tôch kơ lăp hăm đe buăl mơlôh.