Ƀôh đei jê̆ 3.000 bơngai pơlŏ tŏ lĕch đe, Đăk Lăk hơtŏk jang tơjră pơrang jĭ
Thứ hai, 13:51, 11/08/2025
Lan chih tơblơ̆
Lan chih tơblơ̆
VOV.Bahnar – Dêh char Đăk Lăk tŏk bŏk oei tơlĕch lơ trong jang vă hơlen păng tơjră pơlŏ tŏ lĕch đe, ah mă kơsô̆ bơngai ƀơm pơlŏ tŏk tenh păng hlôi đei bơngai lôch. Truh dang ei, jơ̆p dêh char Đăk Lăk băt đei hloh 2.660 'nu bơngai ƀơm pơlŏ tŏ lĕch đe, rim năr đei 30 truh 100 'nu bơngai ƀơm jĭ 'nao.
Pơđĭ xah, phương adoi đei bơngai pơlŏ, lơ̆m noh akŏm lơ tơ̆ phương Buôn Ma Thuột, dôm tơring nhen Krông Pach, Cư M’gar, Sơn Hòa, Tây Hòa păng Sông Hinh. Đei minh 'nu bơngai lôch kơyuơ pơlŏ tŏ lĕch đe. Anih jang vei lăng kon pơlei dêh char Đăk Lăk hlôi pơtruh hla bar kăl, pơgơ̆r dôm tơring pơgơ̆r chă pơlôch klanh, pơ-'nguaih cham char kiơ̆ tơchơ̆t; hơtŏk tơroi tơbăt hlôh vao ăn kon pơlei.
Anih jang pơgang hơmet jĭ jăn adoi chă tơroi tơbăt ăn kon pơlei kơchăng vei rơgoh hnam, pơlôch sơmĕch, nĕ lê̆ sơmĕch kăp kiơ̆ dôm trong tơlĕch trŏ ƀlep. Atŭm hăm noh pơtơm tôm tơdrong hơlen, hơmet anih ƀơm jĭ păng chă akŏm bơngai ƀơm jĭ.
Viết bình luận