VOV4.Bahnar - Đơ̆ng sơ̆ khơ̆ dang ei, bơngai Tày đĭ băt kơ yua hla ‘long bri păng dôm kơ loăi pơgang hla ‘long bri brăh pơm pơgang hơmet jĭ. Đơ̆ng jih pơlei truh tơ̆ bri kơdrơ̆ng, kon pơlei gơh chă đei dôm ‘long pơgang ngăl, mă lei bơngai  Tày rim tơring ‘noh đei trong chă pơm dôm pơgang hơmet jĭ pha ra băl.

VOV4.Bahnar - Năr brei (22/12), Hơnih tơm Hơlen jĭ jăn dêh char Gia Lai tơbăt ‘nao đei dơ̆ng 1 ‘nu bơngai lôch kơ yuơ kŏ vơnh kăp tơ̆ apŭng Đức Cơ.

VOV4.Bahnar – Pơgê năr 22/12, Jơnŭm thâi pơgang mơlôh dêh char Đăk Lăk pơgơ̆r hop akŏm ‘măng mă 4. Tơchơ̆t kơ jơnŭm jang lơ̆m khei năr truh noh chĕp vei dôm tơdrong jang ‘mêm bơnat kơyuơ jơhngơ̆m jăn pran ăn kon pơlei; hơtŏk pran tơdrong jang kơ jơnŭm Thâi pơgang mơlôh tơ̆ dôm tơring kon pơlei oei xa.

VOV4.Bahnar - Tơpŏh đơ̆ng mĕ truh tơ̆ kon ‘nŏh jĭ 1 lơ̆m 3 trong tơpŏh tơm đơ̆ng jĭ HIV. Yoa thoi, hăm đe drŏ kăn oei hơnăp mă jĭ HIV, hơnơ̆ng hơpơi ‘mĕh rơnĕh đei kon pran jăng. Tơdrong vă gơ̆h jing bơngai pơm mĕ đơ̆ng đe sư ưh kơ ƀônh kiơ, yoa đe sư athei tơjră hăm lơ tơdrong găn trong đơ̆ng tơdrong jĭ. Mă lei, dôm sơnăm tơjê̆ âu, gơnơm tơdrong jang tŏk pran, gơ̆h hơgei đơ̆ng anih jang pơgang chăl hle, đe drŏ kăn jĭ HIV dăh mă jô̆ hloi dôm unh hnam đei pơđĭ mĕ ƀă jĭ HIV oei gơ̆h rơnĕh kon pran jăng đĕch, gơnơm đon kơchăng năm khăm tơ̆ hnam pơgang vă iŏk đei nơ̆r roi tơƀôh, đei trong tang găn ‘lơ̆ng, tơgŭm găn tôch ai tơdrong krê jĭ HIV tơpŏh đơ̆ng mĕ truh tơ̆ kon.

VOV4.Bahnar -Anih vei lăng tơdrong jĭ jăn dêh char Gia Lai ‘nao chih iŏk 1 ‘nu lôch yua đơ̆ng jĭ vơnh tơ̆ apŭng Chư Sê, hơtŏk kơsô̆ bơngai jĭ vơnh tơ̆ Gia Lai tŏk 13 ‘nu, lơ hloh lơ̆m teh đak đơ̆ng blŭng sơnăm truh dang ei.

VOV4.Bahnar - Kiơ̆ kơ sô̆ chih jô̆ đơ̆ng Anih vei lăng tơdrong jĭ jăn (CDC) dêh char Dak Lak, jô̆ truh  ‘năr 12/12/2023, lơ̆m dêh char hlôi chih iŏk vă jê̆ 5000 ‘nu bơngai jĭ pơ lŏ lĕch đe, lơ̆m noh đei 6 ‘nu lôch. Tơdrong tôch kơ tơtăm, lơ̆m kơ sô̆ dôm bơngai jĭ lôch, đei truh 4 ‘nu ‘noh jĭ hơioh hơla kơ 15 sơnăm. Yua thoi noh, đe mĕ bă kăl kơ lăng truh, mă loi ‘noh jĭ  hăm dôm hơioh bek plên, hơioh đei tơdrong jĭ đơ̆ng hơdrol mưh đei jĭ pơ lŏ lĕch đe tôch kơ ƀônh jing jĭ ăl pơm krê hơmơt truh jơhngơ̆m pran păng hơkâu jăn kơ đe hơioh....

VOV4.Bahnar – Lơ̆m 3 năr, đơ̆ng năr 29/11 truh năr 1/12, tơ̆ apŭng Đak Glong, dêh char Đak Nông, Anih jang Tơroi tơbăt Pơtho gah jơhngơ̆m jăn pran Trung ương jang atŭm hăm Anih Vei lăng pơgang hla ‘long (Anih tơm jang pơgang Hơmet jĭ jăn) pơgơ̆r Pơma đam tơroi gah tơdrong hlôh vao tơroi tơbăt pơjing păng hơtŏk ‘long pơm pơgang đei pơtăm kiơ̆ kơjă, tơring pơtăm ‘long pơgang, hơvơn asong jang pơtăm tơ̆ tơring kon pơlei kon kông păng groi kông.

VOV4.Bahnar - Hơiŏh hơnơ̆ng đa ‘mĕh pơm ngôi, tôch mơmat vă gơ̆h ngôi mĭnh ƀôt, mă lei tơdăh pơm ngôi, phă ngơ̆r dêh hnang ƀât lăp ‘nŏh jĭ tơdrong hơiŏh ƀơ ƀlet, ưh kơmơ̆ng nơ̆r – mĭnh tơdrong đa ƀôh tơ̆ đe hơ iŏh đơ̆ng 3 truh 11 sơnăm, kăl đei băt hrôih păng hơmet tơtom, vă huei ƀơm ưh ‘lơ̆ng truh jơhngâm đon păng tơdrong arih kơ đe hơiŏh ning mônh kơnh.

VOV4.Bahnar - Kiơ̆ đơ̆ng ƀak si Phạm Hoài An, Hnam pơgang Thiện Hạnh, dêh char Dak Lăk, kơsơ̆ năr 22/11, Hơnih ming hơmet jĭ ăl kơ hnam pơgang hlôi sơng đei 17 ‘nu hŏk tro năm ming hơmet hăm đei ƀôh jĭ kơ yuơ pơnhul tơmam sa.

VOV4.Bahnar - Hơyô đak sĭk type 2 ‘noh tơdrong jĭ krê hơmơt hăm kơsô̆ lôch dơ̆ng mă 3 lơ̆m apŭng plĕnh teh, lăp đơ̆ng rŏng jĭ ung thư păng plei nuih. Jĭ hơyô đak sĭk tơdăh ưh kơ đei chă ƀôh păng hơmet tơtom gô pơm ăn lơ tơdrong jĭ krê hơmơt pơm ăn bơngai jĭ jopo păng tơjră hăm dôm hiong răm ưh kơ ê găh jơhngơ̆m pran, hơkâu jăn. Mă lei tơdrong tôch tơtăm ‘noh jĭ đei ƀôh ưh kơ băt, vă đĭ đăng dôm bơngai jĭ lăp chă ƀôh jĭ đơ̆ng kơ đĭ đei tơdrong jĭ găh plei nuih, măt tol, hư plei lăn, ôm rơka hơnglŏu jơ̆ng ti...