VOV4.Bahnar - Hnam pơgang Hùng Vương Gia Lai đei et hơtŏk, tơmơ̆t bơ̆jang. ‘Nâu jĭ hnam pơgang pơjing kơdih mă 2 tơ̆ tơring.

VOV4.Bahnar - Pơgê 22/3, Anih vei lăng jang pơgang dêh char Dak Lak pơgơ̆r Hop akŏm mít tinh jang kiơ̆ Năr apŭng plĕnh teh tang găn jĭ hiĕn hiang.

VOV4.Bahnar - Tơ̆ hơnăp tơdrong jĭ vơnh lơ̆m khei năr au ki lơ̆m mă tim mă truh 3 khei blŭng sơnăm hlôi ƀôh 4 ‘nu bơngai lôch kơ yuơ jĭ vơnh, kơsơ̆ năr 20/3, Hơnih bơ̆ jang vei lăng kon pơlei dêh char Dak Lăk pơgơ̆r Hop akŏm trư̆k tuyên vă lăng hơlen tơdrong jang tang găn jĭ kŏ vơnh lơ̆m dêh char. 

VOV4.Bahnar - Ung thư toh ‘noh tơdrong jĭ ung thư đa tơƀơ̆p hloh tơ̆ drŏ kăn. ‘Nâu kŭng jing tơdrong bơngơ̆t truh đơ̆ng lơ mŏ oh drŏ kăn, yua kiơ̆ kơ chih jô̆ đơ̆ng Anih jang Ung thư jơ̆p plĕnh teh, sơnăm 2018, Việt Nam đei 15.000 ‘nu jĭ ung thư toh, đei kơ sô̆ 9,2% păng hloh 6.000 ‘nu lôch yua đơ̆ng ung thư toh. Mă đơ̆ng đei ƀôh dai lơ ră mă lei gơh hơmet klăih tơdăh đei chă ƀôh hrôih păng hơmet tơtom. Yua thoi noh, tơdrong kơchăng hơlen lăng, chă ƀôh hrôih ung thư tơsoh pơm hơnăp jang gĭt kăl lơ̆m tơdrong hơtŏk ‘lơ̆ng đei yua hơmet kŭm nhen tang găn tơdrong jĭ ‘nâu.

VOV4.Bahnar -Jang tơnăp, đĭ jơhngơ̆m hăm tơdrong jang, xăh Ea Kiết, apŭng Cư M’gar, dêh char Dak Lak ling lang pơhrăm jơhngơ̆m đon ‘lơ̆ng, hơdrin hŏk pơhrăm vă hơtŏk ‘lơ̆ng hlôh vao tơdrong joăt jang. Mŏ hlôi jing bơngai ‘lơ̆ng găh bơngai thây pơgang đĭ jơhngơ̆m hăm bơngai jĭ, đei bôl buăl jang hơdai păng kon pơlei gĭt ‘mêm.

VOV4.Bahnar -  Khei năr au ki, atŭm hăm ao jơk năm jang, kơmau ao blu kok kơ rim ƀok thây pơgang sơnăm mơlôh năm iung jang hlôi jing tơklep kơjăp păng hiôk chơt hăm kon pơlei, mă kăl tơ̆ rim tơring atăiyh yăih, tơring tơnap tap kơ dêh char Dak Lăk. 

VOV4.Bahnar - Ƀlep ƀât tơbăt 69 sơnăm Năr ƀok Thây pơgang Việt Nam, ‘năr 27/2, Anih vei lăng jang pơgang dêh char Đắk Lắk pơgơ̆r pơma đam chă pơđou dơ̆ng jăl trong bơ̆ jang ‘lơ̆ng hơiă đơ̆ng Anih jang pơgang lơ̆m tơdrong vei lăng jơhngâm pran ăn kon pơlei dôm sơnăm âu ki.

VOV4.Bahnar - Tơmo lơ̆m plei lĕn ‘noh jĭ đak krăl, hơrăng yua đơ̆ng kơchơ̆t kơ nê̆ dăh mă ƀoh axit kơtoăl lơ̆m đak hơyô. Tơmo lơ̆m plei lĕn đơ̆ng rŏng kơ pơ jing gô oei dơnơ̆ng lơ̆m plei lĕn dăh mă jur tơ̆ trong chă hơyô. Jĭ tơmo lơ̆m plei lĕn tơdăh ưh kơ đei chă ƀôh păng hơmet tơtom gô pơm ăn lơ tơdrong jĭ krê hơmơt.

VOV4.Bahnar - Lơ̆m prăt sơnăm vang iung tơblăh Phalăng păng Mi, khul linh kon pơlei Lào păng khul linh kon pơlei Việt Nam hơnơ̆ng yak hơdai, vang tơblăh iŏk rơngei, vei lăng tơdrong pơm tơm kơjăp ‘lơ̆ng kơ 2 teh đak. Đơ̆ng rŏng kơ tơblăh hŭt ayăt, khul linh 2 teh đak Việt Nam păng Lào ưh lăp hơnơ̆ng pơm hơtŏk tơdrong pơvei ăn 2 khul linh đĕch, mă oei hơtŏk tơdrong jang hơdoi tôch đei yoa lơ̆m tơdrong tơchĕng hơlen khoa hŏk, mă loi jĭ khul linh quân y 2 teh đak, jang hơdoi răih hơmet đei lơ tơdrong jĭ krê hơmơt, pơih đei trong yak ‘nao lơ̆m tơdrong vei lăng jơhngâm pran ăn kon pơlei đơ̆ng khul linh quân y Lào.

VOV4.Bahnar - Tŏk huyết áp dăh mă oei krao ‘noh huyết áp tŏk, jĭ tơdrong jĭ đei ƀôh lơ ưh khan lăp tơ̆ bơngai ‘lŏ kră mă hrei ‘nâu tơdrong jĭ âu tŏk bŏk tŏk tơ̆ bơngai sơnăm mơlôh. Tŏk huyết áp đei lăng jĭ tơdrong jĭ pơlôch bơngai ưh kơ băt hơdăh păng đei hơmơt kơ đei ƀôh jĭ kơtang ăn bơngai jĭ, mă loi ‘noh jĭ đei hloh 50% kơ sô̆ bơngai đei tŏk huyết áp ưh kơbăt kơ dih đei jĭ. Yua thoi noh tơdrong chă ƀôh păng hơmet hrôih ‘noh tôch kơ gĭt kăl vă tang găn đei ƀôh jĭ đơ̆ng tơdrong jĭ ‘nâu.