Mơ̆ng rim nơ̆r pơma tơ̆ jơ apinh jet, Phó Thủ tướng Lê Thành Long iung pơma păng khan, khei ‘năr âu ki anih jang pơgang đei lơ tơdrong adrin, iŏk đei lơ tơdrong gĭt kăl găh tơdrong vei lăng jơhngâm pran kon pơlei, mă loi ‘nŏh lơ̆m tơdrong tang găn jĭ. Mă lei, oei đei lơ tơdrong ưh kơlăp, tam mă đei hơmet ming nhen: tơdrong ưh kơmăh pơgang, ưh kơmăh tơmam pơgang; ưh jăh hơmet ming 1,2 tơdrong jang.

Phó thủ tướng ăn tơbăt, Khul kơdră teh đak hlôi tơrek truh păng đei nơ̆r pơtho tơƀôh tôch kơtang ăn Anih tơm vei lăng jang pơgang, dôm anih tơm, anih jang kơpal, tơring tơrang đei ƀơm truh athei bơ̆ jang mă hrơ̆ch ‘lơ̆ng rim tơdrong jang, trong vă jang vă hơmet pơ ‘lơ̆ng tơdrong vei lăng jơhngâm pran ăn kon pơlei.