VOV4.Bahnar - Jĭ klak rơkăh ‘noh jĭ 1 tơdrong jĭ dei dei păng jing tơdrong hơmet ngoại khoa krê hơmơt gô tơƀơ̆p tơ̆ sơnăm hơ yơ kŭm đei. Jĭ tơdăh đei chă ƀôh hrôih păng hơmet tơtom ‘noh dă ƀiơ̆ kơ ƀơm ưh kơ ‘lơ̆ng truh jơhngơ̆m pran. Tơ plơ̆ dơ̆ng, jĭ gô hơnhăk truh dôm tơdrong jĭ krê hơmơt, ƀơ̆t lăp ‘noh lôch tơdăh chă ƀôh klui păng hơmet ưh kơ ƀlep trong.

VOV4.Bahnar - Hrei ‘nâu, dêh char Dak Lak tŏk bŏk lơ̆m khei ‘năr pơyan ‘mi, khei ‘năr hiôk vă kơ mur brĕnh pơm ăn jĭ pơ lŏ lĕch đe chek lar. Hơdai hăm ‘noh jĭ kơsô̆ bơngai jĭ pơlŏ lĕch đe hơnơ̆ng kơ tŏk. Mă đơ̆ng ‘nâu jĭ tơdrong jĭ tơpoh krê hơmơt, đei ƀôh prăt sơnăm mă lei oei đei bơngai jĭ lôch hăm lơ tơdrong tơm pơm ăn pha ra băl, lơ̆m noh đei ưh kơ tŏ sĕt bơngai rơih iŏk anih jang pơgang ưh kơ ‘lơ̆ng, hơnhăk truh hơlen lăng jĭ glăi, ƀĭch tơ̆ hnam pơgang klui, jĭ jing dêh păng athei tơ jră hăm lơ tơdrong jĭ nai, tơ hli truh hơkâu jăn.

VOV4.Bahnar - Hơtuch khei 9 âu ki, tơ̆ pơlei tơm Pleiku, Anih jang Vệ sinh Dịch tễ Trung ương jang hơdai hăm Anih vei lăng kon pơlei dêh char Gia Lai pơgơ̆r hop akŏm “Hơtŏk loi dơ̆ng hơnăp jang dôm pang ƀơm truh lơ̆m bơ̆jang kiơ̆ dôm trong jang akŏm tang găn jĭ vơnh găh tơdrong jang teh đak 2022 – 2030”. Gia Lai kŭm jing tơring đei kơ sô̆ bơngai lôch yua kơ jĭ vơnh lơ hloh lơ̆m teh đak, athei đei dôm trong jang kơtang tang găn tơdrong jĭ ‘nâu.

VOV4.Bahnar - Anih vei lăng jang pơgang dêh char Dak Lak tŏk bŏk hăt hot tơlĕch jang dôm trong jang vă tang găn tơdrong tơpoh đơ̆ng tơdrong jĭ ‘nâu.

VOV4.Bahnar - Pơgê 28/9, tơ̆ plt Pleiku, Anih hơlen năng pơrang jĭ Trung ương jang hơdoi hăm Anih vei lăng kon pơlei dêh char Gia Lai kŭm hăm dôm anih jang kơpal pơgơ̆r mít tinh tĕh đak jang kiơ̆ Năr apŭng plenh tĕh tang găn jĭ vơnh sơnăm 2023 hăm hơnăn Mĭnh jơhngâm pran “All for One, One Health for all”.

VOV4.Bahnar – Năr 27/9, Viê̆n Vê̆ sinh Dĭch tê Trung ương jang atŭm hăm Anih jang vei lăng kon pơlei dêh char Gia Lai pơgơ̆r hop akŏm “hơtŏk sơnong kơ dôm khul jangd dei tơrĕk lơ̆m pơm kiơ̆ dôm tơdrong jang tang găn păng tơjră jĭ vơnh lơ̆m tơdrong jang kơ teh đak 2022 – 2030”.

VOV4.Bahnar - Pơm mĕ sơđơ̆ng păng rong kon pran jăng ‘noh jĭ ‘meh vă atŭm đơ̆ng đĭ đăng đe mĕ ƀă. Hơkâu bơngai drŏ kăn đơ̆ng rŏng kơ rơ neh gô athei yak hloh lơ tơdrong tơplih tih păng nge mưh rơneh kŭm athei hơdrin vă pơm joăt hăm hơnih hơrih tơ̆ ‘ngoăih klak mĕ, tơdăh đei bơngơ̆t truh vei lăng ƀlep trong gô tơgŭm mĕ păng nge tơtĕnh đei dơ̆ng jơhngơ̆m hiôk, mĕ pran, kon tih vơ̆ ‘lơ̆ng.

VOV4.Bahnar - Kiơ̆ đơ̆ng Hơnih tơm dăr lăng jĭ jăn dêh char Gia Lai, đơ̆ng khei 8/2023 truh dang ei, jĭ măt ƀrê hlôi ƀôh tơ̆ 12 lơ̆m 17 apŭng, thĭ xah kơ dêh char, hăm hloh 4.600 ‘nu bơngai tơpoh jĭ.

VOV4.Bahnar - Đơ̆ng blŭng sơnăm truh dang ei, Gia Lai đei 11 ‘nu bơngai lôch kơ yuơ jĭ kŏ vơnh, lơ hlŏh lơ̆m tơring Tây Nguyên.

VOV4.Bahnar - Tơ̆ Gia Lai, dang ei kơsô̆ hŏk tro, sinh viên vang răt ƀao hiêm pơgang ‘nao đei dang 90%. Oei đei vă jê̆ 22 rơbâu ‘nu hŏk tro, sinh viên tam mă đei jên vă răt ƀao hiêm pơgang.