‘Nâu jing tơdrong lôch hơchăng mă 4 kơyuơ ƀơm tơdrong jĭ jơ̆ng ti ƀơ̆r lơ̆m tơring teh kơ dêh char đơ̆ng blŭng sơnăm truh dang ei. Hơ-ioh jĭ âu rơneh sơnăm 2021, ở xã Ia Lốp, apŭng Ea Súp, dêh char Đăk Lăk. Kiơ̆ unh hnam hơ-ioh âu, ah năr 11/11, hơ-ioh âu pơlŏ tŏ, tep kơdrơ̆t lơ ‘măng, đei đuh mŭn ah tơpang jơ̆ng, ah ƀơ̆r. Unh hnam ‘nhăk khăm păng huch pơgang kiơ̆ nơ̆r thâi pơgang.

Năr 12/11, hơ-ioh âu jĭ ăl noh unh hnam ‘nhăk khăm păng ƀĭ hơmet tơ̆ Hnam pơgang apŭng Ea Súp. Adoi lơ̆m ‘năr noh hơ-ioh âu đei ‘nhăk truh Hnam pơgang tơm tơring Tây Nguyên. Tơ̆ âu, hơ-ioh âu đei khăm păng sơkơ̆t ƀơm jĭ jơ̆ng ti ƀơ̆r păng jĭ trong dui jơhngơ̆m, suh pham lơ̆m klak păng Pơ-‘ngeh tơsoh. Truh pơgê năr 13/11, hơ-ioh âu lôch hơchăng.