Truh hơtuch sơnăm 2023, dêh char Gia Lai đei 1,4 triệu ‘nu bơngai vang răt ƀao hiêm pơgang, đei hloh 91% kơsô̆ kon pơlei. Lơ̆m noh, kơsô̆ bơngai kon kông vang răt ƀao hiêm pơgang đei dang 82%. Dêh char dang ei đei 38 anih jang pơgang bơ̆jang kiơ̆ khăm hơmet jĭ ƀao hiêm pơgang, vei sơđơ̆ng tơdrong jang vei lăng jơhngơ̆m pran ăn kon pơlei.

Tơ̆ hop akŏm, tang măt dôm anih jang pơgang tơ̆ Gia Lai hlôi tơroi 1,2 tơdrong ưh kơ ‘lơ̆ng nhen: lơ anih mơdro sa tam mă bơngơ̆t truh răt ƀao hiêm pơgang ăn bơngai jang; tơdrong anih jang ƀao hiêm tơpôl dêh char hiơ̆ kơ kla jên, tơdrong iŏk kla jên khăm hơmet jĭ tam mă ƀlep hăm ‘meh vă đơ̆ng kon pơlei. Dêh char Gia Lai kăl kơ đei trong jang lăp vă iŏk đei tơdrong hơgăt truh hơtuch sơnăm 2025 đei 95% kơsô̆ kon pơlei vang răt ƀao hiêm pơgang, kơsô̆ kon pơlei kon kông ‘noh 98%.