Tơ̆ jơ sơng, Phŏ Thủ tướng Trần Hồng Hà tơroi rơđăh, Khŭl kơdră teh đak păng kon pơlei Việt Nam lăng ‘lơ̆ng hơnăp jang đơ̆ng WHO lơ̆m dôm tơdrong jang hơdai jơ̆p plei teh găh tơdrong jang pơgang, vei lăng jơhngơ̆m pran kon pơlei. Lơ̆m rim tơdrong jang, tơdrong tơgŭm găh pơgang, vei lăng jơhngơ̆m pran tơ̆ Việt Nam adoi đei tơdrong yak hơdai, vang jang, pơtho tơƀôh, tơgŭm đơ̆ng kang ƀô̆, bơngai joăt jang WHO.

Pơma hơdăh tơdrong gĭt kăl đơ̆ng tơdrong jang pơgang tang găn hơdrol, jang pơgang tơ̆ tơring lơ̆m vei lăng jơhngơ̆m pran blŭng a, tang găn jĭ hơbuh đơ̆ng hrôih, đơ̆ng hơtăih, Phŏ Thủ tướng Trần Hồng Hà tơroi rơđăh, Việt Nam ‘meh vă WHO tơgŭm hơmet ming tơdrong jang ‘nâu; băt hơdăh ‘meh vă, hơnăp jang, jên jang, bơngai jang tơlĕch jang.