Tơ̆ lêh mít tinh, vă năm truh tơdrong tơm Việt Nam adrin găn ưh ăn đei bơngai lôch đơ̆ng jĭ vơnh lơ̆m sơnăm 2030, dêh char Gia Lai pơkăp kŭm hăm jơ̆p tơring lơ̆m tĕh đak, vang tang găn jĭ vơnh kiơ̆ 2 trong tôch gĭt kăl.

Hăm anih jang Thú Y: jang hơdoi hăm dôm khul kơdră tơring hơtŏk tơdrong vei lăng kŏ meo. Hăm anih jang pơgang: vei lăng, pơm ‘lơ̆ng ăn đĭ đăng bơngai đei kŏ mei kăp gơ̆h ôp hơmet rơka jĭ trŏ trong păng ƀet vắc xin, pham pơgang tang găn jĭ vơnh trŏ tơdrong hơgăt. Ƀlep ƀât ‘măng mă âu, kơdră chĕp kơ̆l dôm anih tơm, anih jang kơ Trung ương, bơngai dơ̆ng tang ăn dôm anih jang lơ̆m apŭng plenh tĕh, kơdră chĕp kơ̆l dêh char Gia Lai kĭ pơkăp vang tang găn jĭ vơnh đơ̆ng kŏ meo kăp.