Kiơ̆ kơ Anih vei lăng tơdrong jĭ jăn dêh char Dak Lak, jô̆ đơ̆ng khei 6 truh ‘năr 29/9, lơ̆m dêh char đei 33.120 ‘nu jĭ măt ƀrê, găh lơ ‘noh hŏk tro. Anih vei lăng jang pơgang dêh char Dak Lak tŏk bŏk hăt hot tơlĕch jang dôm trong jang vă tang găn tơdrong tơpoh đơ̆ng tơdrong jĭ ‘nâu. Lơ̆m kơ sô̆ hloh 30 rơbâu ‘nu jĭ măt ƀrê ‘noh đei hloh 29 rơbâu ‘nu đei chih iŏk lơ̆m dôm hnam trưng hŏk. 3 apŭng chih iŏk kơ sô̆ bơngai jĭ lơ hloh ‘noh jĭ Buôn Đôn, Cư Kuin păng Cư M’gar, tă kơ tơ̆ kơ sô̆ hloh 2000 ‘nu ngăl.
Tơ̆ hơnăp tơdrong jĭ măt ƀrê tŏk bŏk tơpoh lanh hrĕnh lơ̆m dêh char, mă loi ‘noh jĭ tơ̆ hŏk tro, Anih vei lăng găh jang pơgang dêh char Dak Lak hlôi jang hơdai hăm dôm anih jang ƀơm truh hơtŏk loi dơ̆ng dôm tơdrong jang dăr hơlen, dăr lăng, ăn oei hơdrô̆ păng tơ roi tơbăt găh dôm trong jang tang găn tơ̆ hnam trưng hŏk păng tơpôl. Hơdai hăm ‘noh, dôm anih jang pơgang kŭm hlôi kơchăng đei pơgang vă asong tơtom ăn kơ dôm bơngai jĭ păng hơmet tôm sơng iŏk, hơmet bơngai jĭ.
Viết bình luận