Mă hơdăh: 17 ‘nu hŏk tro găh lăm 5B, hnam trương Jăl kơđeh Lý Thường Kiệt, tơring Ea Tu, pơlei tơm Buôn Ma Thuột, chơ ba tơ̆ hnam pơgang hăm ƀôh jĭ ving măt, ‘meh hăk păng jĭ klak chroh.

Kiơ̆ nơ̆r Kô pơtho vei lăng lăm 5B adoi jĭ bơngai ba hŏk tro năm tơ̆ hnam pơgang tơroi, hơdrol kơ ‘noh rim hŏk tro au đei huch đak tra sưah đe tĕch mơdro tơjê̆ hnam trương. Dang ei đe oh hlôi sơđơ̆ng jơhngơ̆m. Kơtơ̆ng ang tơdrong au, Hơnih jang vei lăng jang pơgang pơlei tơm Buôn Ma Thuột jei hlôi pơjing khul jang dăr lăng năm tơ̆ hnam trương păng iŏk dôm đak tra sưah au vă khăm hơlen.