VOV4.Bahnar - Sơnăm 2023 gơnang đơ̆ng hơvơn, hơtŏk đei tơdrong joh ayŏ joăt joe tơdrong pơjing tơring tơrang ‘nao tơ̆ tơring kon pơlei kon kông dêh char Kon Tum đei lơ tơplih ‘lơ̆ng. Hăm hơnăp jang ‘noh jĭ tơ ‘ngla lơ̆m pơjing tơring tơrang ‘nao, lơ tơpôl kon pơlei kon kông kơ dêh char Kon Tum hlôi hơdrin lơ̆m jang sa hơtŏk ‘lơ̆ng đei iŏk yua păng tơgop tơplih ‘lơ̆ng um ai tơring tơrang.

VOV4.Bahnar - Sơnăm 2023, mă đơ̆ng ƀơm ưh ‘lơ̆ng đơ̆ng pơmat tat atŭm găh mŭk drăm, mă lei gơnơm hơbĕch hơbal đei lơ trong jang xa, rei pơtăm, tơmât yoa ‘lơ̆ng kơmăy kơmŏk lơ̆m tơdrong choh jang xa, iŏk yoa đơ̆ng kon pơlei K’ho tơ̆ xăh Hiệp An, apŭng Đức Trọng (Lâm Đồng) oei tŏk hơnơ̆ng. Xăh Hiệp An hlôi jang kĕh tơdrong pơjing tơring tơrang ‘nao đei ƀôh kiơ̆ tơdrong hơgăt đei tơlĕch.

VOV4.Bahnar - Tơdrong chô̆ camera hơlen năng tơdrong hŭt râm rĕk, pơtăm pơkao ƀât anih đe juăt hŭt râm rek kư̆ kă đơ̆ng đe đoàn viên druh dăm hlôi pơm ăn tơring sơlam kơ 2 xăh Đắk Liêng păng Đắk Nuê, apŭng Lắk, dêh char Đắk Lắk jing rơgŏh ‘lơ̆ng. Tơdrong hŭt râm rek kư̆ kă tơ̆ tơring âu pă gan đei bơih. Trong jang ‘nâu hlôi hơnhăk ba tơdrong đei yoa blŭng a lơ̆m tơdrong vei lăng cham char, tŏk bŏk đei đoàn viên druh dăm tơ̆ tơring pơih xă.

VOV4.Bahnar -Tơdrong tơlĕch jang 3 tơdrong jang tơm teh đak găh pơjing tơring tơrang ‘nao jăl jang 2021-2025; tơjur dơnuh hin kơjăp jăl jang 2021-2025; hơtŏk tơiung mŭk drăm tơpôl tơring kon pơlei kon kông păng tơring groi kông jăl 2021-2030” tơƀơ̆p mơmat tat, tơhlăk ơthlĭn, tơdrong tơm pơm ăn oei jing klăih song hơnăp jang, klăih song tơdrong gơh jang tam mă truh trong, đei lơ hla ar pơtho pơm ăn tơdrong bơ̆jang kiơ̆ tơƀơ̆p mơmat tat. Khei ‘năr âu, lăp oei pă 2 sơnăm dơ̆ng ‘noh pơtôch tơdrong bơ̆jang kiơ̆ dôm tơdrong jang jăl jang 2021-2025. Mưh lei kăl đei trong jang ‘lơ̆ng hơyơ vă hơmet pơ ‘lơ̆ng dôm tơdrong ưh kơ ‘lơ̆ng lơ̆m khei ‘năr âu ki?

VOV4.Bahnar - Đảng viên Y Phen Niê, hơdrung M’nông, 37 sơnăm oei tơ̆ buôn Kuôp, tơring Dray Săp, apŭng Krông Ana, dêh char Dak Lăk. Lơ sơnăm au ki, atŭm hăm jang keh đang ‘lơ̆ng hơnăp jang Kơdră chĕp pơgơ̆r Khul kon pơlei choh jang sa tơring Dray Săp, Y Phen oei hơnơ̆ng pơm jŭk yŭk trong hơlau lơ̆m tơdrong jang atŏk tơ iung mŭk drăm, xut xa pơngot rơvĕt tơjur dơnuh păng tơgop tơ iung pơjing tơring tơrang ‘nao tơ̆ tơring. Hăm iŏk đei jơnei lơ̆m lơ tơdrong jang, 5 sơnăm hơnơ̆ng ‘nhong đei Khul kon pơlei choh jang sa dêh char Dak Lăk pôk ăn hơnăn kon pơlei choh jang sa mơdro sa hơgei.

VOV4.Bahnar - Iŏk ŭnh om hrôih păng oei băl hơgăm oei tŏk bŏk đei lơ̆m 1,2 tơring kon pơlei kon kông tơ̆ dêh char Dak Lak. Dôm sơnăm âu ki, mă đơ̆ng khŭl kơdră păng dôm anih jang ƀơm truh hlôh hơdrin tơroi tơbăt vă tơ jur tŏ sĕt, tang găn mă lei truh dang ei tơdrong ‘nâu oei đei ƀôh hơnhăk truh tơdrong đei ƀơm ưh kơ ‘lơ̆ng. Jang kiơ̆ Tơdrong jang “Tơjur ƀiơ̆ tơdrong iŏk ŭnh om hrôih păng oei băl hơgăm lơ̆m tơring kon pơlei kon kông”, ‘nao âu, Anih vei lăng hơdrĕch kon kông dêh char Dak Lak hlôi jang hơdai hăm Anih vei lăng kon pơlei dôm tơring hơtŏk loi dơ̆ng tơroi tơbăt vă tơ jur ƀiơ̆ tơdrong iŏk ŭnh om hrôih.

VOV4.Bahnar - Hăm hơnăn “Kơdrơ̆ng bri kông Tây Nguyên- Akŏm lơ tơdrong ‘lơ̆ng hơiă”, đơ̆ng 29/11 truh 1/12 pơlei tơm Kon Tum, dêh char Kon Tum pơgơ̆r Năr Joh ayŏ, Tơplŏng kơdâu păng Tơmang lăng dôm hơdrĕch kon kông tơring Tây Nguyên ‘măng mă I, sơnăm 2023. Lơ tơdrong joh ayŏ ‘lơ̆ng hơiă kơ tơring teh Tây Nguyên hlôi pôk pơ ư dôm kơjă kăp joh ayŏ joăt joe ‘lơ̆ng hơiă kơ dôm hơdrĕch kon kông tơring Tây Nguyên, hơdai hăm ‘noh roi tơƀôh, pơtrŭt tơmang lăng.

VOV4.Bahnar - Gơnang kon jên đơ̆ng Anih mong jên Choh jang sa păng Hơtŏk tơiung Tơring tơrang tơ̆ Dak Nông mă lơ ŭnh hnam bơngai M’ Nông đei tơdrong hiôk tơmơ̆t jên jang sa, ƀrư̆ ƀrư̆ yak tŏk klăih đơ̆ng dơnuh hin. Kon pơlei đei  tŏk iŏk jên tơtom lăp hăm khei ‘năr jang sa kơna ưh pă tŏk iŏk jên đe tơ̆ ‘ngoăih hăm jên cheh lơ nhen hơdrol sơ̆ dơ̆ng bơih.

VOV4.Bahnar - ‘Nao âu, tơ̆ pơlei tơm Pleiku, Anih jang Đảng dêh char Gia Lai păng Học viện Chính trị Quốc gia Hồ Chí Minh pơgơ̆r hop akŏm khoa hŏk hơtŏk tơiung kơjăp tơmang lăng joh ayŏ păng tơmang lăng cham char bri brăh kơjăp tơring Tây Nguyên lơ̆m jăl jang hrei ‘nâu. Tơ̆ âu, 50 nơ̆r pơma dơnuh đơ̆ng dôm bơngai jang khoa hŏk, bơngai vei lăng, bơngai mơdro sa tơmang lăng hlôi đei dôm nơ̆r tơgop kăp gĭt găh tơchĕng hơlen păng yan âu găh tơmang lăng Tây Nguyên.

VOV4.Bahnar- Bơ̆jang kiơ̆ tơdrong hơgăt kơ sô̆ 4 găh ŭnh điên lơ̆m pơjing tơring tơrang ‘nao, dôm sơnăm âu ki, Kŏng ti ŭnh điên Dak Lak hlôi akŏm hơtŏk tơiung trong tơley ŭnh điên păng hơtŏk ‘lơ̆ng pơvih pơvăn pơtruh ŭnh điên vă pơm lăp hăm ‘meh vă hơtŏk tơiung jang sa păng oei sa đơ̆ng kon pơlei.