VOV4.Bahnar -Sơng sơnăm ‘nao 2023 âu, xăh sơlam Ia Mơr, apŭng Chư Prông, dêh char Gia Lai hlôi đei tơhrŭk ăn kơ dih ao ‘nao hăm trong nơnăm, ŭnh điên, hnam trưng, hnam pơgang đei tơmơ̆t jên jang pơm đang, roi ‘năr roi ‘lơ̆ng ƀiơ̆. Kŭm hăm ‘noh, kon pơlei Jrai tơring ‘nâu hlôi tơplih tơdrong joăt choh pơtăm, tơgŭm iŏk yua mŭk drăm đei lơ.

VOV4.Bahnar - Dơ nŏ anih vei lăng kon pơlei dêh char Dak Lak pơgơ̆r Lêh roi tơbăt tơdrong tơchơ̆t đơ̆ng Thủ tướng tĕh đak, chih tơbăt plt Buôn Ma Thuột hlôi jang kĕh tơdrong pơjing tơring tơrang ‘nao; sơng iŏk Mê đai bơ̆ jang dơ̆ng mă 3 đơ̆ng Kơdră tĕh đak.

VOV4.Bahnar - Khei ‘năr tơ jê̆ âu, tơdrong jang tơiung tơdrong jang sa tơ̆ Dak Lak hlôi đei ƀôh hơiă dơ̆ng đơ̆ng rŏng khei ‘năr ƀơm ưh kơ ‘lơ̆ng yua đơ̆ng jĭ hơbuh. Hăm tơdrong nuih, pơ̆n jang, lơ bơngai mơlôh tơ̆ Dak Lak hlôi jang tŏk klăih đơ̆ng mơmat tat vă jang sa kiơ̆ trong jang kơ dih.

VOV4.Bahnar – Năm truh rim pơlei pơla hrei âu, trong nơnăm tơ̆ tơring pơxĕl groi kông hlôi rơgoh ‘lơ̆ng hloh. ‘Nâu duh jing minh lơ̆m dôm tơchơ̆t pơjing tơring pơxĕl ‘nao tơ̆ dôm pơlei pơla dang ei tơ̆ dêh char Lào Cai păng lơ tơring.

VOV4.Bahnar - Lơ̆m dôm sơnăm tơ jê̆ âu, Ƀô̆ đô̆i tơring sơlam dêh char Dak Lak hlôi tơlĕch lơ tơdrong jang tơgŭm kon pơlei đei iŏk yua ‘lơ̆ng. 1 lơ̆m dôm kơ sô̆ ‘noh jĭ tơdrong đe khŭl linh tơlĕch jang dôm tơdrong jang ŭnh điên tơ̆ trong, tơ̆k hơdăh ăn dôm pơlei pơla, tơgŭm kon pơlei năm vih vơ̆t tơ̆ gơmăng hiôk ƀiơ̆.

VOV4.Bahnar - Arih truh ‘lŏ tơ̆ tơring juăt pơtăm chĕh phe, hơnơ̆ng hrip hơyuh ƀou phu păng huch ngôi chĕh phe đơ̆ng mĕ hơdrĕng, đơ̆ng rŏng 3 sơnăm iung jang xa hăm hơnăn “Ê đê Café” Y Pốt Niê tơ̆ plei Kla, xăh Dray Sáp, apŭng Krông Ana (Dak Lak) hlôi hơnhăk tơmam đơ̆ng kơdih jang đei truh hăm anih tĕch mơdro lơ̆m tĕh đak păng tơ̆ tĕh đak đe hai.

VOV4.Bahnar -Teh đak bơ̆n đei 53 hơdrĕch kon kông đei nơ̆r pơma, chư chih, hơri brông, hơsoang, hơbăn ao păng tơdrong lêh pha ra băl... Dôm kơjă kăp gĭt âu yua rim hơdrĕch hơdrŭng pơcheh đei lơ̆m tơdrong arih sa, jang tŏk, jing tơdrong‘lơ̆ng đơ̆ng rim tơpôl. Lei, athei pơm kiơ vă tơdrong joăt đơ̆ng rim hơdrĕch hơdrung huei hiơt hiong lơ̆m chăl hle?

VOV4.Bahnar - Gơnang jang kiơ̆ hrơ̆ch 1 ‘măng, đei yua dôm tơdrong tơgŭm ăn bơngai kon kông, kŭm hăm pơjing tơring tơrang ‘nao, hlôi pơm tơplih um ai tơring tơrang, tơring kon kông, hơtŏk tơdrong arih sa ăn kon pơlei, pơm ‘lơ̆ng vă hơtŏk hơnăp jang tơm đơ̆ng kon pơlei kon kông mưh jang kiơ̆ dôm tơdrong hơgăt hơtŏk tơiung mŭk drăm, tơpôl.

VOV4.Bahnar - Lơ̆m dôm năr âu, vă rim pơlei pơla, tơring kon pơlei lơ̆m dêh char Dak Lak ƀrŭng ƀrăng hla kơ pơgơ̆r dôm tơdrong hơiă kơ Năr tơ goăt 1 jơhngơ̆m đon đĭ đăng hơdrĕch hơdrŭng (18/11). Đe tôn chĭng chêng, hơsoang ‘lơ̆ng hơiă hơdai hăm et tơ drô ge pơm tơdrong ‘lơ̆ng joh ayŏ gĭt kăl đơ̆ng kon pơlei tơring ‘nâu.

VOV4.Bahnar - Lơ kon pơlei bơngai Jeh Triêng tơ̆ apŭng Đắk Glei, păng bơngai Xê Đăng tơ̆ apŭng Ngọc Hồi, Kon Tum băt iŏk yua jên đơ̆ng tŏk bŏk tơ̆ anih mong jên vă jang sa, rong kon tơrong, pơtăm ‘long păng tĕch mơdro kơna đei iŏk yua kơ jăp. Tơdrong arih sa đei ƀôh, jing dôm bơngai jang ‘lơ̆ng vă kon pơlei lơ̆m pơlei hŏk pơhrăm kiơ̆.