VOV4.Bahnar - Lơ sơnăm kơ âu, Khŭl lĭnh so thị xã Ayun Pa, dêh char Gia Lai bơ̆jang kiơ̆ đei yua tơdrong jang “Lĭnh so pơm jŭk jŭk trong hơlâu” lơ̆m  pơjing păng hơtŏk tơiung mŭk drăm. Hăm jơhngơ̆m đon ưh kơ ‘nhoen mơmat tat, lơ lĭnh so hlôi jing dôm bơngai ‘lơ̆ng lơ̆m jang sa, hơtŏk tơiung mŭk drăm ŭnh hnam, păr ang tơdrong hưch hanh bơ̆jang lơ̆m tơpôl kon pơlei oei tơ̆ tơring.

VOV4.Bahnar - Lơ̆m 2 giĕng pơgơ̆r tơdrong jang Pơyan he rơgoh tơ̆ Đắk Lắk, rim khŭl hơdruh tơdăm năm jang tơgŭm hlôi hơdai hăm khŭl kơdră tơring jang đang lơ tơdrong jang hơdăh ‘lơ̆ng. Tơdrong hơbĕch hơbal, jang tơnăp păng jơhngơ̆m đon iung jang, ưh kơ ‘nhoen mơmat, ưh kơ ‘nhoen kơ gleh, rim bơngainăm jang tơgŭm hlôi pơm ăn tơdrong hơiă lơ̆m jơhngơ̆m đon kon pơlei tơring tơrang Đắk Lắk.

VOV4.Bahnar - Dôm sơnăm ou ki, apŭng Ia Grai, dêh char Gia Lai hlôi akŏm kon jên păng chă hơvơn kon pơlei vang plang ăn teh vă pơm trong nơnăm. ‘Nou jĭ apŭng mă blŭng kơ dêh char tơmơ̆t tơdrong pơrô̆ pơrôp plang ăn teh pơm trong lơ̆m tơdrong tơchơ̆t kơ Hơnih Đảng apŭng păng pơjing rim hơnih chĕp pơgơ̆r găh plang ăn teh pơm trong. Đơ̆ng tơdrong drơ̆ng lăp dih băl kơ khul chinh trĭ păng tơdrong vang iung jang, lăp đon đơ̆ng kon pơlei, lơ trong pơlei pơla, tơring đei ming man ‘lơ̆ng, tơgum ăn tơring tơrang ‘nao roi năr roi ‘lơ̆ng liĕm.

VOV4.Bahnar - Jang kiơ̆ tơdrong jang pơm ‘nhŏng oh hăm dôm pơlei bơngai kon kông, dôm anih jang tơ̆ dêh char Đắk Lăk hlôi đei lơ trong jang hơiă, lăp hăm hơnăp jang joăt jang păng tơdrong kĕ jang đơ̆ng anih jang, ƀlep hăm tơdrong yan âu đơ̆ng dôm pơlei. Kơhrĕng anih jang, khŭl jang, anih mơdro sa pơm ‘nhŏng oh hlôi tơgop kon jên lơ tơgŭm kon pơlei yak tŏk, hơtŏk ‘lơ̆ng tơdrong arih sa. Tơdrong tơklep kơjăp păng tơnăp hlôi tơgop hơmet ming grŭp tơgoăt 1 jơhngơ̆m đon đĭ đăng kon pơlei.

VOV4.Bahnar - Đơ̆ng dôm tơmam đei hŭt bơih, lơ drŏ kăn tơ̆ Đắk Lắk hlôi tơgĕch yua vă pơm đei dôm tơmam yua, pơm dơ̆ng jên iŏk yua. Tơdrong jang âu oei tơgop lơ̆m tơdrong vei lăng cham char, yak truh răt yua rơgoh.

VOV4.Bahnar - Lơ̆m dôm sơnăm âu ki, dôm tơdrong pơjei băl ‘mêm teh đak păng tơdrong krao hơvơn kon pơlei đơ̆ng Mặt trận tổ quốc jơ̆p tơring tơ̆ apŭng Châu Thành, dêh char Sóc Trăng păng dôm khul jang tơlĕch hơnơ̆ng đei yoa ‘lơ̆ng păng đei kon pơlei tơ̆ jơ̆p tơring jang kiơ̆. Mă loi, tơdrong krao hơvơn “Đĭ đăng kon pơlei mât 1 jơhngâm đon pơjing tơring tơrang ‘nao, tơring kơdrâm rơgei” hăm trong jang “Iŏk jơhhngâm kon pơlei pơvih ăn tơdrong arih xa kơ kon pơlei” vang tơgop pơm tơplih ‘nao um ai tơring tơrang păng tơring kơdrâm tơ̆ âu; tơdrong arih xa găh tơmam drăm păng jơhngâm đon đei tơplih tŏk roi ‘lơ̆ng.

VOV4.Bahnar – Pơgê năr (3/6), tơ̆ Đồng Nai, Phŏ Thủ tướng Trần Lưu Quang năm akŏm lêh tơbang apŭng Xuân Lộc đei jơnei Tơring tơrang ‘nao gơh hơgei sơnăm 2023.

VOV4.Bahnar - Đơ̆ng dôm tơmam sa hmă rim năr, tơmam sa kơ bơngai Ê Đê dang ei đei tơmơ̆t lơ̆m hla ar chih tơmam lơ̆m dôm hơnih tĕch por anih jang tơ̆ pơlei tơm Buôn Ma Thuột, dêh char Đắk Lắk, sơng đei lơ tơmoi năm sŏng sa.

VOV4.Bahnar - “Lăng đe nhen kơdih”, lơ bơngai, khul jang ‘mêm mơnat tơ̆ Pơlei tơm Pleiku, dêh char Gia Lai hlôi pơgơ̆r rim ‘măng sŏng sa đĕch vă tơgŭm ăn dôm bơngai jĭ jăn păng ŭnh hnam bơngai jĭ ŭnh hnam tơnap tap. Trong jang ‘lơ̆ng hơ iă ‘noh hlôi tơgŭm ăn dôm bơngai dơnuh hin kĕ yak hloh tơdrong mơmat tat, adoi lang să kơtang tơdrong jang tơgŭm ‘mêm mơnat lơ̆m kon pơlei pơla tơ̆ pơlei tơm Pleiku.

VOV4.Bahnar - Tơ̆ dêh char Gia Lai, vă jê̆ 1 sơnăm âu ki, mưh tơ̆ gơmăng, grŭp năm jang tơgŭm ‘Trong sơđơ̆ng” ‘noh vang tơgŭm pơm hơmet ming, man pơklĕp lơ trong hư, tơgop păr ang dôm tơdrong jang ‘lơ̆ng lơ̆m tơpôl.