VOV.Bahnar - Xah Gào (lơ̆m pơlei tơm Pleiku hơdrol ki) oei ah tơring Pơmơ̆t kơ dêh char Gia Lai, jĭ tơring teh akŏm ƀenh kơ tơdrong juăt jue kăch mang. Iŏk yua tơdrong juăt jue nuih mơng noh, dang ei đơ̆ng minh tơring teh oei lơ tơnap tap, xah Gào hlôi păng tŏk bŏk tơplih pran kơtang hăm tơdrong hơpơi hơtŏk tơ-iung tôm tơdrong, jing anih hơdah hloh gah pơjing tơring tơrang 'nao păng hơtŏk mŭk drăm – tơpôl.

VOV.Bahnar - Đơ̆ng rŏng khei ‘năr pơm ƀô̆ đô̆i, brŏk vih hơrih sa kon pơlei hmă, ƀô̆ đô̆i so Đặng Kháng, hơdrung Chăm oei tơ̆ thôn Bình Hiếu, tơring Bắc Bình, dêh char Lâm Đồng (găh dêh char Bình Thuận so) hlôi hơdrin jang sa, đei jing bơngai jang sa hơgei lơ̆m tơring Bắc Bình, dêh char Lâm Đồng.

VOV.Bahnar – Sơ̆ jing tơring kăng kư̆ kăch mạng H5 nuih mơng lơ̆m khei năr iung tơjră, dang ei xah Ea M’Droh, dêh char Đăk Lăk tŏk bŏk tơplih jing um ai 'nao. Rim bơbŭng hnam kơjăp 'lơ̆ng tơjê̆ hăm hnam kơjung, dôm jăl trong rei kơsu, trong ƀêtŏng 'lơ̆ng tơpăt, tơdrong hơrih kon pơlei roi năr roi hơtŏk tơ-iung. Tơdrong jang pơjing tơring tơrang 'nao tŏk bŏk pơtruh tơdrong hơrih 'nao ăn pơlei pơla tơring kăng kư̆ kăch mạng sơ̆.

VOV.Bahnar – Krô̆i pung kơđoh jơk atŭm hăm dôm tơmam drăm choh pơtăm kăp gĭt nai nhen sâu riêng, prit, mit tơ̆ tơring groi kông Khánh Hòa tŏk bŏk oei mơ̆t ah pơyan pĕ yua lơ̆m khei năr tŏ 'mi 'lơ̆ng sơđơ̆ng, pơm trong hiôk tơlĕch jang kiơ̆ OCOP păng 'nhăk tơmam drăm tơ̆ tơring truh tơjê̆ hloh hăm tơmoi ah khei tơm tơmang pơhiơ̆ năr 2/9.

VOV.Bahnar – Tơ̆ Gia Lai, lơ bơngai sơnăm mơlôh tŏk bŏk oei rơih pơtơm iung pơm jang đơ̆ng kơdih tơdrong jang juăt jue kră sơ̆ kơ pơlei pơla. Đơ̆ng tơdrong mă noh, đe sư hlôi tơhlu hơyuh 'nao lơ̆m dôm kơjă kăp gĭt ngêh ngăi hiơt hiong, pơm 'nao tơmam drăm hăm đon tơchĕng 'nao, tơgop pơjing trong hơrih jang xa kơjăp sơđơ̆ng păng vei răk tơƀăk mong joh ayŏ tơ̆ tơring. Dôm tơdrong hơdrin sơ̆n noh tŏk bŏk akŏm jơhngơ̆m ăn dôm tơdrong tơgŭm jang tơ̆ tơring, pơih trong jang 'nao ăn khei năr kơnh.

VOV.Bahnar – Dêh char Dak Lăk tŏk bŏk tơlĕch jang kơtang tơplih kơmăi kơsô̆, lăng ‘nou jing trong jang tơm hloh vă pơm hơtŏk bơ̆ jang ‘lơ̆ng kơ Khul kơdră chĕp pơgơ̆r tơring ƀar tăl, lăng truh tơ iung pơjing khul bơ̆ jang gơ̆h hơgei, iung jang ‘lơ̆ng ăn kon pơlei. Tơdrong jang kiơ̆ kmăi kmok kơsô̆ lơ̆m kon pơlei pơla ưh khan lăp pơjing rơvơn ăn bơ̆ jang vei lăng, chĕp pơgơ̆r mă oei tơgŭm ăn kon pơlei băt hlôh ƀôh tơtom hăm dôm tơdrong kơtơ̆ng ang, tơdrong bơ̆ jang păng tơdrong hơ iă đơ̆ng kmăi kmŏk kơsô̆. Vă jang kĕ tơdrong ou, Dak Lăk sơkơ̆t hơdăh “Kon pơlei kơsô̆” jing tơdrong kăl hloh ăn atŏk tơ iung tơpôl kơsô̆, kơna tŏk bŏk tơlĕch jang kiơ̆ kơtang tơdrong jang “Rim răih kon pơlei hŏk pơhrăm kmăi kmŏk kơsô̆”, hơnhăk kơmăi kmŏk truh tơjê̆ hăm rim răih kon pơlei.

VOV.Bahnar - Kră pơlei K’Brệp, bơngai K’Ho tơ̆ plei Kala Kròt, xăh Bảo Thuận, dêh char Lâm Đồng ưh lăp năm hơdrol lơ̆m tơdrong choh jang xa đĕch, ƀok oei jing ngê̆ nhơ̆n rơgei, đĭ jơhngâm pơtho tơƀôh tơdrong juăt tanh bơ̆n kơđum, kơđŏng, tang bơ̆n hơkăt kơ bơngai K’Ho. Hơdai hăm ‘nŏh, ƀok oei vang tơgop ‘lơ̆ng, gĭt kăl ăn tơdrong jang pơjing tơring tơrang ‘nao tơ̆ tơring dơ̆ng.

VOV.Bahnar – Vă tơgŭm đe hơ-ioh tơ̆ tơring groi kông Đăk Lăk hlôh vao kloh klĕch gah glơi vă tang găn păng tơjră hăm tơdrong glơ̆k tơ̆ đak, lơ tơdrong jang đei akŏm, pơtho glơi ưh kơ iŏk jên hlôi đei pơgơ̆rlơ̆m khei pơdơh hŏk ou. Tơdrong jang ou ưh hơdrô̆ hơmet tơdrong hlôh vao vă đe hơ-ioh đei minh pơyan pơdơh hŏk sơđơ̆ng mă oei pơjing đei cham pơhiơ̆ kăp gĭt, 'lơ̆ng sơđơ̆ng.

VOV4.Bahnar - Đơ̆ng rŏng mĭnh giĕng iung jang đơ̆ng rŏng proh hơmet, bơ̆ jang pơm hla bơar kơ rim tơring, phương lơ̆m dêh char Lâm Đồng hlôi iung jang ‘lơ̆ng, trŏ hăm hăm tơdrong pơ koel pơvih pơvăn ăn kon pơlei.

VOV4.Bahnar - ‘Năr 3/7, Anih vei lăng kon pơlei dêh char Gia Lai pơgơ̆r Hop akŏm hơlen năng dôm tơdrong jang đei mưh atŏk tơiung mŭk drăm, tơpôl 6 khei blŭng sơnăm păng tơlĕch tơdrong jang lơ̆m 6 khei hơtuch sơnăm 2025.