VOV4.Bahnar - Gơnang kon jên đơ̆ng Anih mong jên Choh jang sa păng Hơtŏk tơiung Tơring tơrang tơ̆ Dak Nông mă lơ ŭnh hnam bơngai M’ Nông đei tơdrong hiôk tơmơ̆t jên jang sa, ƀrư̆ ƀrư̆ yak tŏk klăih đơ̆ng dơnuh hin. Kon pơlei đei  tŏk iŏk jên tơtom lăp hăm khei ‘năr jang sa kơna ưh pă tŏk iŏk jên đe tơ̆ ‘ngoăih hăm jên cheh lơ nhen hơdrol sơ̆ dơ̆ng bơih.

VOV4.Bahnar - ‘Nao âu, tơ̆ pơlei tơm Pleiku, Anih jang Đảng dêh char Gia Lai păng Học viện Chính trị Quốc gia Hồ Chí Minh pơgơ̆r hop akŏm khoa hŏk hơtŏk tơiung kơjăp tơmang lăng joh ayŏ păng tơmang lăng cham char bri brăh kơjăp tơring Tây Nguyên lơ̆m jăl jang hrei ‘nâu. Tơ̆ âu, 50 nơ̆r pơma dơnuh đơ̆ng dôm bơngai jang khoa hŏk, bơngai vei lăng, bơngai mơdro sa tơmang lăng hlôi đei dôm nơ̆r tơgop kăp gĭt găh tơchĕng hơlen păng yan âu găh tơmang lăng Tây Nguyên.

VOV4.Bahnar- Bơ̆jang kiơ̆ tơdrong hơgăt kơ sô̆ 4 găh ŭnh điên lơ̆m pơjing tơring tơrang ‘nao, dôm sơnăm âu ki, Kŏng ti ŭnh điên Dak Lak hlôi akŏm hơtŏk tơiung trong tơley ŭnh điên păng hơtŏk ‘lơ̆ng pơvih pơvăn pơtruh ŭnh điên vă pơm lăp hăm ‘meh vă hơtŏk tơiung jang sa păng oei sa đơ̆ng kon pơlei.

VOV4.Bahnar - Tơdrong jang tơm teh đak găh pơjing tơring tơrang ‘nao tơ̆ apŭng kơ dêh char Lâm Đồng roi ‘năr roi đei tơdrong lang să, hăm lơ trong jang pơcheh hơgei păng ‘lơ̆ng hơiă. Mĭnh lơ̆m kơ sô̆ ‘noh tơdrong jang “Năr drâu tơring tơrang ‘nao” tơ̆ apŭng Di Linh. Mưh truh năr ‘nâu, kon pơlei jơ̆p pơlei jê̆ hơtăih lơ̆m apŭng ‘noh tơgoăt tơgoăl, vang tơgŭm pơjing pơlei pơla hăm dôm tơdrong jang hơdăh.

VOV4.Bahnar - Ƀok Y-Tuyên Ƀuôn Krông (bơngai Ê Đê, đa krao ‘noh Ama Hà) jĭ 1 đảng viên pơm jŭk yŭk trong hơlâu oei tơ̆ plei Drai H’Ling, xăh Hòa Xuân, pơlei tơm Buôn Ma Thuột, dêh char Dak Lak. Hăm 30 sơnăm jang tơdrong jang tơpôl tơ̆ tơring, ƀok đei kon pơlei lơ̆m pơlei ‘mêm kơ eng păng lăng kiơ̆. Hloh kơ ‘noh dơ̆ng, hăm hơnăp jang ‘noh jĭ Phŏ bí thư chi bộ, pơm bơngai pơgơ̆r pơlei păng jing bơngai đei đe lui yom, ƀok hlôi tơgop gĭt kăl lơ̆m tơdrong jang pơjing tơring tơrang ‘nao tơ̆ tơring.

VOV4.Bahnar -Dêh char Đak Lăk đei vă jê̆ 2.300 ‘nu hơ ioh mơti, lơ̆m au đei lơ hơ ioh tơnap tap hloh. ‘Moi kiơ̆ tơdrong jang “Mĕ hơđơ̆ng”yua đơ̆ng Trung ương Khul drŏ kăn Việt Nam tơlĕch jang, lơ hơ ioh mơti, ưh kơ đei đe rong ‘me tơ̆ Đăk Lăk hlôi sơng iŏk đei tơdrong tơgŭm, vei lăng năng tông găh mŭk drăm păng jơhngơ̆m đon. ‘Nâu jĭ dôm “hơnih gơnang ‘mêm kơ eng” tơgŭm ăn đe oh yak hloh tơdrong hiong răm, hơdrin lơ̆m hơrih sa.

VOV4.Bahnar - Hloh 10 sơnăm đei pôk pơm kră pơlei, ƀok Siu Bình, pơlei Sơn, tơring Ia Nan, apŭng Đức Cơ, dêh char Gia Lai hlôi tơgop ăn tơdrong tơplih ‘nao pơlei tơring sơlam teh đak au hăm dôm tơdrong jang hơdăh, ‘lơ̆ng hơ iă. Hŏk pơhrăm păng pơm kiơ̆ nơ̆r Ƀok Hô pơtho, ling lang tơnăp hăm tơdrong jang, nơ̆r pơma tơ-‘ngla iung jang hloi, pơm jŭk yŭk trong hơlau lơ̆m rim tơdrong jang kơ yuơ tơdrong hơrih sa phĭ tơtŏ dơnŏ ‘lơ̆ng dơ̆ng kơjăp kơ kon pơlei, dôm tơdrong jang kơ ƀok Siu Bình hlôi tơgop tơ iung pơjing pơlei Sơn pơdrŏng nhen hrei au.

VOV4.Bahnar - Lơ̆m dôm sơnăm âu ki, đơ̆ng dôm kon jên đơ̆ng Đảng, Teh đak, kon jên hơvơn đơ̆ng tơpôl, hlôi tơgŭm lơ xăh lơ̆m tơring kơ lơ̆m teh đak ƀrư̆ ƀrư̆ jang đang tơdrong hơgăt teh đak găh pơjing tơring tơrang ‘nao păng tơring tơrang 'nao ‘lơ̆ng rŏ. Kiơ̆ kơ Tơdrong hơgăt ‘lơ̆ng xăh tơring tơring ‘nao păng tơring tơrang ‘nao ‘lơ̆ng jăl jang (2021-2025) tôch kơ tơdỏng hơgăt athei kơ jung hloh, hơnat kơ bơ̆jang kiơ̆ hloh pơtêng hăm jăl jang hơdrol. Lơ̆m noh tơdrong hơgăt cham char đei lăng ‘noh jĭ tơdrong hơgăt ƀônh ƀiơ̆ ưh kơ kăl lơ kon jên tơmơ̆t jêñ jang đơ̆ng teh đak, mă lei ‘noh tŏk bŏk jing ƀai toan hơnat hăm lơ tơring.

VOV4.Bahnar - Tơdrong jang pơjing tơring tơrang ‘nao tŏk bŏk hơtŏk đei yua ‘lơ̆ng tơ̆ dêh char Dak Nông, um ai tơring tơrang ‘nao roi ‘năr roi tơplih ‘lơ̆ng.

VOV4.Bahnar - 20 sơnăm hơdrol, dôm dêh char Tây Nguyên hrơ̆ch bơ̆ jang kiơ̆ tơdrong Tơchơ̆t 132/2002/QĐ-TTg găh asong teh oei, teh choh jang sa ăn dôm ŭnh hnam bơngai kon kông kơtă anih. Tơ̆ apŭng Ea Kar, dêh char Dak Lak, đei kơdơ chŭn ƀa să 250 hek tar hlôi đei asong ăn kơ vă jê̆ 450 ŭnh hnam kiơ̆ tơdrong tơchơ̆t âu. Đơ̆ng noh truh dang ei, kơchơ chŭn na hlôi tơgop hơnhăk ăn tơdrong arih sa phĭ tơnŏ ăn kon pơlei.