VOV.Bahnar - Xah Đăk Pxi, dêh char Quảng Ngãi, đei pơjing kiơ̆ pơkăp tơmơ̆t hơdai dôm xah Đăk Pxi păng xah Đăk Long (apŭng Đăk Hà, dêh char Kon Tum so). Tơ̆ tơring hơtaih yaih, xah đei jê̆ 90% kơsô̆ măt kon pơlei kon kông, hăm 10 thôn pơlei tơnap tap hloh. Mă thoi noh, hăm tơdrong asong jang tôm tong đơ̆ng teh đak, tơdrong atŭm jơhngơ̆m đơ̆ng kon pơlei, đơ̆ng rŏng kơ tơmơ̆t hơdai anih jang hanh chinh, pơjing jơnŭm pơgơ̆r tơring, Đăk Pxi tŏk bŏk kơchăng pơtơm ăn jăl jang hơtŏk tơ-iung 'nao.

VOV.Bahnar – Pơlei juăt jue kon kông K’Ho tơ̆ thôn Klong Trao 1 xah Di Linh, dêh char Lâm Đồng pơtơm tŏk oei ah khei 9 sơnăm sơ̆, hăm kơsô̆ jên asong jang 12 tih hlj. 'Nou jĭ tơdrong jang joh ayŏ kăp gĭt, lơ̆m Tơdrong jang 6 (Tơdrong tơchơ̆t jang kơ teh đak) gah vei răk tơƀăk mong kơjă joh ayŏ juăt jue 'lơ̆ng rŏ kon kông tơguăt hăm hơtŏk tơmang pơhiơ̆ pơlei pơla kơjăp sơđơ̆ng tơ̆ Lâm Đồng.

VOV.Bahnar - Dêh char Quảng Ngãi, groi teh đei ƀĕnh tơdrong juăt jang kăch mang, sơ̆ jĭ tơring đei lơ tơdrong tơblăh jơnei đei ư hơnhang ang hơnhăk lơ̆m 2 tơdrong tơblăh hơyăt. Hlŏh 50 sơnăm hlŏh bơih, đơ̆ng tơring kăn kư̆ kăch mang Ba Tơ truh kơdrăn tơblăh Vạn Tường, tơring teh đei ư hơnhang doh sơ̆ dang ei tơplih ‘lơ̆ng kiơ̆ tơdỏng arih xa ‘nao.

VOV.Bahnar - Xah Gào (lơ̆m pơlei tơm Pleiku hơdrol ki) oei ah tơring Pơmơ̆t kơ dêh char Gia Lai, jĭ tơring teh akŏm ƀenh kơ tơdrong juăt jue kăch mang. Iŏk yua tơdrong juăt jue nuih mơng noh, dang ei đơ̆ng minh tơring teh oei lơ tơnap tap, xah Gào hlôi păng tŏk bŏk tơplih pran kơtang hăm tơdrong hơpơi hơtŏk tơ-iung tôm tơdrong, jing anih hơdah hloh gah pơjing tơring tơrang 'nao păng hơtŏk mŭk drăm – tơpôl.

VOV.Bahnar - Đơ̆ng rŏng khei ‘năr pơm ƀô̆ đô̆i, brŏk vih hơrih sa kon pơlei hmă, ƀô̆ đô̆i so Đặng Kháng, hơdrung Chăm oei tơ̆ thôn Bình Hiếu, tơring Bắc Bình, dêh char Lâm Đồng (găh dêh char Bình Thuận so) hlôi hơdrin jang sa, đei jing bơngai jang sa hơgei lơ̆m tơring Bắc Bình, dêh char Lâm Đồng.

VOV.Bahnar – Sơ̆ jing tơring kăng kư̆ kăch mạng H5 nuih mơng lơ̆m khei năr iung tơjră, dang ei xah Ea M’Droh, dêh char Đăk Lăk tŏk bŏk tơplih jing um ai 'nao. Rim bơbŭng hnam kơjăp 'lơ̆ng tơjê̆ hăm hnam kơjung, dôm jăl trong rei kơsu, trong ƀêtŏng 'lơ̆ng tơpăt, tơdrong hơrih kon pơlei roi năr roi hơtŏk tơ-iung. Tơdrong jang pơjing tơring tơrang 'nao tŏk bŏk pơtruh tơdrong hơrih 'nao ăn pơlei pơla tơring kăng kư̆ kăch mạng sơ̆.

VOV.Bahnar – Krô̆i pung kơđoh jơk atŭm hăm dôm tơmam drăm choh pơtăm kăp gĭt nai nhen sâu riêng, prit, mit tơ̆ tơring groi kông Khánh Hòa tŏk bŏk oei mơ̆t ah pơyan pĕ yua lơ̆m khei năr tŏ 'mi 'lơ̆ng sơđơ̆ng, pơm trong hiôk tơlĕch jang kiơ̆ OCOP păng 'nhăk tơmam drăm tơ̆ tơring truh tơjê̆ hloh hăm tơmoi ah khei tơm tơmang pơhiơ̆ năr 2/9.

VOV.Bahnar – Tơ̆ Gia Lai, lơ bơngai sơnăm mơlôh tŏk bŏk oei rơih pơtơm iung pơm jang đơ̆ng kơdih tơdrong jang juăt jue kră sơ̆ kơ pơlei pơla. Đơ̆ng tơdrong mă noh, đe sư hlôi tơhlu hơyuh 'nao lơ̆m dôm kơjă kăp gĭt ngêh ngăi hiơt hiong, pơm 'nao tơmam drăm hăm đon tơchĕng 'nao, tơgop pơjing trong hơrih jang xa kơjăp sơđơ̆ng păng vei răk tơƀăk mong joh ayŏ tơ̆ tơring. Dôm tơdrong hơdrin sơ̆n noh tŏk bŏk akŏm jơhngơ̆m ăn dôm tơdrong tơgŭm jang tơ̆ tơring, pơih trong jang 'nao ăn khei năr kơnh.

VOV.Bahnar – Dêh char Dak Lăk tŏk bŏk tơlĕch jang kơtang tơplih kơmăi kơsô̆, lăng ‘nou jing trong jang tơm hloh vă pơm hơtŏk bơ̆ jang ‘lơ̆ng kơ Khul kơdră chĕp pơgơ̆r tơring ƀar tăl, lăng truh tơ iung pơjing khul bơ̆ jang gơ̆h hơgei, iung jang ‘lơ̆ng ăn kon pơlei. Tơdrong jang kiơ̆ kmăi kmok kơsô̆ lơ̆m kon pơlei pơla ưh khan lăp pơjing rơvơn ăn bơ̆ jang vei lăng, chĕp pơgơ̆r mă oei tơgŭm ăn kon pơlei băt hlôh ƀôh tơtom hăm dôm tơdrong kơtơ̆ng ang, tơdrong bơ̆ jang păng tơdrong hơ iă đơ̆ng kmăi kmŏk kơsô̆. Vă jang kĕ tơdrong ou, Dak Lăk sơkơ̆t hơdăh “Kon pơlei kơsô̆” jing tơdrong kăl hloh ăn atŏk tơ iung tơpôl kơsô̆, kơna tŏk bŏk tơlĕch jang kiơ̆ kơtang tơdrong jang “Rim răih kon pơlei hŏk pơhrăm kmăi kmŏk kơsô̆”, hơnhăk kơmăi kmŏk truh tơjê̆ hăm rim răih kon pơlei.

VOV.Bahnar - Kră pơlei K’Brệp, bơngai K’Ho tơ̆ plei Kala Kròt, xăh Bảo Thuận, dêh char Lâm Đồng ưh lăp năm hơdrol lơ̆m tơdrong choh jang xa đĕch, ƀok oei jing ngê̆ nhơ̆n rơgei, đĭ jơhngâm pơtho tơƀôh tơdrong juăt tanh bơ̆n kơđum, kơđŏng, tang bơ̆n hơkăt kơ bơngai K’Ho. Hơdai hăm ‘nŏh, ƀok oei vang tơgop ‘lơ̆ng, gĭt kăl ăn tơdrong jang pơjing tơring tơrang ‘nao tơ̆ tơring dơ̆ng.