VOV4.Bahnar - Tơring sơlam xăh Ia Nan, apŭng Đức Cơ, dêh char Gia Lai jĭ tơring mơmat tat, 100% jĭ kon pơlei kon kông hơrih sa. Yua kơ tơdrong mŭk drăm oei dơnuh hin mơmat tat, hlôh vao đơ̆ng kon pơlei oei ưh kơ lơ kơna tơdrong truh tơ̆ hnam trưng đơ̆ng đe oh hŏk tro kŭm mơmat tat. Khei ‘năr âu ki, rim kơdră, rim khŭl tơpôl, khŭl jang, mă loi ‘noh jĭ ƀô̆ đô̆i vei lăng tơring sơlam hlôi jang hơdai hăm hnam trưng, tơlĕch ăn lơ trong jang tơgŭm ăn hŏk tro dơnuh hin tơring sơlam truh tơ̆ hnam trưng.

VOV4.Bahnar - Jang kiơ̆ khoa hŏk kih thuơ̆t, lơ kon pơlei choh jang sa bơngai Dao oei tơ̆ tơring Cư Suê, apŭng Cư Mgar, dêh char Dak Lăk hlôi tơplih trong jang sa, tơgoăt dih băl jang sa, băt hơdăh tơdrong mơdro sa, iung jang kiơ̆ pơm tơlĕch ‘lơ̆ng tơmam drăm vă hơtŏk kơjă, hơnhăk đei iŏk yua kơjăp.

VOV4.Bahnar - Tơ̆ ‘măng hop akŏm ưh kơ ê ‘măng mă 5 (Kuôk hô̆i jăl 15), mĭnh lơ̆m 4 tơdrong gĭt kăl đei dôm bơngai tang măt akŏm pơma dơnuh tơdrong Tơchơ̆t găh 1,2 trong jang tơgŭm hơdrô̆ bơ̆jang kiơ̆ dôm tơdrong jang tơm teh đak. Dôm bơngai tang măt Kuôk hô̆i drơ̆ng nơ̆r ‘lơ̆ng hăm trong jang tơgŭm pơlong lăng klăih song hơnăp jang ăn apŭng lơ̆m vei lăng păng pơgơ̆r bơ̆jang dôm tơdrong jang tơm teh đak, hơdai hăm ‘noh athei hơtŏk loi dơ̆ng tơdrong jang iŏk yua jên ăn kang ƀô̆, mă loi ‘noh tơ̆ apŭng vă bơ̆jang kiơ̆ dôm tơdrong jang iĕ đơ̆ng tơdrong jang.

VOV4.Bahnar - Hăm tơdrong kăl “Tơ̆ yơ kăl kơ hơdruh tơdăm ‘noh đei, tơdrong kiơ hơnat đei hơdruh tơdăm”, lơ̆m sơnăm 2023, đoàn viên, hơdruh tơdăm dêh char Gia Lai hlôi tơlĕch lơ tơdrong jang hơdăh ‘lơ̆ng lơ̆m tơdrong jang “Sơnăm mơlôh vang tơgŭm pơjing tơring tơrang ‘nao”. Kiơ̆ đơ̆ng noh, pơm ‘lơ̆ng um ruo ao jơk năm jang tơgŭm, iung jang, ling lang jang tơnăp hăm tơdrong hơtŏk tơiung kơ tơpôl.

VOV4.Bahnar - Jĭ bơngai Tày, rơneh păng tih vơ̆ tơ̆ pơlei pơla Đông Khê dêh char Cao Bằng - hơnih mă kơtar tính tẩu, tơdra then hlôi đei lơ̆m jơhngơ̆m đon, kơna mă đơ̆ng năm oei truh tơ̆ tơring teh ‘nao, ƀok Nông Văn Hưu (75 sơnăm) pei ling lang hưch hanh hăm tơdra hơri kră sơ̆ kơ hơdrĕch sư păng tơchĕng hăm tơdrong pơm liơ chĕp vei, pơtho tơdrong hơri âu ăn kơ tơpôl kon pơlei oei tơ̆ hơnih ƀok arih sa.

VOV4.Bahnar - Sơnăm 2023, đei 3 xăh chih măt pơjing tơring tơrang ‘nao đei ƀôh. Mă lei tam mă đei xăh yơ jang đei đĭ đăng dôm tơdrong hơgăt đei tơlĕch, mă lei tơdrong pơjing tơring tơrang ‘nao đei ƀôh hlôh ƀôh lơ tơdrong tôch đei yoa tơ̆ yăn âu, pơm hơtŏk đei tơdrong arih xa găh tơmam drăm, jơhngâm đon ăn kon pơlei.

VOV4.Bahnar - Sơnăm 2023 gơnang đơ̆ng hơvơn, hơtŏk đei tơdrong joh ayŏ joăt joe tơdrong pơjing tơring tơrang ‘nao tơ̆ tơring kon pơlei kon kông dêh char Kon Tum đei lơ tơplih ‘lơ̆ng. Hăm hơnăp jang ‘noh jĭ tơ ‘ngla lơ̆m pơjing tơring tơrang ‘nao, lơ tơpôl kon pơlei kon kông kơ dêh char Kon Tum hlôi hơdrin lơ̆m jang sa hơtŏk ‘lơ̆ng đei iŏk yua păng tơgop tơplih ‘lơ̆ng um ai tơring tơrang.

VOV4.Bahnar - Sơnăm 2023, mă đơ̆ng ƀơm ưh ‘lơ̆ng đơ̆ng pơmat tat atŭm găh mŭk drăm, mă lei gơnơm hơbĕch hơbal đei lơ trong jang xa, rei pơtăm, tơmât yoa ‘lơ̆ng kơmăy kơmŏk lơ̆m tơdrong choh jang xa, iŏk yoa đơ̆ng kon pơlei K’ho tơ̆ xăh Hiệp An, apŭng Đức Trọng (Lâm Đồng) oei tŏk hơnơ̆ng. Xăh Hiệp An hlôi jang kĕh tơdrong pơjing tơring tơrang ‘nao đei ƀôh kiơ̆ tơdrong hơgăt đei tơlĕch.

VOV4.Bahnar - Tơdrong chô̆ camera hơlen năng tơdrong hŭt râm rĕk, pơtăm pơkao ƀât anih đe juăt hŭt râm rek kư̆ kă đơ̆ng đe đoàn viên druh dăm hlôi pơm ăn tơring sơlam kơ 2 xăh Đắk Liêng păng Đắk Nuê, apŭng Lắk, dêh char Đắk Lắk jing rơgŏh ‘lơ̆ng. Tơdrong hŭt râm rek kư̆ kă tơ̆ tơring âu pă gan đei bơih. Trong jang ‘nâu hlôi hơnhăk ba tơdrong đei yoa blŭng a lơ̆m tơdrong vei lăng cham char, tŏk bŏk đei đoàn viên druh dăm tơ̆ tơring pơih xă.

VOV4.Bahnar -Tơdrong tơlĕch jang 3 tơdrong jang tơm teh đak găh pơjing tơring tơrang ‘nao jăl jang 2021-2025; tơjur dơnuh hin kơjăp jăl jang 2021-2025; hơtŏk tơiung mŭk drăm tơpôl tơring kon pơlei kon kông păng tơring groi kông jăl 2021-2030” tơƀơ̆p mơmat tat, tơhlăk ơthlĭn, tơdrong tơm pơm ăn oei jing klăih song hơnăp jang, klăih song tơdrong gơh jang tam mă truh trong, đei lơ hla ar pơtho pơm ăn tơdrong bơ̆jang kiơ̆ tơƀơ̆p mơmat tat. Khei ‘năr âu, lăp oei pă 2 sơnăm dơ̆ng ‘noh pơtôch tơdrong bơ̆jang kiơ̆ dôm tơdrong jang jăl jang 2021-2025. Mưh lei kăl đei trong jang ‘lơ̆ng hơyơ vă hơmet pơ ‘lơ̆ng dôm tơdrong ưh kơ ‘lơ̆ng lơ̆m khei ‘năr âu ki?