VOV4.Bahnar - Đunh kơ âu 50 sơnăm, pơgê hrôih ‘năr 9/3/1975, khul linh tơblăh iŏk rơngei tơblăh tơdrŭt kơđông Đức Lập (dêh char Quảng Đức so), kơđông tơblăh găn găh Pơbăh Buôn Ma Thuột. Tơdrong tơblăh jơnei Đức Lập đei năng jĭ tơdrong tơblăh pơih blŭng tôch gĭt kăl ăn tơdrong jơnei đơ̆ng tơdrong tơblăh Tây Nguyên pơyan Puih mak 1975. 50 sơnăm đĭ hlŏh bơih, Đức Lập sơ̆ - Đắk Mil hrei ‘nâu đĭ jing 1 apŭng pơdrŏng đei ƀôh kơ dêh char Đắk Nông.

VOV4.Bahnar - Pơgê 6/2, 102 xăh, phường, thĭ trơ̆n 10 apŭng, plt kơ dêh char Kon Tum hrơ̆ch pơgơ̆r bơ̆ jang ƀât blŭng sơnăm 2025 hăm hơnăn "Năm bơ̆ jang pơjing tơring tơrang ‘nao păng tơring kơdrâm rơgei".

VOV4.Bahnar - Sơnăm ‘nâu, kon pơlei tơ̆ xăh Kon Gang, apŭng Đak Đoa, dêh char Gia Lai sơng têt joăt joe Ất Tỵ lơ̆m jơhngơ̆m đon chơt hơiă, ‘nă hal. Yua kơ sơnăm âu ki, sầu riêng, cheh phe đei plei lơ, đei kơjă tŏk, lơ ŭnh hnam kon pơlei đei iŏk yua jên ti. Hơdai hăm ‘noh, dôm ŭnh hnam teh đak tơgŭm, dôm ŭnh hnam mơmat tat, đei kơdră đảng, khŭl kơdră tơring bơngơ̆t truh, pơjao asong tơmam Têt tơnăp ‘lơ̆ng.

VOV4.Bahnar - Tây Nguyên, tơring teh gôh bazan hăm um ai joh ayŏ kăp gĭt păng cham char 'lơ̆ng, jĭ anih akŏm dôm tơmam choh pơtăm gĭt kăl. Rim tơmam drăm adoi đei kon pơlei rơih iŏk, akŏm ƀenh jơhngơ̆m đon, pơjing đei dôm tơmam drăm đei iŏk pơkăp OCOP. Tơmam drăm OCOP Tây Nguyên ưh hơdrô̆ jĭ tơdrong 'lơ̆ng hơ-iă kơ kon pơlei tơ̆ tơring mă oei jĭ gơng tơroh, hơ-'nhăk tơmam choh pơtăm Việt Nam gơh tơlĕch lơ̆m apŭng plenh teh.

VOV4.Bahnar – Sơnăm âu, kơ rơbâu unh hnam hin dơnuh tơ̆ Tây Nguyên hlôi đei minh pơyan Têt kăp gĭt, phĭ tơtŏ hloh, gơnơm đei tơdrong vang tơgŭm lơ̆m jơnŭm tơpôl păng jơnŭm pơgơ̆r tơring. Dôm bơbŭng hnam kơjăp 'lơ̆ng, dôm tơpu tơmam Têt kăp gĭt ưh hơdrô̆ tơgŭm ăn kon pơlei sơng minh minh pơyan Têt tơnŏ, mă oei hơ-'nhăk tơdrong ang hơdah hloh gah tơdrong hơrih ning nai kơnh.

VOV4.Bahnar - Tơdrong jang xut xa cdơnuh 2 tơring Mường Hong, Ngọk Linh- dơnuh hloh dêh char Kon Tum hlôi tơƀôh hơdăh tơlĕch jang kiơ̆ kơtang lơ̆m tơlĕch jang tơdrong tơchơ̆t đơ̆ng Đảng, nơ̆r athei jang kiơ̆ kơ Trung ương lơ̆m bơ̆jang tơjur dơnuh. Tơdrong iung jang kơtang đơ̆ng rim hơnih đảng, khul kơdră tơring, tơgŭm pơm tơplei jơhngơ̆m đon tơchĕng, trong jang sa kơ kon pơlei, atŭm hăm ‘noh găh tŏ ‘mi kial, groi teh rơvơn hlôi pơtrŭt kơtang bơ̆ jang xut xa dơnuh tơ̆ ou iŏk đei jơnei hơ iă.

VOV4.Bahnar – Pơlei Vi Rơ Ngheo, xah Đăk Tăng jĭ minh anih ang hơdah gah pơjing tơring tơrang 'nao lơ̆m tơring hơtaih yaih kơ apŭng Kon Plông, dêh char Kon Tum. Hăm bơngai yuk hơlâu noh A Hiền, 63 unh hnam kon pơlei lơ̆m pơlei hlôi pơjing đei tơdrong pran 'noh tơtuh hơkar păng jơhngơ̆m pran lơ̆m tơdrong pơjing tơring tơrang 'nao tơ̆ tơring kon pơlei kon kông dêh char Kon Tum.

VOV4.Bahnar - Tơdrong jang tơm Teh đak atŏk tơ iung mŭk drăm tơpôl tơring kon kông păng groi kông (krao vă kơđeh ‘noh tơdrong jang 1719) đei tơlĕch jang tơ̆ dêh char Gia Lai kiơ̆ trong pơrô̆ jang đơ̆ng Tơdrong jang kơsô̆ 29 kơ Hơnih Đảng dêh char, hăm tơdrong tơm ‘noh xek tơlang dôm tơdrong kăl kơ kon pơlei kon kông. Hăm trong chĕp pơgơ̆r, pơchoh trong đơ̆ng rim khul kơdră đảng, tơdrong jang ưh khan lăp hơnhăk đei tơplih ‘lơ̆ng hơ iă mă lei oei sơkơ̆t hơdăh hơnăp jang chĕp pơgơ̆r tôch gĭt kăl đơ̆ng rim khul kơdră đảng lơ̆m tơplih ‘nao păng atŏk tơ iung.

VOV4.Bahnar - Tơring kon kông oei tơ̆ Bình Thuận đei lơ tơmam drăm iŏk đei pơkăp ‘lơ̆ng OCOP 3 sao. Têt Nguyên đán Ất Tỵ 2025 tŏk bŏk vă truh jei jing jơ ‘năr akŏm pơm tơlĕch dôm tơmam drăm tĕch mơdro lơ̆m năr Têt, lơ̆m ou đei tơmam drăm pơm man hăm teh lân Chăm Sơn Hoà tơ̆ tơring Phan Hiệp păng ‘nhĕm rơmo sơ̆k mĭnh năr tơ̆ tơring Phan Hoà, apŭng Bắc Bình, dêh char Bình Thuận.

VOV4.Bahnar - Hlôi đei lĕch tơklăh đơ̆ng pơlei pơla hăm tơdrong jang ƀak si, mă lei tơdăm bơngai Ê-đê, Y Pôt Niê oei tơ̆ Đắk Lắk oei ưh kơ kĕ hiơt cheh phe tơ̆ pơlei kơdih. Ling lang ƀlŏk kơ kơ ƀâu phe phe hrâu lơ̆m ƀâu ‘nhui ŭnh, tơchĕng hăm dôm găr cheh phe kăp gĭt mă lei ưh kơgơh tơgŭm mĕ, ƀă dă ƀiơ̆ kơ dơnuh hin, Y Pốt Niên hlôi vih hơlơ̆k hăm pơlei Kla, xăh Dray Sáp apŭng Krông Ana, dêh char Đắk Lắk vă tơklep hăm cheh phe kiơ̆ 1 trong ‘nao. Đơ̆ng rŏng 4 sơnăm iung jang hăm kơloăi cheh phe joăt joe đơ̆ng oei păh iung, Êđê Café kơ Y Pốt hlôi tĕch đei pơđĭ anih tĕch mơdro lơ̆m păng ‘ngoăih teh đak, tơroi ling lang tơdrong joăt huch phe ‘lơ̆ng kơ plei Kla.