VOV4.Bahnar - Apŭng Phú Thiện jĭ tơring đei lơ kon pơlei kon kông, jĭ hơnih jang ƀa lơ hloh hăm hơnăn phe blŭng a kơ dêh char Gia Lai. Pơtơm blŭng đơ̆ng Tơdrong tơchơ̆t 05 - NQ/HU sơnăm 2012 đơ̆ng Anih jang Đảng apŭng Phú Thiện, truh dang ei, đơ̆ng hloh 10 sơnăm tơlĕch jang pơjing hơnăn phe ƀa, Phú Thiện hlôi đei dôm kơdơ chŭn să, jang hăm kơmăy kơmŏk ‘nao, hơnhăk ăn tơdrong arih sa phĭ tơnŏ ăn kon pơlei dôm pơlei pơla.

VOV4.Bahnar - Đơ̆ng rŏng vă jê̆ 40 sơnăm tơklep kơjăp hăm tơdrong jang pơtho pơhrăm, sơnăm 2018 mưh tôm sơnăm pơdơ̆h bơ̆ jang, ƀok Liêng Jrang Ha Tương, oei tơ̆ thôn Đa Tế, tơring Đạ Mrông, apŭng Đam Rông, dêh char Lâm Đồng đei kơdră tơring lui yom păng pơjao ăn jang Ƀĭ thư chi ƀô̆ thôn. Hăm tơdrong jang hle, kiơ̆ yok hơnăp bơngai đảng viên, hŏk pơhrăm păng jang kiơ̆ jơhngơ̆m đon, trong bơ̆ jang kơ Ƀok Hô, ƀok ling lang pơm jŭk yŭk trong hơlau lơ̆m pơrô̆ pơrôp, tơlĕch jang kiơ̆ rim tơdrong jang atŏk tơ iung Mŭk drăm-Tơpôl, tơ iung pơjing pơlei pơla roi năr roi gơ̆h hơgei pơdrŏng ‘lơ̆ng liĕm.

VOV4.Bahnar - Hơdrin tơplih ‘nao păng hơdrin hăm tơdrong jang hơtŏk tơiung hơdrĕch phe ƀa Briêt, Hơp tak xăh Tơjur dơnuh hin Ea Súp, apŭng Ea Súp, dêh char Đắk Lắk hlôi păng tŏk bŏk tơlĕch jang pơih să tơdrong jang pơm tơlĕch kiơ̆ trong rơgoh hơnhăk ăn kơjă mŭk drăm lơ.

VOV4.Bahnar - Vă pơm tơdrong chhôk hơiă, pơjei băl ‘mêm kơ teh đak, pơnam jang sa, đơ̆ng rŏng dôm năr pơdơh Tết Giáp Thìn, đĭ đăng 10 apŭng, pơlei tơm kơ dêh char Kon Tum hlôi pơgơ̆r iung jang pơjing tơring tơrang ‘nao păng anih kơdrơ̆m hơgei.

VOV4.Bahnar - Pơgê 20/2, Anih vei lăng kon pơlei apŭng Ia H’Drai, dêh char Kon Tum pơgơ̆r pơm lêh roi tơbăt hơdăh tơdrong tơchơ̆t drơ̆ng ăn xăh Ia Đal jang đang tơring tơrang ‘nao.

VOV4.Bahnar - Tơdrong jang tơm Teh đak găh tơ iung pơjing tơring tơrang ‘nao hlôi lang să kơtang jơ̆p jang pơlei pơla Tây Nguyên. Ư̆h khan lăp tơgŭm pơm tơplih tơring tơrang mă oei oei tơgop tơplih kơtang jơhngơ̆m đon tơchĕng, trong jang sa păng tơ iung pơjing tơdrong hơrih sa ‘nao kơ kon pơlei oei tơ̆ tơring atăih yăih, tơring kon kông. Tơ̆ dêh char Lâm Đồng, mă đơ̆ng tơdrong hơrih sa kơ kon pơlei oei tơnap tap mă lei gơnơm băt jang kiơ̆ kơtang tơgoăt tơgoăl hơdrĕch hơdrung, tơdrong vang iung jang tơ iung pơjing tơring tơrang ‘nao hlôi hơnhăk đei lơ tơdrong jơnei hơ iă.

 VOV4.Bahnar - Dêh char Kon Tum đei dang 54% kơsô̆ kon pơlei ‘noh bơngai kon kông, lơ̆m noh đei 7 hơdrĕch kon kông kơtă anih, ‘noh: Xơ Đăng, Gié- Triêng, Ba Nar, Gia Rai, Brâu, Rơ Măm păng Hrê. Hăm jơhngơ̆m đon pơ hnŏng tơiung tơmam ‘lơ̆ng, đei yua vă hơtŏk tơiung, dêh Kon Tum hlôi ƀrư̆ ƀrư̆ pơjing đei dôm tơmam tơmang lăng, răt yua đơ̆ng dôm kơjă kăp gĭt joh ayŏ joăt joe tơgŭm kon pơlei hơtŏk iŏk yua ƀrư̆ ƀrư̆ hơtŏk ‘lơ̆ng tơdrong arih sa.

VOV4.Bahnar - Tơdrong jang tơm kơ teh đak găh pơjing tơring tơrang ‘nao hlôi pơjing đei tơdrong tơplih tôch ‘lơ̆ng tơ̆ lơ tơring lơ̆m dêh char Đắk Lắk. Đơ̆ng tơdrong jang ‘nâu, um ai tơring tơrang ‘nao roi đunh roi đei tơplih ‘lơ̆ng rŏ, tơdrong jŏh ayŏ kơ dŏ xoang kơ kon pơlei đei chĕp vei kơjăp, vang tơgop pơjing đei lơ tơring tơrang, pơlei pơla tôch tơgăl vă arih xa.

VOV4.Bahnar – Hăm hloh 95% unh hnam kon pơlei Bahnar hơrih jang xa đơ̆ng lơ sơnăm kơ âu, pơlei Đăk Mông, xah Đăk Rong, apŭng Đăk Đoa, dêh char Gia Lai jing minh lơ̆m dôm pơlei gơh hơgei lơ̆m pơm kiơ̆ Tơchơ̆t jang kơ teh đak gah pơjing tơring tơrang ‘nao. Atŭm hăm jơnŭm pơgơ̆r tơring, kon pơlei hlôi hơdrin pơm jang, pơm tơlĕch tơmam drăm kăp gĭt tơguăt hăm vei răk tơƀăk mong lơ um ai joh ayŏ vă tơgŭm ăn tơring tơrang roi năr hơtŏk ‘lơ̆ng, hơyak pơjing minh tơring tơrang ‘nao gơh hơgei.

VOV4.Bahnar - Pơm jŭk yŭk trong hơlâu hŏk pơhrăm tơdrong iŏk yua kơmăy kơmŏk kơtơ̆ng ang đang kơ ‘noh tơlĕch jang ăn kang ƀô̆, đảng viên păng kon pơlei hŏk pơhrăm, jang kiơ̆. ‘Noh jĭ trong mă dôm bí thư chi bộ, đảng bộ tơring mơmat tat dêh hloh tơ̆ Sơn La kiơ̆ tom hăm tơdrong jang kach mang khoa hŏk kơmăy kơmŏk 4.0. Kiơ̆ đơ̆ng noh tơgop tơmơ̆t dôm tơdrong tơchơ̆t đơ̆ng Đảng lơ̆m tơdrong arih sa, lơ̆m noh đei tơdrong tơchơ̆t găh pơjing tơring tơrang ‘nao. Tơdrong jang tơ̆ dêh char Sơn La kăl kơ đei hŏk pơhrăm, pơih să.