VOV.Bahnar - ‘Năr 5/1, Trung đoàn Cảnh sát cơ động, Anih tơm vei lăng Kŏng an jang hơdai Hơnih phak kron kơsô̆ 3, Kŏng an dêh char Lâm Đồng păng Anih vei lăng kon pơlei phường Hàm Thắng pơgơ̆r Lêh et hơtŏk hnam ‘nao lơ̆m “Tơdrong jang Quang Trung”.

VOV.Bahnar - Grŭp vei lăng bơngai jang pơlei tơm Đà Nẵng hlôi đei trong tơlĕch jang tơgŭm tơmam Tết Bính Ngọ 2026 păng asong vĕ gre ăn bơngai jang hơrih sa mơmat tat brŏk tơ̆ pơlei sa Têt.

VOV.Bahnar - - Pơgê (4/1), tơ̆ plei Phú Hữu, xăh Hoà Thịnh, Anih tơm pơgơ̆r Khŭl lĭnh Quân khu 5 jang hơdai hăm dêh char Đắk Lắk pơgơ̆r lêh et hơtŏk păng pơjao 96 tŏ hnam lơ̆m “Tơdrong jang Quang Trung”, asong ăn dôm ŭnh hnam đei hnam păk pơchăh yua đơ̆ng ‘mi tih đak lơ̆p hơtuch sơnăm 2025.

VOV Bahnar - Dôm năr pơyan Hla ruh Khei Tơhngam sơnăm 1945-tŏk bŏk lơ̆m bri kơdrơ̆ng Việt Bắc, tơ̆ Honih soi tơbeh Tân Trào, Kơdră chĕp pơgơ̆r Teh đak Hồ Chí Minh hlôi krao akŏm Hop akom tih Khul kơdră tang măt kon pơlei tơ̆ Tân Trào vă pơjing Khul kơdră chĕp pơgơ̆r pơgoa teh đak, chĕp pơgơ̆r ‘măng iung jang Kĕch mang kơ kon pơlei Việt Nam. Hop akom tih Khul kơdră tang măt kon pơlei tơ̆ Tân Trào năr 16 păng năr 17/8/1945 ưh khan lăp tơdrong pơgơ̆r gĭt kăl hloh kơ kĕch mang Việt Nam, mă oei đei lăng jĭ chăl sơnăm ƀôh hơdăh ‘noh trong pơgơ̆r blŭng blŭng a kơ Hơnih bơ̆ jang tang măt ăn kon pơlei - jing hơnih tơm blŭng a kơ Kuô̆k hô̆i Việt Nam hrei ou. Đơ̆ng Tân Trào, trong lăng “Kon pơlei ‘noh tơm a”, “tơdrong chĕp pơgơ̆r găh kon pơlei” hlôi đei pơjing, hlôi jing trong tơm dơnơm lơ̆m prăt jăl

VOV.Bahnar – Tơ̆ dêh char Khánh Hòa, Hơnih tơm Kŏng an pơgơ̆r Hop akŏm gah tơdrong jang tơroi tơbăt tang găn păng tơjră tŏ 'mi kial pơrăm păng hopa kŏm pơjao “Tơdrong jang Quang Trung”, hơtŏk tenh tơdrong ming hơmet hnam oei tơgŭm kon pơlei tơring đak hơbông pơrăm dah hrôih sơđơ̆ng tơdrong hơrih.

VOV.Bahnar - Chă tơmang lăng lơ̆m tơpôl oei jing trong yak kơjăp ‘lơ̆ng kơ dêh char Đắk Lắk lơ̆m khei ‘năr mât jang hơdoi hăm apŭng plenh teh. Tơ̆ rim pơlei pơla bơngai Rađe, chă tơmang lăng ưh lăp năm chă ngôi đĕch mă oei arih xa hơdai, bơ̆ jang hơdai, oei xa hơdai hăm kon pơlei dơ̆ng. Hnam kơjung, chĭng chêng, tơdrong arih, choh jang mir roh, hơnăp jang đơ̆ng unh hnam păng tơpôl… đei chĕp vei kơjăp jing dôm tơdrong juăt tôch hơiă. Kiơ̆ đơ̆ng truh hăm pơlei pơla, tơmoi đơ̆ng teh đak đe roi hlôh vao păng hơiă hăm tơdrong juăt, jŏh ayŏ kơ dŏ xoang đơ̆ng bơngai Rađe, vang tơgop tơguăt pơlei pơla Đắk Lắk hăm apŭng plenh teh.

VOV.Bahnar - Miền Trung – Tây Nguyên ‘noh groi tĕh ƀĕnh ƀang to kial, mă lei jei chiu pŭ ưh kơ tŏ sĕt đơ̆ng ‘mi kial hơbŭt hơbông, đak lip, teh tơdrŭt hơlih, phang pơđang kơtang. Rim pơyan ‘mi kial hơbŭt hơbông găn hloh, kon pơlei tơ̆ ou măh kơrŭn đĭ ai tang găn hăm dôm tơdrong hiong răm, hli hlơt, hơmơt tơt. Lơ̆m dôm jơ ‘năr mơmat tat ‘noh, kang ƀô̆, ƀô̆ đô̆i Quân khu 5 ling lang ƀôh kang bang kơ̆l tơtom, tơklep kơjăp hăm kon pơlei. Ưh kơ mơ̆ng bri ‘mi pru pơdach, ‘mi hngach pơdăr, kial tơhlu kơtang, đak jroh jăng, hơmơt tơt đơ̆ng teh kông tơdrŭt hơlih, rim đe ‘nhŏng ưh kơ ‘nhoen, ưh kơ hli mơmat tat, hli hlơt, sơ̆k kơdŭ tơ̆ ‘mi kial hơbŭt hơbông vă dŏng kon pơlei, năm tơchă dôm bơngai răk teh kơtĭt, tơgum ăn kon pơlei yak hloh tơdrong răm.

VOV.Bahnar - Đơ̆ng rŏng 1 khei tơlĕch Tơdrong jang Quang Trung man tơgŭm hnam oei ăn kon pơlei tơ̆ tơring đak lơ̆p, Đắk Lắk oei hơtŏk hrĕnh tơdrong jang, khŏm jang đang mă hrôih.

​VOV.Bahnar - Dôm năr ‘nâu, tơ̆ jơ̆p tơring hiong răm lơ đơ̆ng ‘mi tih đak lơ̆p tơ̆ tơring Tŏk bŏk - Tây Nguyên, "Tơdrong jang Quang Trung" oei pơgơ̆r tôch hrĕnh, man, pơm hơmet dơ̆ng hnam vă kon pơlei tom sơng sơnăm ‘nao lơ̆m hnam ‘nao. Lơ hnam đei man đơ̆ng tơdrong jang ‘nâu ưh lăp tơƀôh đon adrin chinh trĭ tôch pơneh đĕch mă oei tơƀôh hơdăh đon băt tơchĕng hơtăih, tơlĕch đei lơ tơdrong hơgăt ‘lơ̆ng găh ki thuơ̆t vă tơgŭm ăn kon pơlei gơ̆h oei xa đunh đai tơ̆ dôm tơring hơnơ̆ng đei ‘mi kial, đak lơ̆p. ‘Nâu ưh lăp tơdrong adrin hơmet pơ ‘lơ̆ng anih jang hnam oei đĕch mă hlôi jing 1 tơdrong jang vă pơjing đon lui ăn kon pơlei dơ̆ng.

VOV.Bahnar - Kơsơ̆ 28/12, tơ̆ xăh Sơn Hòa, dêh char Đắk Lắk, Quân đoàn 34 (Anih tơm vei lăng khŭl lĭnh) pơgơ̆r lêh pơjao 5 tŏ hnam asong ăn kơ dôm ŭnh hnam kon pơlei đei păk pơchăh pơđĭ yua đơ̆ng ‘mi tih đak lơ̆p.