‘Nou jĭ tơdrong pơgơ̆r tôch gĭt kăl chinh trĭ, tơbăt hơdăh jơhngơm đon ƀlŏk hơdơ̆r đơ̆ng Đảng, teh đak păng Kuô̆k hô̆i hăm rim yă Mĕ Việt am nuih mơng, Ƀô̆ đô̆i nuih mơng păng dôm bơngai đei iŏk yoa ăn kĕch mang; adoi tơgop pơtho tơbăt tơdrong joăt joe ‘mêm kơ eng teh đak, jơhngơ̆m đon ƀlŏk hơdơ̆r hôn bơnê păng hơnăp jang đơ̆ng rim jơhnơr hrei ou hăm tơdrong jang tơ iung pơjing păng vei lăng Teh đak. Ƀlŏk hơdơ̆r kăl tơƀôh hơdăh hăm dôm tơdrong iung jang hơnơ̆ng, hăm tơdrong vei lăng năng tông tơnăp păng hăm dôm trong jang tơgŭm djru hơdăh, tơpă. Hăm hơnăp jang đơ̆ng kơdih, Kuô̆k hô̆i ling lang ‘măn ăn tơdrong lăng ba gĭt kăl hloh hăm dôm bơngai đei iŏk yoa ăn teh đak. Jơ ‘năr ou, Kơ iĕng Kơdră chĕp pơgơ̆r Kuô̆k hô̆i Nguyễn Thị Thanh hăm Viện nghiên cứu Văn hóa và Dân sinh hlôi pôk ăn dôm tơmam drăm hmach bơnê ăn rim yă Mĕ Việt Nam nuih mơng, Ƀô̆ đô̆i nuih mơng păng kon pơlei đei iŏk yoa ăn teh đak.