Đơ̆ng rŏng vă jê̆ 60 sơnăm ƀŭ tơ̆ kơdrăn tơblăh, kơting ƀô̆ đô̆i lôch dŏng teh đak hlôi chơ ƀŭ tơ̆ Pơsat Ƀô̆ đô̆i lôch dŏng teh đak Ninh Thuận, tơring Xuân Hải vă pơdong groong ƀŭ kiơ̆ trong pơgơ̆r khul ƀô̆ đô̆i. Ƀô̆ đô̆i lôch dŏng teh đak Ka Tơr Tiên rơneh sơnăm 1949, sơ̆ ‘noh jang Tiểu đội phó Khul ƀô̆ đô̆i apŭng Anh Dũng, lôch răm lơ̆m năr 17/3/1967 lơ̆m ‘măng iung tơblăh Mi dŏng teh đak păng đei pơdong groong ƀŭ ‘măng mă blŭng tơ̆ thôn Tà Nôi. Tơdrong tơchă ƀôh păng kôch akŏm kơting ƀô̆ đô̆i lôch dŏng teh đak Ka Tơr Tiên đơ̆ng rŏng vă jê̆ 60 sơnăm hlôi trŏ lăp hăm tơdrong hơpơi ‘meh vă đơ̆ng ŭnh hnan păng tơgop jang jơnei ‘măng iung jang “500 măng năr năm tơchă bôl boăl” kơ yuơ Khul ƀô̆ đô̆i dêh char Khánh Hòa tơlĕch jang.