Rim bơngai tang măt akŏm lơ̆m minh năr vă pơma đam tơ̆ khul gah tơdrong chih akŏm luơ̆t, tơchơ̆t kăp gĭt păng kăl hloh. Ah pơgê, rim bơngai tang măt pơma đam tơ̆ khul gah 3 tơdrong chih akŏm Luơ̆t 'noh: Luơ̆t Tang găn păng tơjră iŏk yua phao kơtuang pơlôch rŭng; Chih hơmet minh ƀar tơdrong kơ 9 luơ̆t gah khŭl linh, vei sơđơ̆ng teh đak; Luơ̆t Pơtho pơhrăm gah khôi luơ̆t (chih hơmet).

Ah kơsơ̆, rim bơngai tang măt pơma đam tơ̆ khul gah Chih akŏm Luơ̆t Đak dou yuh soh (chih hơmet) păng Chih hơmet minh ƀar tơdrong gah Luơ̆t Sơnong jang păng chĭl 'mong kơ teh đak. Adoi lơ̆m kơsơ̆ 'năr brei, rim bơngai tang măt akŏm pơma đam, tơgop nơ̆r gah Chih akŏm tơdrong Tơchơ̆t kơ Kuô̆k hô̆i tơchơ̆t tơgŭm kăp gĭt că sek tơlang tơdrong pơm glăi luơ̆t jang mŭk drăm kơ teh đak, mŭk drăm tơ-'ngla pơm tơm păng iŏk yua khua hŏk, kơmăi kơmŏk 'nao, tơplih tơchăr hơgei, tơplih kơmăi kơsô̆.