Khul năm tơchă, kôch akŏm đei kang ƀô̆ Hơnih Ƀô̆ đô̆i tơring Đặng Thùy Trâm, Đại đội Công binh 1 găh Ƀô̆ đô̆i dêh char Quảng Ngãi atŭm hăm khul jang lơ̆m tơring hăm dôm bơngai ƀôh kang bang kơl hơnơ̆ng pơih să bro tơchă kơting ƀô̆ đô̆i lôch dŏng teh đak tơ̆ koeng Đồng Răm, thôn Đồng Răm. Khul bơ̆ jang năm tơchă pơih să păng ƀôh 3 kơl ƀô̆ đô̆i lôch dŏng teh đak atŭm hăm mĭnh ƀar tơmam drăm nhen hơnhŭn, ƀlak ao păng tơlei ao tơnŏ hlôi đĭ bŭk. Pơđĭ 3 kơl ƀô̆ đô̆i lôch dŏng teh đak hăm tơmam drăm đei Hơnih jang vei lăng Oei sa joh ayŏ-Tơpôl tơring Đặng Thùy Trâm vei lăng năng tông. Lơ loh, truh dang ei, khul năm tơchă hlôi ƀôh, kôch akŏm đei 6 kơl ƀô̆ đô̆i lôch dŏng teh đak tơ̆ bro Hnam pơgang  tơring Đức Phổ, oei krao akhan hnam pơgang Bác Mười păng tŏk bŏk pơih să năm tơchă kơting ƀô̆ đô̆i lôch dŏng teh đak uơ oei.