Đơ̆ng rŏng kơ hơgrop, dêh char Đăk Lăk đei hloh 3,3 triu bơngai. Pơm kiơ̆ Tơchơ̆t kơsô̆ 72 đơ̆ng Hơnih tơm Chĭnh trĭ, Hơnih jang vei lăng kon pơlei dêh char Đăk Lăk hlôi asong 400 tih hlj vă tơlĕch khăm jĭ kiơ̆ tơchơ̆t ưh kơ iŏk jên ăn kon pơlei. Dang ei hlôi đei 2,08 triu bơngai truh khăm hơlen jơhngơ̆m jăn, đei jơnei hloh 67%.

Rim tơring đei kon pơlei truh khăm lơ hloh noh xah Sông Hinh, Tây Hòa, Ea Rốk... Vă đei jơnei ou, dêh char Đăk Lăk hlôi pơjing trong jang hơdah đơ̆ng dêh char truh tơ̆ thôn pơlei; hơnih jang pơgang hơmet jĭ jăn păng jơnŭm pơgơ̆r tơring atŭm hơdrin pơm jang. Dang ei Đăk Lăk tŏk bŏk oei asong lơ khul năm khăm tơ̆ dôm tơring hơtaih yaih, tơring tơnap tap, tơring sơlam, hơdrin keh đang tơdrong jang khăm jơhngơ̆m jăn ăn tôm kon pơlei lơ̆m sơnăm ou.