Jên tơgŭm âu gô tơgop vang pơm hơmet ming hnam ăn bơngai đei kŏng, chơ kơting linh lôch tang ăn teh đak, hơpăh tơmam ăn đe Mĕ Việt Nam nuih mơng, kơtum kơtŏng ‘nhŏng oh, unh hnam linh lôch tang ăn teh đak, tơgŭm set hơlen ADN hăm 1 kơsô̆ bơngai. Đĭ đăng kơsô̆ jên đei vei lăng rơđăh rơđong, tơlĕch trŏ tơdrong pơkăp.

Tơchĕng adrol đơ̆ng dang ei truh Têt Nguyên đán Đinh Mùi (2027), Khul tơgŭm ăn unh hnam linh lôch tang ăn teh đak Việt Nam vă tơlĕch dang 9 ti hlak jên ăn dôm tơdrong jang nhen: Pơm hơmet hnam oei ăn bơngai đei kŏng, tơgŭm jên chơ chuĕn kơting linh, set hơlen ADN păng năm ngôi, răt hơpăh tơmam ăn dôm unh hnam đei kŏng, kơtum kơtŏng ‘nhŏng oh linh lôch tang ăn teh đak, mĕ Việt Nam nuih mơng. Kơsô̆ jên oei đei dơ̆ng ‘nŏh vă hơmet ăn dôm tơdrong jang tơbăt 80 sơnăm Năr linh jĭ rơka – Linh lôch tang ăn teh đak lơ̆m sơnăm 2027.