VOV.Bahnar - ‘Năr brei (26/10), Bí thư Anih jang Đảng dêh char Đắk Lắk Lương Nguyễn Minh Triết chĕp kơ̆l khŭl bơ̆jang kơ dêh char truh hơlen lăng dôm tơdrong jang pơm hnam trưng hŏk teh đak rong ‘me tơ̆ dôm xăh sơlam, bơ̆jang hăm Kơđông lĭnh vei lăng tơring sơlam Ea H'leo păng Anih vei lăng kon pơlei xăh Ia Lốp.

VOV.Bahnar - Gieng ou ki, tơ̆ ‘Măng hop akŏm mă 10, Kuô̆k hô̆i jăl XV, rim kơdră tang hlôi pơma dơnuh dih băl Tơdrong vă pơjing Khôi luơ̆t hơmet ming, tơmơ̆t dơ̆ng mĭnh ƀar apăng kơ Khôi luơ̆t Pơtho pơhrăm; trong vă pơjing Khôi luơ̆t Pơtho pơhrăm đăi hŏk (hơmet ming) păng tơdrong vă pơjing Khôi luơ̆t Pơtho pơhrăm tơdrong jang (hơmet ming). Mĭnh lơ̆m dôm tơdrong mă kơdră tang măt Kuô̆k hô̆i lăng kơjăp păng jei tơƀôh hơdăh ƀlep hăm nơ̆r tơgop đơ̆ng bơngai tah hla, ‘noh tơdrong chih pơjing kơsơ̆p hla bơar hŏk pơhrăm jăl ƀar jăl pêng lơ̆m teh đak lei lăi dih băl vă sơđơ̆ng ăn tơdrong pơtho hŏk pơhrăm ‘lơ̆ng hơ iă.

VOV.Bahnar - Dôm sơnăm ou ki, gơnơm kon jên tŏk iŏk đơ̆ng Hơnih mong jên tơgŭm djru Tơpôl, lơ ŭnh hnam kon pơlei kon kông oei tơ̆ dêh char Gia Lai hlôi tơmơ̆t jên răt rong rơmo, pơbe, pơtăm chehphe, krô̆i hroi ...Gơnơm tơmơ̆t jên jang trŏ lăp, rim ŭnh hnam jang sa iŏk yoa kơjăp, sơđơ̆ng hơrih sa, tơdrong hơrih sa roi năr roi tŏk tơ iung. Lơ ŭnh hnam ưh khan lăp yak hloh dơnuh hin mă oei đei rơvơn ăn kon hơ ‘lơ̆p năm hŏk, ming man hnam ‘lơ̆ng liĕm, răt tơmam drăm pơyoa lơ̆m ŭnh hnam, roi năr roi pơm pơdrŏng lơ̆m groi teh pơlei pơla kơdih.

VOV.Bahnar - Lơ̆m dôm sơnăm tơblăh vang, đơ̆ng bri kông Ba Tơ kơdrơ̆ng, truh dôm tơring đak dơsĭ glơch glach tơ̆ tơring Tŏk bŏk, dôm khul yu kĭch mă blŭng Nam Trung Bộ hlôi iung tơblăh nuih mơng pran kơtang kơ yuơ tơdrong pơm tơm kơdih, rơngei hiôk hian. Đe sư ‘noh jĭ dôm hơdrĕch tơm, granh rơh kơtang, hơmet ăn ‘măng iung tơjră ƀĕnh ƀang mơmat tat hrat hrĭn mă lei tôch kơ hưch hanh hơmanh bơnê. Tơbăt 80 sơnbăm năr Joăt joe Khul ƀô̆ đô̆i Quân khu 5, jơhngơ̆m đon nuih mơng Ba Tơ tŏk bŏk đei kiơ̆ yok rok jơ̆ng kơjăp iăp kơtang.

VOV.Bahnar - Lơ sơnăm âu ki, dêh char Gia Lai tơlĕch jang 'lơ̆ng tơdrong tơgŭm pơtho păng sơng iŏk ƀak si kư tuyên năm jang, kăl loi 'nŏh sư pơ 'nhŏ ăn kon hơ 'lơ̆p bơngai kon kông tơ̆ tơring tơtăih tăih. Kơhrĕng 'nu ƀak si đơ̆ng rŏng kơ hŏk đang vih tơ̆ pơlei bơ̆ jang, tơgop pơm hơtŏk tơdrong 'lơ̆ng mưh khăm hơmet jĭ, vei lăng jơhngâm pran ăn kon pơlei. Tơdrong tơgŭm âu tŏk bŏk đei yoa 'lơ̆ng păng lăp hăm tơdrong jang pơgang tơ̆ tơring oei ưh đei bơngai jang rơgei păng anih jang 'lơ̆ng, mă loi 'nŏh đơ̆ng rŏng kơ tơmât hơdai.   

VOV.Bahnar - Khul tang măt Quốc hội dêh char Đắk Lắk ‘nao bơ̆ jang hăm Anih vei lăng kon pơlei 2 xăh Vụ Bổn păng M’Drắk găh bơ̆ jang kiơ̆ dôm tơdrong Tơchơ̆t đơ̆ng Quốc hội ƀơm truh tơdrong jang tơm kơ teh đak.

VOV.Bahnar - Pêng khei lăp đơ̆ng rŏng khul kơdră chĕp pơgơ̆r tơring 2 kâp mơ̆t jang, đơ̆ng groi kông truh tơ̆ tơring tơmăn, đơ̆ng tơring kơdrơ̆m tih truh tơ̆ tơring achon dơsĭ, hlôi đei tơplih hơ iă: Bơ̆ jang pơm hla bơar keh đang tĕnh koăng, kon pơlei lăp đon, kang ƀô̆ tơring bơ̆ jang tơnăp. Mă đơ̆ng oei đei lơ tơnap tap, tơdrong long kăl hơnơ̆ng hơmet pơ ‘lơ̆ng, mă lei jơnei ou hlôi hơmet pơ ‘lơ̆ng jơhngơ̆m đon lui yom păng tơgŭm djru đơ̆ng kon pơlei lơ̆m ‘măng hơmet ming vă khul kơdră chĕp pơgơ̆r tơpă tơjê̆ hăm kon pơlei, pơvih pơvăn ăn kon pơlei ‘lơ̆ng hơ iă hloh.

VOV.Bahnar – Khul kơdră chĕp kơ̆l Đảng ƀô̆ dêh char Khánh Hòa ‘nao drơ̆ng nơ̆r ăn Tơdrong tơchơ̆t găh Trong ạng atŏk tơiung pran kơjăp tơdriong pơtho pơhrăm truh sơnăm 2035, trong vă jang truh sơnăm 2045, vă pơjing hơyak tŏk pran lơ̆m tơdrong pơtho pơhrăm, hơnhăk Khánh Hòa jing anih pơtho pơhrăm, jang khoa hŏk păng kơmăy kơmŏk kơ teh đak.

VOV.Bahnar - Dôm tơmam xa đei ƀĕng trung thu, unh đeng sơnglŏng hơnhăk ba ăn đe hơioh Tây Nguyên păng Tơring găh Pơbăh kơ Tơring Tŏk bŏk ƀĕnh jơhngâm đon chơt hơiă ‘nă hal lơ̆m năr pơchơt khei pơnil.

VOV.Bahnar - Tơ̆ dêh char Gia Lai, Hơnih tơm Pơtrŭt choh jang sa Teh đak iung jang hơdoi hăm rim hơnih bơ̆ jang hlôi pơgơ̆r hop akom “Atŏk tơ iung bri ‘long tih đei hla bơar tơchơ̆t vei lăng kơjăp ‘lơ̆ng, trŏ lăp hăm pơkăp EUDR". ‘Măng pơgơ̆r ou đei rim Kơdră chĕp pơgơ̆r, bơngai jang chă tơchĕng hơlen, khul jang pơtrŭt choh jang sa păng kon pơlei choh jang sa tơring Nam Trung Bộ păng Tây Nguyên, vă tơchă trong hơnhăk tơmam drăm pơm tơlĕch đơ̆ng ‘long Việt Nam yak hloh tơdrong pơkoel kơhret đơ̆ng hơnih răt iŏk kơ châu Âu.