VOV.Bahnar - Lơ̆m dôm năr jơ̆p lơ̆m teh đak lăng găhj tơbăt 79 sơnăm Năr Linh jĭ rơka - Linh lôch tang ăn teh đak, tơ̆ Đắk Lắk, dôm pơbŭng hnam ‘nao hlôi tơtom pơm đang ‘măn ăn kơ kon rơneh đơ̆ng bơngai bơ̆jang tơblăh sơ̆ đei ƀơm pơnhŭl pơgang điôxin. Rim tŏ hnam ‘noh jĭ tơmam ƀlŏk hơdơ̆r ƀĕnh tơdrong ‘mêm, tơgop sut ƀiơ̆ dôm tơdrong ơh sơ ‘ngon hiong răm yua đơ̆ng tơblăh vang sơ̆ păng tưk tơiung dơ̆ng đon lui vă dôm ŭnh hnam kơjăp yak dơ̆ng lơ̆m tơdrong hơrih sa.

VOV.Bahnar – Tơdrong tơblah hlôi đĭ đunh, mă lei dôm tơdrong hiong răm adoi oei đei lơ̆m tơdrong hơrih kơ lơ unh hnam tơgŭm jơhngơ̆m ăn kăch mạng tơ̆ Gia Lai. Pơm kiơ̆ tơchơ̆t jang đơ̆ng Jơnŭm pơgơ̆r teh đak gah sut lê̆ hnam pơgia, hnam hyay hyok ăn kon hơ-ioh bơngai vang iung tơblah sơ̆ mă ƀơm pơgang pơnhŭl huă hŏk, dôm năr ou, đe kang ƀô̆, khul linh oei atŭm jơhngơ̆m keh đang lơ bơbŭng hnam 'mêm kơ-eng, tơgop pôk bơnê hăm dôm bơngai hlôi plang tơdrong hơrih po ăn tơdrong rơngei hiôk hian kơ teh đak.

VOV.Bahnar - Công an dêh char Lâm Đồng ‘nao jang hơdai hăm dôm anih jang đei ƀơm truh pơgơ̆r bơ̆jang chă iŏk hloh 1.500 kơmâu ADN kơ unh hnam linh lôch tang ăn teh đak vă pơjing kơsô̆ chih răk kơ teh đak pơyua ăn tơdrong hơlen lăng, chih tơbăt hơnăn kơting linh lôch tang ăn teh đak tam mă đei hơnăn.

VOV. Bahnar - Hloh 300 ‘nu bơngai gĭt kăl tang măt ăn kơ triu ƀô̆ đô̆i rơka, ƀô̆ đô̆i jĭ jăn, ŭnh hnam ƀô̆ đô̆i lôch dŏng teh đak păng bơngai đei iŏk yoa ăn teh đak lơ̆m teh đak vang năm hop akom.

VOV.Bahnar - Ƀlep lơ̆m năr tơbăt 79 sơnăm Năr Bơngai rơka-Lôch dŏng teh đak (27/7), Hơnih vei lăng kon pơlei dêh char Đắk Lắk hlôi pơgơ̆r ăn lơ khul năm ngôi păng pôk tơmam drăm ăn rim bơngai đei iŏk yoa ăn teh đak hơrih sa lơ̆m dêh char.

VOV.Bahnar - ‘Măng âu, dêh char Đắk Lắk hlôi tơlĕch jang tơdrong jang tơgŭm man dơ̆ng 300 tŏ hnam Tơgoăt tơgoăl ăn kơ unh hnam dơnuh hin, vă jê̆ dơnuh hin.

VOV.Bahnar - Bơ̆jang kiơ̆ Tơdrong tơchơ̆t kơsô̆ 1719 đơ̆ng Thủ tướng Teh đak găh Tơdrong jang tơm kơ teh đak hơtŏk tơiung mŭk drăm - tơpôl tơring bơngai kon kông păng groi kông jăl jang 2021–2030, dêh char Lâm Đồng hlôi akŏm dăr hơlen, băt hơdăh ‘meh vă tơmơ̆t jên jang dôm tơdrong jang kăl lơ̆m sơnăm ‘nâu vă hơtŏk ‘lơ̆ng tơdrong hơrih sa kon pơlei tơring bơngai kon kông păng groi kông.

VOV.Bahnar – Tơ̆ ‘mămh apinh jet ‘Măng hop akom mă 2 Jơnum vei lăng kon pơlei dêh char Đắk Lắk jăl X akŏm lơ̆m lơ tơdrong “kăl”, lơ̆m ou mă kăl ‘noh trong iung jang hơmet pơ ‘lơ̆ng tơmơ̆t jên jang, mơdro sa, tơgŭm djru hơnih mơdro sa hơmet pơ ‘lơ̆ng pang pơjing hơyak tŏk kơtang.

VOV.Bahnar - Dôm tơdrong jang ưh đei lăng kiơ̆ jang lơ dăh tŏ sĕt, ưh đei lăng kiơ̆ khei ‘năr athei jang đang, mă đei jô̆ kiơ̆ jơhngâm đon ‘mêm băt hăm dôm bơngai lôch tang yoa teh đak. Bơ̆jang tơdrong jang 500 măng năr adrin sir chă, pôi akŏm păng chih hơdăh hơnăn đe linh lôch tang ăn teh đak, ‘măng mă blŭng lơ kăn ƀô̆ jang pơgang, linh, dân quân păng kăn ƀô̆ tơring tơ̆ tơring lơ̆m dêh char Gia Lai vang bơ̆ jang tơdrong jang tôch gĭt kăl: iŏk kơmẫu ADN đơ̆ng kơting linh lôch tang ăn teh đak. Đơ̆ng dôm jơ pơnĭt oei ưh tam mă băt blŭng a, đe sư kŭm hăm băl tơgop jơhngâm vă chă dơ̆ng hơnăn ăn đe linh lôch tang ăn teh đak, dôm bơngai hlôi hŭt hơkâu yoa tơdrong rơngei hiôk hian kơ hơdrĕch hơdrung.

VOV.Bahnar - Lăp pă tim mă truh mĭnh khei vă keh đang păng pơjao pêng hnam trương teh đak rong ‘me tơ̆ rim tơring sơlam teh đak Ia R'vê, Ia Lốp hăm Buôn Đôn, dêh char Đắk Lắk. Tơ̆ rim hơnih ming man, kơhrĕng kih sư, kŏng nhân atŭm hăm khul ƀô̆ đô̆i tŏk bŏk iung jang ming an hơnơ̆ng, hơdrin keh đang hơdrol năr 31/7, pơjing rơvơn vă hơnih pơtho pơhrăm pơlăp tơmam drăm kmăi kmŏk, sơng hơvơn hloh 3.000 ‘nu hŏk tro yak mơ̆t hŏk pơhrăm sơnăm hŏk 2026-2027.