VOV.Bahnar – Lơ̆m lơ sơnăm kơ ou, tơ̆ dêh char Gia Lai, atŭm hăm sơnong jang kơchăng tơjră kơnê̆ păng hơtŏk mŭk drăm, rim khul linh hlôi tơlĕch lơ trong jang pơrô̆ pơrôp rơgei, vang glơng rim tơdrong tơnap tap, tơgŭm kon pơlei sơđơ̆ng tơdrong jang hơrih xa, vă hơtŏk 'lơ̆ng tơdrong hơrih. Tơdrong mă ou adoi răk 'măn lơ tơdrong 'lơ̆ng, kơhret kơjăp đon bơnôh khul linh păng kon pơlei tơ̆ tơring.

VOV.Bahnar - Kơsơ̆ 11/11, tơ̆ Pơsat linh lôch tang ăn teh đak tơ̆ Chư Prông, Anih vei lăng kon pơlei dêh char Gia Lai pơm lêh hơpong, pơdong păng ƀŭ hơmet 18 kơ̆l linh lôch tang ăn teh đak, lôch tang lơ̆m khei ‘năr tơblăh Mi sơ̆.

VOV.Bahnar - Tơ̆ ‘Măng hop akom mă 10, Kuô̆k hô̆i jăl XV, Kuô̆k hô̆i pơma dơnuh tơ̆ Khul găh Trong vă pơjing Khôi luơ̆t hơmet ming, tơmơ̆t dơ̆ng mĭnh ƀar apăng kơ 15 khôi luơ̆t lơ̆m tơdrong choh jang sa păng cham char. Mĭnh lơ̆m dôm tơdrong đei lơ kơdră tang măt lăng kơjăp ‘noh pơjao kơtang ăn tơring lơ̆m vei lăng rong kon tơrong, jang pơgang vei lăng kon tơrong păng choh jang sa, vă jang ‘lơ̆ng lơ̆m iung jang, chĕp pơgơ̆r, pơjao hloi hơnăp jang kơ khul kơdră chĕp pơgơ̆r tơring, adoi hơmet pơ ‘lơ̆ng dôm tơdrong “tơhlăk tơhlĭn” đơ̆ng tơlĕch jang kiơ̆ khei năr ou ki.

VOV.Bahnar - Công an dêh char Gia Lai oei hơtŏk tơdrong pơtho, thi, ƀơk ƀăng gre A1 ưh đei nôp jên hŏk ăn kon pơlei kon kông đei tơdrong arih xa pơmat tat, kon pơlei tơ̆ tơring hơtăih yăih, tơring sơlam kơ dêh char. Tơdrong ‘nâu vă hơtŏk đon hlôh vao ăn kon pơlei, vang găn ƀiơ̆ tơdrong pơ̆k gre tơ̆ tơring kon kông.

VOV.Bahnar - Jang kiơ̆ trong jang khul kơdră chep pơgơ̆r tơring ƀar kâp, Kơdră chĕp pơgơ̆r Kuô̆k hô̆i Trần Thanh Mẫn akhan, lơ̆m khei ‘năr oei lơ mơmat tat, rim tơring kăl kơrŭn đĭ ai iung jang kiơ̆ tơplih kơsô̆, jang kiơ̆ khoa hŏk kmăi kmŏk, vă bơngai tŏ sĕt, mă lei tơdrong jang keh đang koăng.

VOV.Bahnar - Tơ̆ ‘măng hop akŏm mă 4, Jơnŭm vei lăng kon pơlei dêh char Gia Lai jăl XII năr 27/10, Jơnŭm vei lăng kon pơlei dêh char Gia Lai hlôi pơdrơ̆ng kiơ̆ Tơdrong tơchơ̆t sơkơ̆t hơdăh trong tơgŭm djru sơđơ̆ng hơrih sa hăm kon pơlei rôp ka hơdang đei duk ưh kơ đei tôm rơvơn gơh năm rôp ka hơdang.

VOV.Bahnar – Bơ̆ jang kiơ̆ trong jang đơ̆ng Đảng păng teh đak găh atŏk tơiung pơtho pơhrăm tơ̆ tơring sơlam, dêh char Lâm Đồng oei hơmet pơkĕh rim tơdrong vă man 2 lơ̆m 5 tŏ hnam trưng lơ̆m sơnăm 2025 ‘nâu.

VOV.Bahnar - ‘Năr brei (26/10), Bí thư Anih jang Đảng dêh char Đắk Lắk Lương Nguyễn Minh Triết chĕp kơ̆l khŭl bơ̆jang kơ dêh char truh hơlen lăng dôm tơdrong jang pơm hnam trưng hŏk teh đak rong ‘me tơ̆ dôm xăh sơlam, bơ̆jang hăm Kơđông lĭnh vei lăng tơring sơlam Ea H'leo păng Anih vei lăng kon pơlei xăh Ia Lốp.

VOV.Bahnar - Gieng ou ki, tơ̆ ‘Măng hop akŏm mă 10, Kuô̆k hô̆i jăl XV, rim kơdră tang hlôi pơma dơnuh dih băl Tơdrong vă pơjing Khôi luơ̆t hơmet ming, tơmơ̆t dơ̆ng mĭnh ƀar apăng kơ Khôi luơ̆t Pơtho pơhrăm; trong vă pơjing Khôi luơ̆t Pơtho pơhrăm đăi hŏk (hơmet ming) păng tơdrong vă pơjing Khôi luơ̆t Pơtho pơhrăm tơdrong jang (hơmet ming). Mĭnh lơ̆m dôm tơdrong mă kơdră tang măt Kuô̆k hô̆i lăng kơjăp păng jei tơƀôh hơdăh ƀlep hăm nơ̆r tơgop đơ̆ng bơngai tah hla, ‘noh tơdrong chih pơjing kơsơ̆p hla bơar hŏk pơhrăm jăl ƀar jăl pêng lơ̆m teh đak lei lăi dih băl vă sơđơ̆ng ăn tơdrong pơtho hŏk pơhrăm ‘lơ̆ng hơ iă.

VOV.Bahnar - Dôm sơnăm ou ki, gơnơm kon jên tŏk iŏk đơ̆ng Hơnih mong jên tơgŭm djru Tơpôl, lơ ŭnh hnam kon pơlei kon kông oei tơ̆ dêh char Gia Lai hlôi tơmơ̆t jên răt rong rơmo, pơbe, pơtăm chehphe, krô̆i hroi ...Gơnơm tơmơ̆t jên jang trŏ lăp, rim ŭnh hnam jang sa iŏk yoa kơjăp, sơđơ̆ng hơrih sa, tơdrong hơrih sa roi năr roi tŏk tơ iung. Lơ ŭnh hnam ưh khan lăp yak hloh dơnuh hin mă oei đei rơvơn ăn kon hơ ‘lơ̆p năm hŏk, ming man hnam ‘lơ̆ng liĕm, răt tơmam drăm pơyoa lơ̆m ŭnh hnam, roi năr roi pơm pơdrŏng lơ̆m groi teh pơlei pơla kơdih.