VOV.Bahnar - Khŭl tang măt Quốc hội dêh char Đắk Lắk ‘nao pơgơ̆r tơdrong jang năm ngôi, chă lăng tơ̆ 1,2 tơring kăn kư̆ kach mang lơ̆m dêh char.

VOV.Bahnar - Kơsơ̆ 23/7, ƀlep ƀơ̆t tơbăt 78 sơnăm Năr Lĭnh jĭ rơka - Lĭnh lôch tang ăn teh đak, Phŏ Thủ tướng Trần Hồng Hà hlôi năm ngôi, asong tơmam ăn đe Mĕ Việt Nam nuih mơng, ŭnh hnam lĭnh lôch tang ăn teh đak, lĭnh jĭ rơka, jĭ jăn tơ̆ dêh char Đồng Nai.

VOV.Bahnar – Tơdrong Tơchơ̆t jang kơ teh đak gah hơtŏk mŭk drăm tơpôl tơring kon kông păng groi kông jăl sơnăm 2021-2025, hăm Tơdrong jang 8 kơyuơ Jơnŭm jang Drăkăn Việt Nam pơgơ̆r, hlôi pơyua kăp gĭt. Thoi noh tơ̆ yơ ƀai hŏk hlôh vao kăp gĭt đơ̆ng jăl blŭng păng trong pơm jang pơtoi kơ noh gô đei tơlĕch jang thoi yơ vă pơtoi hơtŏk hơtŏ hơnơ̆ng, sek tơlang dôm tơdrong đei ƀôh lơ̆m tơpôl, păng ưh đei prơih lê̆ bơngai ayơ tơ̆ rŏng? Tơdrong pơma dơnuh hăm yă Nguyễn Thị Minh Hương, Phŏ Kơdră Jơnŭm jang Drăkăn Việt Nam tơroi hơdah tơdrong ou:

VOV.Bahnar - Lơ̆m tơdrong atŏk kơtang ‘măng iung jang gơ̆h hơgei Kmăi kmŏk 4.0, pơm lơ liơ vă dôm tơdrong gĭt kăl oei sa joh ayŏ joăt joe sơ̆ ki hăm jơhngơ̆m đon gơ̆h hơgei hoei hiơt hiong? Pơm lơ liơ vă dôm tơdrong ou đei mơ̆t hơdoi hăm kmăi kmŏk gơ̆h hơgei, pơjing đei jơhngơ̆m pran ăn tơdrong jang mŭk drăm tơring kon kông păng groi kông? Nơ̆r tơl hơdăh lơ̆m găh tơdrong pơjing đei trong hlôh vapo jang mŭk drăm kơsô̆ ăn drŏ kăn kon kông.

VOV.Bahnar - Pơgê năr 22/7, ƀlep lơ̆m tơbăt 78 sơnăm Năr Ƀô̆ đô̆i rơka-Lôch dŏng teh đak (27/7), Kơ iĕng Kơdră chĕp pơgơ̆r Kuô̆k hô̆i Nguyễn Thị Thanh atŭm hăm khul bơ̆ jang hlôi năm ngôi păng pôk tơmam drăm ăn rim ŭnh hnam đei iŏk yoa ăn teh đak tơ̆ Đà Lạt, dêh char Lâm Đồng.

VOV.Bahnar - ‘Măng hop akom mă 9, Khul kơdră tang măt Kuô̆k hô̆i rim dêh char Dak Lăk hăm Lâm Đồng hlôi pơgơ̆r tơƀơ̆p pơma dơnuh hăm bơngai tăh hla kiơ̆ trong kơtă păng trư̆k tuyên. Bơngai tăh hla hơmŏ khul kơdră ‘nao hrôih đei trong atŏk tơ iung ‘nao, trŏ lăp hăm tơdrong mơ̆t lĕch dih băl lơ̆m tơdrong oie sa tơ̆ tơring đak dơsĭ păng tơring bri. Adoi athei akŏm lơ̆m tơdrong pơjao gơ̆h bơ̆ jang lơ̆m khul kơdră chĕp pơgơ̆r tơring ƀar kâp, tơmơ̆t jên jang trong hnam tơring kon kông.

VOV.Bahnar - Lơ̆m tơdrong jang tơm kơ teh đak atŏk tơiung mŭk drăm, tơpôl tơ̆ tơring kon kông păng groi kông đei tơdrong jang "Pơm hơtŏ băl kơplăh drŏ kăn hăm drŏ nglo păng sek tơlang dôm tơdrong kăl hăm đe drŏ kăn păng hơioh" (krao kơđeh ‘nŏh tơdrong jang 8). Dôm sơnăm âu ki, tơdrong jang âu tŏk bŏk tơmât hơdai hăm dôm tơdrong jang nai. Kiơ̆ đơ̆ng tơchĕng hơlen tơ̆ yăn âu, dôm bơngai jang khoa hŏk đei nơ̆r athei ăn đunh đai ning mônh kơnh ‘nŏh, tơdrong pơm hơtŏ băl kơplăh drŏ nglo păng drŏ kăn kăl đei pơ’nhŏ jên tơmât jang hơdrô̆.

VOV.Bahnar -  Tơ̆ apŭng Thuận Châu (so), dang ei ‘noh rim tơring Thuận Châu; Chiềng La; Nậm Lầu; Muổi Nọi; Mường Khiêng; Co Mạ; Bình Thuận; Mường É hăm Long Hẹ kơ dêh char Sơn La hăm hloh 90% măt bơngai kon pơlei kon kông, tơdrong pơm mĕ kơ bơngai drŏ kăn hlôi tơjră muh măt hăm lơ tơdrong long. Gơnơm tơdrong vă jang 8 găh Tơdrong jang Tơm Teh đak, rơbou trong yak pơm mĕ tơ̆ tơring groi kông ou hlôi jing sơđơ̆ng dơ̆ng kơjăp hloh.

VOV.Bahnar – Hô̆i đŏng kon pơlei dêh char Lâm Đồng 'nao hơlen Tơchơ̆t asong jê̆ 300 tih hlj pơm kiơ̆ Tơdrong tơchơ̆t jang kơ teh đak gah hơtŏk mŭk drăm – tơpôl tơring kon pơlei kon kông păng groi kông sơnăm 2025.

VOV4.Bahnar - Ƀlep ƀât tơbăt 78 sơnăm Năr Linh jĭ rơka – Linh lôch tang teh đak (27/7), kơsơ̆ 15/7, Tổng Bí thư Tô Lâm năm ngôi, hơpăh tơmam ăn đe linh jĭ rơka, linh jĭ jăn păng bơngai đei kŏng tơ̆ Anih vei rong linh jĭ rơka Thuận Thành (Bắc Ninh).