Kiơ̆ trong tơlĕch jang, Khánh Hòa tơchă, sir iŏk akŏm dang 150 kơting lĭnh lôch tang ăn teh đak; hơlen lăng băt hơdăh 168 hơnih tơchă hăm 946 kơtơ̆ng ang găh pơsat lĭnh lôch tang ăn teh đak păng iŏk tơmam pơm hơlen lăng ADN hăm 2.234 kơting lĭnh lôch tang ăn teh đak tam mă băt hơdăh đei hơnăn.

Vă hơmet ăn tơdrong tơlĕch jang hrơ̆ch lơ̆m dêh char, khei ‘năr âu ki, dôm anih jang hlôi bơ̆jang pơlong lăng tơdrong jang sir iŏk, iŏk tơmam hơlen lăng ADN tơ̆ Pơsat ƀŭ lĭnh lôch tang ăn teh đak ưh khan lăp tơgop pơm dă ƀiơ̆ ơh sơ ‘ngon đơ̆ng ŭnh hnam lĭnh lôch tang ăn teh đak mă oei tơƀôh jơhngơ̆m đon “Nhă đak ƀlŏk kơ tu” đơ̆ng hơdrĕch hơdrŭng.