Ƀô̆ trương Nguyễn Đình Khang pơgơ̆r Lâm Đồng hơtŏk tenh tơdrong asong jên vă jang kiơ̆ Tơchơ̆t tơlĕch kơ teh đak
Thứ sáu, 10:12, 03/07/2026
Lan chih tơblơ̆
Lan chih tơblơ̆
VOV.Bahnar – Năr 2/7, tơ̆ Đà Lạt, Ƀô̆ trương Hơnih tơm Kon kông păng Lui khop Nguyễn Đình Khang pơm jang hăm Hơnih jang vei lăng kon pơlei dêh char Lâm Đồng gah tơdrong jang đei jơnei kiơ̆ Tơchơ̆t jang kơ teh đak gah hơtŏk mŭk drăm – tơpôl tơ̆ tơring kon pơlei kon kông păng groi kông.
Đơ̆ng rŏng 5 sơnăm tơlĕch, dêh char hlôi tơjur đei pơhlom 50.000 unh hnam hin dơnuh, đei yua hăm rim bơngai kon kông pơm jang đei đơ̆ng 45–47 triu hlj hăm minh 'nu lơ̆m minh sơnăm. Truh hơtuch khei 5/2026, tơring asong jên jang hloh 827 tih hlj, atŭm hăm noh tơplih hloh 318 tih hlj ăn sơnăm 2026 vă pơtoi pơm jang.
Ƀô̆ trương Nguyễn Đình Khang pơgơ̆r hăm dêh char Lâm Đồng akŏm pơklaih tơhlak tơhlĭn lơ̆m tơdrong asong jên jang, hơtŏk kơtang tơdrong pơkăp asong jang ăn dôm tơdrong asong đak sŏ nhă, unh hơyuh, păng tơgŭm hnam oei ăn unh hnam tơnap tap, tơgop tơjur hin dơnuh kơjăp sơđơ̆ng ăn tơring kon pơlei kon kông.
Viết bình luận