6 khei blŭng sơnăm, mŭk drăm-tơpôl dêh char Gia Lai vei kơjăp tŏk hơ iă. Thuê̆ ăn hơnih mong jên bơ̆ jang teh đak đei hloh 16.500 ti hlak jên, tŏk hloh 20% pơtêng hăm dôm khei ou lơ̆m sơnăm sơ̆. Lơ̆m dêh char hơvơn đei 165 tơdrong vă jang tơmơ̆t jên jang ‘nao hăm akŏp kon jên apĭnh tơmơ̆t jang vă jê̆ 165.000 ti hlak jên. Rim tơdrong jang oei sa joh ayŏ, pơtho pơhrăm, jang pơgang, tơplih kơsô̆, hơmet ming tơdrong bơ̆ jang, tơdrong hơrih sa tơpôl hơnơ̆ng đei lăng ba kơjăp; vei lăng sơđơ̆ng teh đak, sơđơ̆ng dơ̆ng kơjăp tơring đei vei kơjăp. Đei pơgơ̆r lơ̆m 2 năr, ‘măng hop akŏm Jơnŭm vei lăng kon pơlei dêh char Gia Lai gô lăng hơlen 51 tơdrong, lơ̆m ou đei lơ tơdrong tơchơ̆t gĭt kăl găh kon jên hu-kon jên bơ̆ jang, tơmơ̆t jên jang đơ̆ng teh đak, trong pơprŏ jang, vei lăng groi teh, tơplih iŏk yoa bri, rim tơdrong jang tơm teh đak păng mă kăl ‘noh hơmet ming Trong pơprŏ vă jang dêh char Gia Lai jăl jang 2021-2030, lăng truh sơnăm 2050.