Hnam trưng Văn hoă Kŏng ang kon pơlei 2 jĭ hnam trưng hŏk oei hơdai teh đak rong 'me đơ̆ng jăl kơđeh truh jăl trung hŏk phôh thŏng, kơyuơ Kŏng ang dêh char Đăk Lăk vei lăng. Bơngai gơh mơ̆t hŏk noh kon hơ-ioh linh jĭ rơka, linh lôch tang ăn teh đak; kon hơ-ioh lơ̆m unh hnam teh đak tơchơ̆t tơgŭm, đe hơ-ioh kon kông đei tơdrong hơrih tơnap tap; hơ-ioh xa tơgŭm rim khei đơ̆ng tơpôl păng minh ƀar bơngai oei lơ̆m tơchơ̆t jang hơdoi apŭng plenh teh kơ Hơnih tơm Kŏng ang.

Sơnăm 2026-2027, Hnam trưng iŏk bơngai hŏk tơ̆ tơring kơ dôm dêh char Đăk Lăk, Gia Lai, Lâm Đồng păng Quảng Ngãi. Đơ̆ng sơnăm 2027-2028, pơih să iŏk bơngai hŏk lơ̆m jơ̆p teh đak. Đơ̆ng jăl sơnăm 2026-2030, Hnam trưng gô pơtho pơhlom 1.500 hŏk tro 3 jăl hŏk. Đe hŏk tro tơ̆ hnam trưng gô đei tơgŭm jên hŏk păng jên oei xa; atŭm hăm noh đei pơtho hŏk tôm tơdrong gah văn hoă, pơ-'lơ̆ng đon bơnôh, tơdrong hơrih xa, hlôh vao gah khôi luơ̆t păng sơnong tơnăp hăm tơpôl.