Iŏk đơ̆ng tơlĕch tơdrong jang truh ‘năr 30/6, lơ̆m dêh char Gia Lai hlôi iŏk đei 748 kơmâu kơting ƀô̆ đô̆i lôch tang ăn teh đak vă hơlen lăng ADN; kơsô̆ kơmâu gơh hơlen lăng iŏk đei dang 48%, tơchă, sir iŏk akŏm đei 10 kơting ƀô̆ đô̆i lôch tang ăn teh đak. Đại tá Phạm Văn Đạt, Kơ iĕng Kơdră chĕp pơgơ̆r Đảng Khul Bô̆ đô̆i dêh char Gia Lai tơbăt, rim khŭl ƀô̆ đô̆i vang jang tơdrong jang tŏk bŏk hơnơ̆ng hơdrin hơvơn rim kon jên, tơmam, bơngai jang vă jang đang tơdrong tơlĕch ăn, tơgop jăh hơlen lăng hơnăn dôm ƀô̆ ƀô̆i lôch tang ăn teh đak tam mă băt hơnăn, pơm lăp hăm răp gô đơ̆ng ŭnh hnam păng yak truh tơbăt 80 sơnăm Năr ƀô̆ đô̆i jĭ rơka - lôch tang ăn teh đak.