Tơdrong mă ou đei đơ̆ng ƀok Sô Hỗn, 96 sơnăm, sơ̆ jang tơroi tơbăt lơ̆m khei năr tơblah Mi tơroi. Kiơ̆ tơdrong mă ƀok hơdơ̆r, lơ linh jĭ rơka lôch hơchăng lơ̆m kơplah oei ming hơmet tơ̆ Hnam pơgang Trúc Bạch jăl sơnăm 1968-1969 hlôi đei ƀŭ tơ̆ tơring ou.

Vă năm truh tơring ƀŭ, khul chơ chă yak hloh 5km trong bri, lŏt đak glung, tŏk kông jê̆ 2 jơ. Đơ̆ng rŏng lơ jơ chơ chă, khul pơm jang hlôi ƀôh păng sir kôch đei 2 kơting linh lôch tang tam mă băt hơnăn măt, adoi oei lôm lơ̆m kơdŭng ƀŭ linh atŭm hăm minh ƀar tơmam drăm yua. 'Nou jĭ tơdrong đei yua đơ̆ng băt đei tơroi đơ̆ng dôm bơngai bơ̆ng pang tơroi ăn tơdrong chơ chă, sir kôch akŏm kơting linh lôch tang ăn teh đak.