Hơnih jang Pơgang hơmet jĭ jăn dêh char Đăk Lăk hlôi tơlĕch truh tôm Hơnih jang pơgang kơ 102 xah, phương pơm kiơ̆ pơkăp khăm jơhngơ̆m jăn, hơmet jĭ ăn kon pơlei. Lơ̆m noh, pơtơm hơdrol tơ̆ 4 xah, phương noh Tân An, Tuy Hòa, dôm xah Đồng Xuân păng Krông Bông; 98 xah, phương oei lăi noh gô pơtơm đơ̆ng năr 1/7 ou kơnh. Truh dang ei, jê̆ 500 kon pơlei hlôi đei khăm tôm kiơ̆ pơtho đơ̆ng Hơnih tơm Pơgang Hơmet jĭ jăn, păng tơdrong jang chă hơlen lăng adoi oei đei iŏk jang hăm kơ rơbou 'nu bơngai.

Dêh char Đăk Lăk đơ̆ng rŏng kơ hơgrop đei 3,34 triu măt kon pơlei. Jăl sơnăm 2026–2030, Đăk Lăk pơkăp asong 1.000 tih hlj 1 sơnăm vă chă khăm hơmet jĭ ăn kon pơlei. Gah sơnăm 2026, dêh char asong 400 tih hlj ăn 102 hnam pơgang xah, phương, hăm jên huach pơhlom 350 rơbou hlj hăm 1 'nu lơ̆m 1 'măng khăm. Lơ̆m 2 giĕng tơlĕch jang, gơnơm kơchăng hơmet tôm tơmam drăm, tôm bơngai jang, hơtŏk kơtang tơdrong tơroi tơbăt atŭm hăm tơdrong pơdrơ̆ng, pơm kiơ̆ tơnăp đơ̆ng kon pơlei, tơdrong pơm kiơ̆ Tơchơ̆t mă blŭng đei jơnei hơ-iă, pơm trong 'lơ̆ng ăn tơdrong pơtơm jang lơ̆m jơ̆p dêh char lơ̆m khei năr truh.