Đơ̆ng rŏng 1 khei tơlĕch jang tơm, tôm tơdrong jang kơ Jơnŭm hlôi hơvơn đei jê̆ 762 tih hlj, đei 152% tơchơ̆t tơlĕch, tơgŭm ăn jê̆  579 rơbou bơngai đei tơdrong hơrih tơnap tap, bơngai kue kêp lơ̆m jơ̆p teh đak. Đơ̆ng Lêh pơtơm kơ teh đak tơ̆ Hà Nội, tơpang ti 'mêm kơ-eng hlôi lơlan să jơ̆p jang ah mă tơroi kơtă atŭm hăm trư̆k tuyê̆n truh hloh 3.000 hơnih pơdah gah tơdrong tơlĕch jang “Tơpôl 'mêm bơnat – Tơroh 'mêm kơ-eng” tơ̆ Tuyên Quang, Nghệ An, An Giang.

Tơdrong jang “Tơpôl 'mêm bơnat – Tơroh 'mêm kơ-eng” tơ̆ 3 dêh char tơm đei pơm jang hăm kơjă hloh 4,4 tih hlj, akŏm man hnam 'Long pơglang brê, tơgŭm ăn hŏk tro păng unh hnam hin dơnuh. Atŭm hăm noh, 1.750 tơpu tơmam đei kơjă 3,5 tih hlj adoi kơchăng năm hơpeh hơpong asong ăn kon pơlei ƀơm tŏ 'mi kial pơrăm păng bơngai đei tơdrong hơrih tơnap tap. Dôm tơdrong jang đei jơnei kơ Khei 'Mêm bơnat sơnăm 2026 jing tơdrong bơ̆ng pang ăn jơhngơ̆m đon tơguăt tơguăl, tơgŭm dih băl 'lơ̆ng hơ-iă kơ kon pơlei bơ̆n.