Đơ̆ng chă hơlen, jơ̆p dêh char đei 44 unh hnam kăl chă tơgŭm, đei 24 tŏ hnam man 'nao păng 20 tŏ hnam ming hơmet. Đại tá Đinh Văn Hưng, Chĭnh uy Hơnih tơm vei lăng Khul linh dêh char Đăk Lăk ăn tơbăt, 'nguaih kơ jên tơgŭm kiơ̆ tơchơ̆t đơ̆ng teh đak, khul linh dêh char hơdrin hơvơn đei jên vă hơtŏk tơdrong tơgŭm truh 100 triu hlj hăm hnam man 'nao păng 50 triu hlj hăm hnam ming hơmet.

Pơma ah lêh pơtơm, Phŏ Kơdră Hơnih jang vei lăng kon pơlei dêh char Đăk Lăk Đào Mỹ ră hơdah, ou jĭ tơdrong jang kăp gĭt gah chinh trĭ, đon bơnôh kon bơngai, tơƀôh tơdrong pôk bơnê hăm dôm unh hnam tơgŭm jơhngơ̆m ăn kăch mang; atŭm hăm noh pơtruh nơ̆r hăm rim hơnih jang đei tơrĕk jang atŭm kơjăp, vă vei sơđơ̆ng ăn tơdrong ming man gơh keh đang trŏ nhen tơchơ̆t tơlĕch.