Dang ei tơdrong tơroi tơbăt tơ̆ tơring kơ dêh char Lâm Đồng brư̆ brư̆ đei hơmet kiơ̆ trong jang 'nao. Jơ̆p dêh char đei 94 hơnih jang rapor tơ̆ xah. Lơ tơrin ghlôi tơroi tơbăt gơh hơgei hloh, iŏk yua ư̆ng yŭng kŏng ngê̆ vă tơplih đơ̆ng chư chih jing nơ̆r pơma, tơgŭm ăn nơ̆r kon kông. Mă lei, hop akŏm adoi tơlĕch lơ tơdrong oei tơjruh nhen kơmăi kơmŏk tơroi tơbăt tơ̆ minh ƀar tơring tam mă 'lơ̆ng; tơdrong jang tơroi tơbăt iŏk yua ư̆ng yŭng kŏng ngê̆ tơroi tơbăt – viê̆n thŏng tam mă đei tôm lơ̆m tơring; chô̆ pơkăp Internet tơ̆ tơring hơtaih yaih tam mă kơjăp...

Hơnih jang vei lăng kon pơlei dêh char Lâm Đồng pơgơ̆r hăm rim hơnih jang, rim tơring pơtoi hơtŏk kơtang tơplih kơmăi kơsô̆ lơ̆m jang tơroi tơbăt tơ̆ tơring; asong jang gah kơmăi kơmŏk kih thuơ̆t kiơ̆ pơkăp drơ̆ng minh, 'nao hơgei; pơih să tơroi tơbăt pơre nơ̆r kiơ̆ kơmăi kơmŏk tơroi tơbăt 'nao hơgei; atŭm hăm noh keh đang, pơtho pơhrăm khul kang ƀô̆ jang gah kơmăi kơmŏk 'nao păng tơplih kơmăi kơsô̆ tơ̆ tơring.