Đe Kơpal so kơ Jơnŭm pơgơ̆r teh đak pơjao jên hŏk ăn hŏk tro tơring tơnap tap Đăk Lăk
Thứ sáu, 10:12, 15/05/2026
Lan chih tơblơ̆
Lan chih tơblơ̆
VOV.Bahnar – Kơsơ̆ năr (14/5), đe ƀok Nguyễn Hòa Bình, sơ̆ jang Phŏ Thủ tướng teh đak bơ̆n, Trần Hồng Hà, sơ̆ jang Phŏ Thủ tướng teh đak bơ̆n atŭm hăm đe kơdră kơpal so kơ rim hơnih jang tơm Trung ương hlôi truh hơpong ngôi,, plang hlôt nhang păng pơtơm tơdrong jang pơyua ăn tơpôl tơ̆ phương Bình Kiến, dêh char Đăk Lăk.
Rim đe kơdră kơpal kơ Jơnŭm pơgơ̆r teh đak păng rim hơnih jang tơm Trung ương hlôi truh hơpong ngôi apinh gah tơdrong hŏk pơhrăm, hơlêm, pơjao 150 suơ̆t jên hŏk, 50 tong gre tang wang păng 700 kơsơ̆p săch ăn kơ đe hŏk tro tơ̆ Hnam trưng Jăl kơđeh Nguyễn Kim Vang, phương Bình Kiến.
Ƀok Nguyễn Hòa Bình hơpơi 'meh khŭl bơngai pơtho, hŏk tro kơ hnam trưng pơtoi hơdrin pơlong pơtho pơhrăm tơnăp 'lơ̆ng, tơgăl hăm tơdrong juăt jue kơ hnam trưng đei hơnăn Linh lôch tang nuih mơng Nguyễn Kim Vang.
Viết bình luận