Tơdrong tơlĕch jang đei jên asong hloh 1.516 tih hlj, đei tơlĕch man tơ̆ 7 xah sơlam noh Ia Mơ, Ia Púch, Ia Pnôn, Ia Nan, Ia Dom, Ia Chía păng Ia O. Jô̆ truh blŭng khei 6, tơdrong jang hlôi keh đang đei pơhlom 50% tơdrong ming man. Mă lei, pơđĭ 7 hnam trưng dang ei oei adar hloh kơ pơkăp jang pơhlom 1 khei.

Jơnŭm Vei lăng dôm tơdrong ming man kơ dêh char Gia Lai athei đơ̆ng dang ei truh đĭ năr 30/8, rim hơnih jang athei akŏm khŭl jang, hơlen lăng rim tơdrong jang, asong bơngai jang, kơmăi kơmŏk păng pơtơm tơdrong jang hơnơ̆ng vă vei sơđơ̆ng keh đang tôm tơchơ̆t jang. Rim hơnih tơgŭm jang athei hơnơ̆ng hơlen lăng tơdrong 'lơ̆ng kơjăp, sơđơ̆ng hăm bơngai jang, ưh đei yua tơdrong pơkăp mă răm truh tơdrong 'lơ̆ng kơjăp kơ tơdrong ming man.