VOV.Bahnar - Tơ̆ dêh char Dak Lăk, Hơnih tơm vei lăng Hnam trương pơtho pơhrăm hlôi pơgơ̆r iŏk nơ̆r tơgop Trong vă jang“Tơdrong jang pơtho pơhrăm ming khul bơ̆ jang hơgei bơngai kon kông lơ̆m rim hơnih bơ̆ jang, tơdrong jang kăl jăl jang 2025–2035, lăng truh sơnăm 2045”. ‘Nou jing hơyak tơlĕch jang kiơ̆ hơdăh iung jang kiơ̆ Tơdrong tơchơ̆t kơsô̆ 1657 đơ̆ng Thủ tướng Teh đak găh Trong jang kăl bơ̆ jang kon kông jăl jang 2021–2030, lăng truh sơnăm 2045. 

VOV.Bahnar - Tơdrong jang sut pơđĭ hnam pơgia, hnam hiăh hiok tơ̆ Tây Nguyên jang vă jê̆ đang bơih. Dôm jĭt rơbâu tŏ hnam hlôi đei pơjao ăn kon pơlei, jing anih oei xa hiôk sơđơ̆ng ‘lơ̆ng rŏ, tưk tơiung jơhngâm hưch hanh tơ̆ pơlei pơla, pơlung kon pơlei adrin jang tŏk.

VOV.Bahnar – Khei năr ou ki, Khul linh dêh char Quảng Ngãi pơgơ̆r lơ tơdrong jang kăp gĭt tơrĕk truh đe Mĕ Việt Nam Nuih mơng, 'nhŏng oh linh lôch tang ăn teh đak, unh hnam teh đak tơchơ̆t tơgŭm. Lơ tơdrong jang kăp gĭt nhen tơgŭm năr ming man hnam 'mêm kơ-eng, hơmet ming hnam oei, khăm jĭ jăn, asong pơgang ưh kơ iŏk jên đei kang ƀô̆ khul linh pơgơ̆r tơ̆ lơ tơring. Dôm tơdrong jang ou đei pơtơm đơ̆ng sơnong jang kơ plei nuih bơngai linh Ƀok Hô.

VOV.Bahnar - Lăp lơ̆m mĭnh ƀar khei, vă jê̆ 6.400 pơbŭng hnam ‘lơ̆ng liĕm hlôi đei khul Kŏng ang rim hơnih tơ iung pơjing ming man tơ̆ rim pơlei pơla Tây Nguyên, hơnhăk đei jơhngơ̆m đon chơt hơ iă, tơdrong tơplih kơtang lơ̆m rim ŭnh hnam.  

VOV.Bahnar – Tơdrong jang sut lê̆ hnam pơgia, hnam hyah hyok kơyuơ Thủ tướng Teh đak pơtơm hlôi tơ-iung đon bơnôh “hla 'lơ̆ng bơ̆ng hla hyah”, “đon bơnôh kon pơlei” lơ̆m rim kon pơlei Việt Nam.

VOV.Bahnar - “Dôm bơngai vang bơ̆ jang sut pơđĭ hnam hiăh hiok, hơngiĕng tung ba tơdrong sơđơ̆ng hiôk hian”, ră roi truh dôm tơdrong adrin gĭt kăl đơ̆ng công an jơ̆p tơring, dôm bơngai tôch kơchăng lơ̆m tơdrong bơ̆ jang sut pơđĭ hnam hiăh hiok, pơjing đon lui tơ̆ tơring Tây Nguyên.

VOV.Bahnar – Thủ tướng pơgơ̆r athei jang mă tơtenh, hăt hot vă keh đang tŏ sĕt jat noh athei keh đang hloh 100 hnam trưng hơdrol kơ năr 30/8/2026.

VOV.Bahnar - Ƀlep lơ̆m jơ ‘năr 27/7 sơnăm ou, dêh char Dak Lăk pơgơ̆r lơ tơdrong jang ƀlŏk hơdơ̆r ‘lơ̆ng hơ iă hăm dôm bơngai đei iŏk yoa ăn Teh đak. Lơ khul bơ̆ jang hlôi năm truh tơ̆ tơring, pôk tơmam drăm, năm ngôi apĭnh jet gia pơma dơnuh, tơgŭm djru ming man hnam oei, ming hơmet hnam ‘mêm mơnat pôk ăn ŭnh hnam ƀô̆ đô̆i rơka, ƀô̆ đô̆i jĭ jăn, bơngai đei iŏk yoa ăn teh đak tŏk bŏk hơrih sa tơnap tap. Dôm pơbŭng hnam ‘nao, dôm tơnô̆ tơmam drăm tơgŭm ăn tơtom ưh khan lăp tơgŭm pơm sơđơ̆ng hơrih sa mă oei jing tơdrong jang ƀlŏk hơdơ̆r ‘lơ̆ng hơ iă, ƀlep jơ ‘năr hloh đơ̆ng khul kơdră chĕp pơgơ̆r tơring.

VOV.Bahnar - Khei 7 hăm ‘năr 27/7 jĭ jơnăr vă jơ̆p tơring lơ̆m teh đak ƀlŏk truh dôm bơngai hlôi lôch tang ăn tơdrong rơngei, lôch tang ăn teh đak; jĭ jơnăr vă rim bơngai đei arih lơ̆m chăl rơngei hiôk hian, tơƀôh jơhngâm đon bơnê kơ unh hnam đei kŏng, kơtum kơtŏng ‘nhŏng oh linh lôch tang teh đak, bơngai đei kŏng hăm kăch mang. Khei 7 “Nhă đak ƀlŏk kơtu”, dêh char Lâm Đồng oei chih tơtrơp dơ̆ng tơdrong juăt, tưk tơiung jơhngâm đon ‘mêm kơ pơlei pơla, teh đak kiơ̆ đơ̆ng dôm tơdrong jang gĭt kăl, tôch đei yoa.

VOV.Bahnar – Kơsơ̆ 'năr brei (24/7), Kơdră Anih jang Trung ương Măt trâ̆n tôh kuôk Việt Nam Đỗ Văn Chiến hlôi truh hơpong ngôi, asong tơmam ăn dôm unh hnam tơgŭm jơhngơ̆m ăn kăch mạng tơ̆ Hải Phòng.