Jang kiơ̆ tơdrong jang, Khánh Hòa hlôi jang đang iŏk kơting hăm 2.124 linh lôch tang ăn tĕh đak tam mă băt hơdăh hơnăn, hrôih hlŏh trong tơlĕch jang 4 khei. Lơ̆m kơsô̆ âu, 1.240 kơting đei tôm tơdrong 'lơ̆ng vă set hơlen ADN păng hlôi đei pơjao ăn Anih jang Pháp y Khŭl linh. Truh dang ei, lơ̆m dêh char hlôi iŏk đei hlŏh 90% kơsô̆ kơting kiơ̆ trong tơlĕch jang tơ̆ dôm tơring.

Hăm hơnăp jang tơchă, kôch akŏm, khul linh kơpal hlôi tơchă, kôch akŏm 59 kơting linh lôch tang ăn teh đak; lơ̆m noh, 14 linh lôch tang ăn teh đak hlôi băt hơdăh tôm tơdrong kơtơ̆ng ang vă pơgơ̆r pơdong păng ƀŭ hơmet. Tơ̆ hơnăp kơnh, dêh char Khánh Hòa hơnơ̆ng dăr hơlen, băt hơdăh kơtơ̆ng ang tơ̆ dôm tơring hlôi đei tơdrong tơblăh, tơring kăn kư̆ kăch mang, bri kông păng dôm tơring jâu đei pơsat ƀŭ hơdai; hơdai hăm hơmet ăn pơgơ̆r pơm lêh pơdong ƀŭ kơ ting linh lôch tang ăn teh đak kơ dêh char mă ‘lơ̆ng, trŏ ƀlep tơdrong hơgăt.