VOV.Bahnar -  Tơ̆ apŭng Thuận Châu (so), dang ei ‘noh rim tơring Thuận Châu; Chiềng La; Nậm Lầu; Muổi Nọi; Mường Khiêng; Co Mạ; Bình Thuận; Mường É hăm Long Hẹ kơ dêh char Sơn La hăm hloh 90% măt bơngai kon pơlei kon kông, tơdrong pơm mĕ kơ bơngai drŏ kăn hlôi tơjră muh măt hăm lơ tơdrong long. Gơnơm tơdrong vă jang 8 găh Tơdrong jang Tơm Teh đak, rơbou trong yak pơm mĕ tơ̆ tơring groi kông ou hlôi jing sơđơ̆ng dơ̆ng kơjăp hloh.

VOV.Bahnar – Hô̆i đŏng kon pơlei dêh char Lâm Đồng 'nao hơlen Tơchơ̆t asong jê̆ 300 tih hlj pơm kiơ̆ Tơdrong tơchơ̆t jang kơ teh đak gah hơtŏk mŭk drăm – tơpôl tơring kon pơlei kon kông păng groi kông sơnăm 2025.

VOV4.Bahnar - Ƀlep ƀât tơbăt 78 sơnăm Năr Linh jĭ rơka – Linh lôch tang teh đak (27/7), kơsơ̆ 15/7, Tổng Bí thư Tô Lâm năm ngôi, hơpăh tơmam ăn đe linh jĭ rơka, linh jĭ jăn păng bơngai đei kŏng tơ̆ Anih vei rong linh jĭ rơka Thuận Thành (Bắc Ninh).

VOV4.Bahnar - Dêh char Gia Lai hơtŏk dôm tơdrong jang man hnam oei ăn tơpôl vă tơgŭm pơm sơđơ̆ng tơdrong arih xa ăn kăn ƀô̆.

VOV4.Bahnar - Lơ̆m tơdrong jang tŏk mŭk drăm, tơpôl tơ̆ tơring kon kông păng groi kông, tơdrong pơm hơtŏ băl kơplăh drŏ kăn păng drŏ nglo ưh lăp vă vei lăng tơdrong đei yoa ăn drŏ kăn păng hơioh đĕch, mă oei jing mĭnh tơdrong tôch gĭt kăl tơgŭm ăn dôm tơring jang tŏk pran kơjăp, ưh đei hŭt hơchăng bu tơ̆ rŏng. Tơdrong jang 8 hăm hơnăn “Pơm hơtŏ băl kơplăh drŏ kăn hăm drŏ nglo păng sek tơlang dôm tơdrong kăl ăn drŏ kăn păng đe hơioh” jĭ 1 lơ̆m dôm tơdrong tôch gĭt kăl lơ̆m Tơdrong jang tơm kơ teh đak atŏk tơiung mŭk drăm – tơpôl tơ̆ tơring kon kông păng groi kông.

VOV4.Bahnar - Lơ̆m khei ‘năr Tơdrong jang tơm kơ Teh đak hơtŏk tơiung mŭk drăm - tơpôl tơring kon pơlei kon kông păng groi kông tŏk bŏk hơmet ăn yak mơ̆t lơ̆m 1 jăl jang ‘nao, ‘noh tơdrong pơvei păng hơtŏk pran hloh dơ̆ng tơdrong jang tơgep hơtŏ băl drŏ nglo hăm drŏ kăn lơ̆m đĭ đăng dôm tơdrong đơ̆ng tơdrong jang ưh pă jing apĭnh, mă hlôi jing 1 athei kăl. Tơdrong ‘nâu ưh khan lăp vă vei sơđơ̆ng tơdrong đei yua hơtŏ băl ăn drŏ kăn păng hơioh drŏ kăn tơring kon pơlei kon kông, mă oei jing tơdrong tơm gĭt kăl pơm jing tơdrong hơtŏk tơiung kơjăp ăn pơđĭ tơpôl.

VOV4.Bahnar – Tơchơ̆t pơm jang kơ Teh đak gah hơtŏk mŭk drăm tơpôl tơring kon pơlei kon kông păng groi kông jăl sơnăm 2021-2030, mă kăl noh Tơdrong jang 8 "Pơm kiơ̆ pơkăp hơtŏ hơnơ̆ng drŏnglo drăkăn păng sek tơlang dôm tơdrong đei ƀôh hăm đe drăkăn păng đe hơ-ioh", hlôi pơjing đei tơdrong kăp gĭt lơ̆m tơdrong hlôh vao păng tơdrong hơrih ăn đe drăkăn. Mă lei, kiơ̆ đơ̆ng tơlĕch jang, adoi oei đei lơ tơdrong tơhlăk tơhlĭn athei chih akŏm păng sek tơlang vă tơdrong jang hơdoi hơtŏ đe drŏnglo drămăn tơpă đei jơnei kơjăp sơđơ̆ng.

VOV4.Bahnar - Tơring kon kông păng groi kông kơ teh đak bơ̆n hơnơ̆ng jĭ tơring oei tơjră hăm lơ tơdrong nol găh đon tơchĕng ưh hơtŏ băl kơplăh drŏ kăn hăm drŏ nglo, tơdrong iŏk unh om hrôih, oei băl hơgăm, teh dong lơ̆m hnam tơnŏ păng ưh đei lơ jên, tơmam vă jang tŏk. Kơplăh ‘nŏh, Tơdrong jang 8 – "Pơm hơtŏ băl kơplăh drŏ kăn hăm drŏ nglo păng sek tơlang ‘lơ̆ng dôm tơdrong kăl hăm drŏ kăn păng đe hơioh" găh tơdrong jang tơm kơ teh đak atŏk tơiung mŭk drăm, tơpôl tơ̆ tơring kon kông păng groi kông đơ̆ng 2021-2030, tơƀôh hơdăh tơdrong gĭt kăl vă jang tŏk. Hăm dôm tơdrong đei yoa hlôi iŏk đei, tơdrong hơtŏk ‘lơ̆ng păng pơih xă tơring hlôi jing 1 tơdrong jang gĭt kăl vă pơm tơplih ‘lơ̆ng rim tơdrong.

VOV4.Bahnar - ‘Năr 10/7, Thủ tướng Phạm Minh Chính pơgơ̆r Hop akŏm hơlen năng 3 sơnăm bơ̆ jang kiơ̆ Tơdrong tơchơ̆t kơsô̆ 18-NQ/TW, 1 sơnăm bơ̆jang kiơ̆ Luơ̆t teh sơnăm 2024. Thủ tướng athei dôm tơdrong ƀơm truh tơ̆ teh athei tơchĕng hơlen mă brĕ vă pơm hơtŏk kơjă đơ̆ng teh, đei trong jang đunh đai, tôm tơdrong ƀơm truh tơ̆ lơ anih jang, tơdrong jang.

VOV4.Bahnar - Lăp đơ̆ng rŏng hơgrop Gia Lai, Bình Định, Jơnŭm vei lăng kon pơlei dêh char Gia Lai jăl  XII, jăl jang 2021-2026, hlôi pơgơ̆r ‘măng hop akŏm mă blŭng. ‘Nou tơdrong tơbăt hơdăh ‘măng iung jang blŭng a kơ Khul kơdră chĕp pơgơ̆r ‘nao hăm trong tơlĕch jang tơ iung pơjing dêh char Gia Lai atŏk tơ iung pran kơtang lơ̆m jăl ‘nao.